फक्त अंडीच नाही तर ‘या’ भाज्या देखील आहेत प्रथिनांचे मुबलक स्त्रोत

आजकाल बहुतेकजण फिटनेसबद्दल जागरूक होत आहेत. त्यामूळे त्यांच्या आहारात अनेक प्रकारचे पोषक घटक समाविष्ट करत आहेत, त्यापैकी एक म्हणजे प्रथिने. प्रथिनेयुक्त पदार्थांचे सेवन केल्याने आपल्या शरीराला फायदेशीर ठरते. परंतु बऱ्याच लोकांचा असा विश्वास असतो की प्रथिने फक्त मांसाहारी आणि दुग्धजन्य पदार्थ जसे की अंडी, मांस किंवा दूध यांमधूनच मिळतात. विशेषतः शाकाहारी लोकं सहसा असे विचार करतात की त्यांच्यासाठी प्रथिनांचा पुरेसा पर्याय नाही. पण तसे नाही, काही भाज्या अशा आहेत ज्या प्रथिनांचा एक उत्तम स्रोत आहेत.

प्रथिने हे आपल्या शरीराच्या दुरुस्ती आणि वाढीसाठी अत्यंत महत्त्वाचे पोषक तत्व प्रदान करतात. त्याचबरोबर स्नायू तयार करण्यात, रोगप्रतिकारक शक्ती मजबूत करण्यात आणि हाडे मजबूत करण्यात प्रथिने महत्त्वाची भूमिका बजावते. जर एखाद्याला स्नायू कमकुवतपणा, सांधेदुखी किंवा हाडांच्या कमकुवतपणाची तक्रार असेल तर त्यांनी प्रथिनेयुक्त आहार घेणे अत्यंत महत्त्वाचे ठरते. चला तर मग जाणून घेऊया अशा पौष्टिक भाज्यांबद्दल ज्या केवळ अंड्यांपेक्षा जास्त प्रथिने देत नाहीत तर तुमची हाडे देखील मजबूत करतात.

ब्रोकोली

ब्रोकोली हे एक सुपरफूड मानले जाते जे केवळ अँटीऑक्सिडंट्स आणि फायबरने समृद्ध नाही तर प्रथिने देखील समृद्ध आहे. 100 ग्रॅम ब्रोकोलीमध्ये सुमारे 2.5 ग्रॅम प्रथिने असतात. त्यात व्हिटॅमिन के आणि कॅल्शियम देखील भरपूर प्रमाणात असते जे हाडे मजबूत करण्यासाठी आवश्यक असतात.

हिरवे वाटाणे

एक कप उकडलेल्या हिरव्या वाटाण्यामध्ये सुमारे 8.58 ग्रॅम प्रथिने असतात, जे एका अंड्यापेक्षा जास्त असतात. यासोबतच हिरवे वटाणे हे व्हिटॅमिन सी, लोह आणि फायबरचा देखील चांगला स्रोत आहे. ते केवळ रोगप्रतिकारक शक्ती मजबूत करत नाही तर हाडे मजबूत करण्यास देखील मदत करतात.

पालक

पालक हा बऱ्याचदा लोहाचा चांगला स्रोत मानला जातो, परंतु त्यात प्रथिने देखील चांगली असतात. एक कप शिजवलेल्या पालकामध्ये सुमारे 6 ग्रॅम प्रथिने असतात. त्यात असलेले जीवनसत्त्वे A, C आणि K हाडे आणि त्वचा दोन्हीसाठी फायदेशीर असतात.

ब्रुसेल्स कोबी

ब्रुसेल्स स्प्राउट्स लहान कोबीसारखे दिसत असले तरी पोषक तत्वांनी परिपूर्ण आहेत. त्यामध्ये प्रति 100 ग्रॅम सुमारे 3.4 ग्रॅम प्रथिने असतात. ते हाडांची ताकद वाढवण्यास, जळजळ कमी करण्यास आणि शरीरातील विषारी पदार्थ बाहेर काढण्यास मदत करतात.

ग्रीन बीन्स

ग्रीन बीन्स केवळ चविष्टच नाहीत तर पौष्टिकतेनेही परिपूर्ण असतात. हेल्थलाइनच्या मते, एक कप ग्रीन बीन्समध्ये सुमारे 2.7 ग्रॅम फायबर असते. याशिवाय एक कप ग्रीन बीन्समध्ये सुमारे 2 ग्रॅम प्रथिने असतात. हे ग्रीन बीन्स कॅल्शियम, पोटॅशियम आणि फायबरचा देखील चांगला स्रोत आहेत, जे हाडे आणि पचन दोन्हीसाठी फायदेशीर आहेत.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)