उत्तर प्रदेश निवडणुकीत काँग्रेसकडून ‘बिकिनी गर्ल’ मैदानात, कोण आहे अर्चना गौतम?

काँग्रेसकडून (congress) नुकतीच 125 उमेदवारांची यादी जाहीर करण्यात आली आहे. यात 40 टक्के महिलांना उमेदवारी देण्यात आली आहे. यात उन्नावमध्ये बलात्कार झालेल्या पीडितेच्या आईला तिकीट देण्यात आलं आहे. त्याचबरोबर 'बिकनी गर्ल' अर्चना गौतमला उमेदवारी देण्यात आली आहे.

अर्चना गौतम

TV9 मराठी डिजीटल टीम | Edited By: Yuvraj Jadhav | Updated on: Jan 14, 2022 | 1:58 PM

uttar pradesh assembly election 2022: उत्तर प्रदेशमध्ये सध्या विधानसभा निवडणुकीचं (up assembly election) वारं वाहतंय. या निवडणुकीत काँग्रेस 40 टक्के महिलांना मैदानात उतरवणार आहे. तशी घोषणा काँग्रेस महासचिव प्रियांका गांधी (priyanka gandhi) यांनी याआधी केली आहे. काँग्रेसकडून (congress) नुकतीच 125 उमेदवारांची यादी जाहीर करण्यात आली आहे. यात 40 टक्के महिलांना उमेदवारी देण्यात आली आहे. यात उन्नावमध्ये बलात्कार झालेल्या पीडितेच्या आईला तिकीट देण्यात आलं आहे. त्याचबरोबर ‘बिकनी गर्ल’ अर्चना गौतमला(archana gautam) उमेदवारी देण्यात आली आहे.

काँग्रेसने काल विधानसभा उमेदवारांची यादी जाहीर केली. यात अभिनेत्री अर्चना गौतमला मेरठमधल्या हस्तिनापूर विधानसभा मतदारसंघातून उमेदवारी देण्यात आली आहे. ती बी- टाऊनमध्ये ‘बिकनी गर्ल’ नावाने प्रसिद्ध आहे.

अर्चना गौतम कोण आहे? अर्चना गौतमने IIIMT तून पत्रकारितेचं शिक्षण घेतलं आहे. पण पत्रकारितेत तिचं मन रमलं नाही. त्यामुळे तिने मॉडेलिंगला सुरूवात केली. 2014 ला मिस उत्तर प्रदेशचा किताब जिंकला. त्यानंतर 2018 मध्ये ती ‘मिस बिकनी इंडिया’ ठरली. ‘मिस बिकनी युनिव्हर्स’चा ताज तिने जिंकला. त्यानंतर ती ‘बिकनी गर्ल’ या नावाने ओळखली जाऊ लागली. याचसोबत मिस कुओमो इंडिया, मिस टॅलेट हे किताब आपल्या नावे केलेत. ती काही जाहिरातींमधून छोट्या पडद्यावर झळकली. त्याचसोबत काही दाक्षिणात्य सिनेमातही तिने काम केलं आहे.

काँग्रेस उमेदवारांची पहिली यादी जाहीर

१० फेब्रुवारीला उत्तर प्रदेश विधानसभेसाठी मतदानाचा पहिला टप्पा पार पडेल. त्यासाठी सगळ्याच पक्षांनी कंबर कसली आहे. प्रियांका गांधी सध्या उत्तर प्रदेश पिंजून काढत आहेत. महिलांशी संबंधित प्रश्नांवर त्या आवाज उठवत आहेत. ‘लडकी हूँ, लड सकती हूँ’ हा नारा देत त्या महिलांना राजकारणात सक्रिय होण्यास प्रोत्साहन देत आहेत. अशातच काल जाहीर झालेल्या काँग्रेस उमेदवार यादीत महिलांना 40 टक्के स्थान देण्यात आलं आहे. उन्नाव बलात्कार पीडितेच्या आईला काँग्रेसने तिकीट दिलंय. काँग्रेसचे नेते सलमान खुर्शीद यांच्या पत्नी लुईस खुर्शीद, सोनभद्रच्या पीडित आदिवासी व्यक्तीला काँग्रेसने तिकीट देत निवडणुकीच्या रिंगणात उतरवलं आहे.

संबंधित बातम्या