आला हिवाळा पण हीटर टाळा, रात्रभर हिटर लावल्यास ‘या’ आजारांचा धोका

नवी दिल्ली – सध्या थंडीचा कडाका (winter) चांगलाच वाढू लागला आहे. अशा परिस्थितीत थंडीपासून बचाव करण्यासाठी लोकं गरम कपड्यांचा तर वापर करतातच त्यासह रुम हीटरही (room heater) वापरतात. विशेषत: ज्यांच्या घरी लहान मुलं किंवा वृद्ध व्यक्ती आहेत, त्यांचा थंडीपासून बचाव करण्यासाठी रुम हीटर खूप उपयुक्त ठरत आहे. मात्र त्याचा वापर करतानाच हीटरबद्दल काही महत्वाच्या गोष्टी माहित असणेही गरजेचे आहे. जर तुम्ही रात्रभर रुम हीटर सुरू ठेवत असाल तर ते सुरक्षिततेच्या दृषटीने धोकादायक तर ठरतेच मात्र आरोग्यासाठीही हानिकारक (bad for health) असते.

रुम हीटर का ठरतो धोकादायक ?

हेल्थशॉटनुसार, जेव्हा तुम्ही रात्रभर रुम हीटर सुरू ठेवता तेव्हा हवेत कार्बन मोनोऑक्साइडची पातळी वाढू लागते, जे आपल्या आरोग्यासाठी घातक ठरू शकते. त्याशिवाय इतर कारणांमुळेही रात्रभर रूम हीटरचा वापर करणे टाळले पाहिजे. रात्रीच्या वेळी रूम हीटर धोकादायक का ठरतो, ते जाणून घेऊया.

हवेची विषारी गुणवत्ता

जर खोलीत पुरेसे व्हेंटिलेशन नसेल आणि आपण बराच काळ रूम हीटर सुरू असेल हीटरमुळे हवेतील कार्बन मोनॉक्साईडचे प्रमाण वाढू लागते. ज्यामुळे खोलीतील हवेची गुणवत्ता विषारी होऊ लागते. हे कधीकधी दम्यासारखे आजार ट्रिगर होतात.

रोग प्रतिकारक शक्तीवर होतो परिणाम

जर तुम्ही खोलीच्या आतील हवा गरम केली असेल आणि वारंवार खोलीतून बाहेर पडत असाल तर त्यामुळे शरीराच्या तापमानात चढ-उतार होतो, ज्यामुळे प्रतिकारशक्ती कमकुवत होते. ज्यामुळे तापही येऊ शकतो.

डोळे येणे

वास्तविक, जेव्हा रुम हीटर बराच काळ सुरू असेल तर त्यामुळे खोलीतील ओलावा कमी होतो आणि हवा कोरडी होते. ज्यामुळे डोळ्यांची जळजळ सुरू होते आणि डोळ्यांमध्ये इन्फेक्शन होऊन त्रास होऊ शकतो.

त्वचेची होते जळजळ

हवेतील ओलावा नाहीसा झाल्यामुळे त्वचा कोरडी पडू लागते. ज्यामुळे खाज सुटणे, चिडचिड होणे, जंतुसंसर्ग होणे अशा समस्या उद्भवू शकते. इतकंच नाही तर हीटरमुळे त्वचेला अनेक प्रकारचे इन्फेक्शन होऊ शकते.