तरुणीला 6 आत्म्यांनी झपाटलेलं… 67 वेळा उतरवली भूतबाधा, पण तिचा वेदनादायी मृत्यू; हैराण करणारं रहस्य….

हॉरर सिनेमा पाहण्याचा एक वेगळाच थ्रिल असते… ते अचानक घाबरवणारे प्रसंग आणि भयानक माणसं मोठ्या पडद्यावर, काही क्षणांसाठी का होईना, बघायला मजा येते. अनेक हॉरर सिनेमे केवळ दिग्दर्शकाच्या कल्पनेतून तयार होतात, पण काही वास्तविक जीवनातून प्रेरित असतात. हॉलिवूडची ‘द कॉन्जरिंग’ सिनेमा सीरिड ही घरांतून भूत किंवा आत्मा बाहेर काढण्याचं काम करणाऱ्या एका खऱ्याखुऱ्या जोडप्यावर आधारित होती. मात्र एक सिनेमा असा देखील आहे, जो सत्या घटनेवर आधारित आहे… ज्या सिनेमाबद्दल फार कोणाला माहिती देखील नाही.

20 वर्षांपूर्वी एक सिनेमा प्रदर्शित झालेला सिनेमाचं नाव होतं, ‘द एक्सॉर्सिज्म ऑफ एमिली रोझ’, एक सिनेमा ज्यामध्ये सुपरनॅचुरल हॉररसोबतच प्रेक्षकांना कोर्ट रुम ड्रामा देखील अनुभवता आला. सिनेमाची कथा एक जर्मन तरुणी एनालिस मिशेल हिच्या भोवती फिरत आहे. तरुणीचं वयाच्या 23 व्या वर्षी निधन होतं.

एनालिझ मिशेलची कथा भुतांवर विश्वास न ठेवणाऱ्यांसाठी एक आव्हान आहे. 1952 मध्ये एका ख्रिश्चन कुटुंबात जन्मलेल्या तिच्या कुटुंबातील प्रत्येकाचा त्यांच्या देवावर पूर्ण विश्वास होता. पण 1968मध्ये, जेव्हा अ‍ॅनालिझ 16 वर्षांची झाली, तेव्हा तिचं आयुष्य पूर्णपणे बदललं. एनालिस सतत आजारी पडू लागली, एवढंच नाही तर, विचित्र गोष्टी घडत असल्याची आणि आवाज ऐकू येत असल्याची ती तक्रार करू लागली.

डॉक्टर आणि धर्मगुरूही अयशस्वी

जेव्हा एनालिस हिला डॉक्टरांकडे नेण्यात आलं, पण त्याचा काहीही उपयोग झाला नाही. एनालिस हसूही शकत नव्हती आणि खाऊ देखील शकत नव्हती. दिवसागणिक तिची प्रकृती खालावत होती. ज्यामुळे डॉक्टर आणि कुटुंबिय देखील घाबरले होते… काही दिवसांनंतर एनालिस हिच्यावर उपचार करणं देखील थांबवण्यात आलं… कारण कुटुंबियांना कळलं होतं की, एनालिस हिच्यावर कोणत्या तरी वाईट शक्तीचा प्रभाव आहे… पण कुटुंबियांना माहिती नव्हतं की, एनालिस हिला 6 आत्म्यांनी झपाटलेलं आहे.

सांगायचं झालं तर, इंटरनेटवर एनालिस हिचे अनेक व्हिडीओ आहेत. एनालिस हिची प्रकृती स्थिर करण्यासाठी कुटुंबियांनी अनेक प्रयत्न केले. यापैकी एक म्हणजे भूतबाधा उतरवणं. एनालिसला वेगवेगळ्या चर्चमध्ये नेण्यात आलं आणि तिच्यावर भूतबाधा उतरवण्याचे विधी करण्यात आले. अनेक उच्चपदस्थ धर्मगुरूंनी तिच्यावर भूतबाधा उतरवण्याचे विधी केले, परंतु ते तिच्यातील सहा आत्म्यांना बाहेर काढू शकले नाहीत. असं म्हटलं जातं की, ही प्रक्रिया एनालिसवर अंदाजे 67 वेळा करण्यात आली, परंतु तिच्यावर काहीही परिणाम झाला नाही.

असं देखील सांगितलं जातं की, एनालिस हिच्यावर ल्युसिफर, केन, ज्युडास इस्कारिओट, ॲडॉल्फ हिटलर, नीरो आणि फ्लेशमन यांच्या आत्म्यांचा ताबा होता. मात्र, डॉक्टरांनी अद्याप या दाव्याची पुष्टी केलेली नाही, त्याचप्रमाणे त्यांनी एनालिसमध्ये आत्म्यांचं अस्तित्वही मान्य केलेलं नाही. भूतबाधा उतरवण्याच्या विधींदरम्यान, एनालिसला जाड साखळ्यांनी बांधलं जात असे, कारण ती कधीकधी खूप हिंसक बनत असे. तिने सुमारे सात वर्षे हे सहन केलं.

याकाळात अनेक जण एनालिस हिला घाबरु लागले होते. मृत्याच्या बरोबर एक दिवस आधी 30 रोजी एनालिस हिच्यावर असलेली भूतबाधा उतरवण्याचा प्रयत्न करण्यात आलेला. पण त्याचा काहीच परिणाम झाला नाही. त्यानंतर एनालिस स्वतःच प्रचंड थकली आणि तिने मृत्यूची इच्छा व्यक्त केली… 1 जून 1976 रोजी एनालिस हिने अखेरचा श्वास घेतला…