Women Health Tips : महिलांनो इकडे लक्ष द्या ! चांगलं आरोग्य हवं असेल कर जरूर खा हे पदार्थ, व्हाल तंदुरुस्त
आपल्या नेहमीच्या आहारातील असे अनेक पदार्थ आहेत जे खाल्ल्याने पोषक घटक मिळून आरोग्याला अनेक फायदे होतात. ते पदार्थ कोणते हे जाणून घेऊया.
नवी दिल्ली – घरचं काम, ऑफीसचं काम व्यस्त शेड्युलमुळे बऱ्याचशा महिलांना त्यांच्या तब्येतीकडे (woman health) नीट लक्ष देता येत नाही. बहुतांश महिलांचे त्यांच्या आरोग्याकडे दु्र्लक्ष होतं. याचा त्यांच्या मानसिक आणि शारीरिक आरोग्यावर (effect on mental and physical health) वाईट परिणाम होतो. खराब दिनचर्या, चुकीचे खाणे आणि ताणतणाव यामुळे मासिक पाळी अर्थात पीरियड्सवरही (periods) परिणाम होतो. योग्य वेळी मासिक पाळी आली नाही तर तणाव आणखी वाढतो. जर तुम्हीही अनियमित मासिक पाळीच्या समस्येने त्रस्त असाल तर या 5 गोष्टींचा आहारात नक्की समावेश करा.
– निरोगी राहण्यासाठी महिलांनी दररोज आल्याचा चहा पिणे उत्तम ठरते. आल्यामध्ये अनेक आवश्यक पोषक घटक आढळतात, जे आरोग्यासाठी फायदेशीर असतात. विशेषतः अनियमित मासिक पाळीच्या त्रासापासून मुक्त होण्यासाठी आलं उत्तम ठरतं. आल्यामध्ये जिंजरॉल नावाचे संयुग असते जे शरीरातील जळजळ आणि सूज कमी करते. यामुळे मासिक पाळी योग्य वेळी येते.
– महिलांसाठी गूळ हा देखील एक वरदान ठरतो. त्यामध्ये सोडिअम आणि पोटॅशिअम आढळते. ज्यामुळे अनियमित मासिक पाळीच्या समस्येपासून मुक्तता होते. सोप्या शब्दांत सांगायचे झाले तर मासिक पाळी वेळच्या वेळी येते. गूळ हा उष्ण प्रकृतीचा असतो. त्यामुळे महिलांनी आहारात गुळाचा समावेश अवश्य करावा.
– आरोग्य तज्ज्ञांच्या सांगण्यानुसार, मेथीचे पाणी प्यायल्यानेही मासिक पाळी नियमित होते. यासाठी रोज रात्री झोपण्यापूर्वी एक ग्लास पाण्यामध्ये एक चमचा मेथीचे दाणे घालून ते भिजवून ठेवावेत. सकाळी उठल्यानंतर हे पाणी गरम करावे आणि नंतर गाळून हे पाणी प्यावे.
– जर तुम्हाला मासिक पाळीदरम्यान होणारा त्रास दूर करायचा असेल तर आहारात हळदीचा अवश्य समावेश करावा. त्याच्या नियमित सेवनाने अनियमित मासिक पाळीचा त्रास दूर होण्यास मदत होते. यासाठी तुम्ही हळद घातलेले दूध पिऊ शकता. याशिवाय रोजच्या भाज्या, आमटी तसेच लोणच्यामध्येही हळद घालूनही त्याचे सेवन करता येते.
– व्हिटॅमिन-सी ने समृद्ध असलेल्या पदार्थांमध्ये एस्कॉर्बिक ॲसिड देखील आढळते. हे आवश्यक पोषक तत्वं मासिक पाळीला चालना देण्यासाठी उपयुक्त असतात. त्यासाठी तुम्ही संत्रं, लिंबू , किवी, स्ट्रॉबेरी आणि गुजबेरी यांचे सेवन करू शकता. तुम्ही ही फळं कापून सेवन करू शकता किंवा त्यांचा रसही पिऊ शकता.
