सोरायसिस आजारावर पतंजलीची औषधे रामबाण उपाय; संशोधनात मोठा खुलासा

सोरायसिस हा एक जुनाट आणि वेदनादायक त्वचा रोग आहे, जो जगभरातील लाखो लोकांना प्रभावित करतो. हा एक ऑटोइम्यून आजार आहे ज्यामध्ये शरीराची रोगप्रतिकारक शक्ती स्वतःच त्वचेवर हल्ला करू लागते, ज्यामुळे त्वचेवर लाल पुरळ, खाज सुटणे आणि पांढरे थर येतात. सहसा अ‍ॅलोपॅथीमध्ये त्याचा उपचार फक्त लक्षणे दाबण्यापुरता मर्यादित असतो. पण हा आजार कायमचा बरा होत नाही. पण आता या आजाराच्या उपचाराबाबत पतंजली आयुर्वेदात आशेचा किरण निर्माण झाला आहे. पतंजलीच्या औषधांनी या आजारावर उपचार करता येतात.

पतंजली संशोधन संस्थेने केलेले संशोधन जगप्रसिद्ध “Taylor & Francis” गटाच्या संशोधन जर्नल, Journal of Inflammation Research रिसर्चमध्ये प्रकाशित झाले आहे. या संशोधनातून असे दिसून आले आहे की, पतंजलीने तयार केलेले सोरोग्रिट टॅब्लेट आणि दिव्य तेल सोरायसिसच्या उपचारात प्रभावी सिद्ध झाले आहे. पतंजलीच्या शास्त्रज्ञांनी बराच काळ संशोधन करून सोरायसिसच्या मुळापर्यंत पोहोचण्याचा प्रयत्न केला आहे. सोरायसिस हा एक जुनाट त्वचारोग आहे, ज्यामध्ये त्वचेवर चांदीसारखे चमकदार कवच आणि लाल पुरळ उठतात. या पुरळांमुळे खूप खाज येते, अशी माहिती पतंजलीचे आचार्य बालकृष्ण यांनी दिली.

अ‍ॅलोपॅथी फक्त रोग नियंत्रित करते

अ‍ॅलोपॅथी उपचारांमध्ये या आजाराची फक्त लक्षणे कमी होतात आणि अ‍ॅलोपॅथीचे दुष्परिणाम देखील दिसून येतात. सोरायसिस हा एक गंभीर स्वयंप्रतिकार आजार आहे, ज्यामध्ये रुग्णाला असह्य समस्यांना तोंड द्यावे लागते. आतापर्यंत यावर कायमस्वरूपी इलाज नव्हता. सोरायसिससारखा असाध्य मानला जाणारा आजार देखील नैसर्गिक औषधी वनस्पतींनी बरा होऊ शकतो, हे आता पतंजलीने सिद्ध केले आहे.

हे उपचार कसे कार्य करते?

सोरोग्रिट आणि दिव्य तेल दोन्ही आयुर्वेदिक औषधांवर आधारित आहेत. यामध्ये वापरल्या जाणाऱ्या औषधी वनस्पती त्वचेची जळजळ कमी करतात, मृत त्वचेच्या पेशी काढून टाकण्यास मदत करतात आणि शरीराची रोगप्रतिकारक शक्ती संतुलित करतात. हे उपचार केवळ लक्षणे कमी करत नाहीत तर रोगाच्या मुळाशीही काम करतात, ज्यामुळे दीर्घकालीन आराम शक्य होतो.

अ‍ॅलोपॅथीपेक्षा सुरक्षित पर्याय

अ‍ॅलोपॅथिक औषधे जिथे लक्षणे दाबण्यावर लक्ष केंद्रित करतात, त्याचवेळी, त्यांचे अनेक दुष्परिणाम देखील दिसून येतात. तर पतंजलीने तयार केलेले हे आयुर्वेदिक उपचार नैसर्गिक आहे आणि त्याचे कोणतेही दुष्परिणाम नोंदवलेले नाहीत. यामुळे रुग्णाला शारीरिक आणि मानसिक दोन्ही पातळीवर संतुलन मिळते.

आयुर्वेदाचे वाढते जागतिक महत्त्व

आंतरराष्ट्रीय स्तरावर या संशोधनाचे प्रकाशन हे सिद्ध करते की, आयुर्वेद आता केवळ भारतापुरता मर्यादित नाही, तर त्याचा वैज्ञानिक आधार आणि प्रभावी परिणाम जगभरात ओळखले जात आहेत. भारताच्या पारंपारिक वैद्यकीय व्यवस्थेसाठी हा एक मोठा सन्मान आहे.