भारताची नवी कोरोना लस ZyCov-D, तीन डोस घ्यावे लागणार, सुई विना लसीकरण, वाचा सविस्तर

नवी दिल्ली: भारतातील आघाडीची औषध कंपनी झायडस कॅडिलाच्या (Zydus Cadila ) कोरोनाच्या लसीवरील चाचण्या पूर्ण झाल्या आहेत. झायडस कॅडिलाच्यावतीनं केंद्र सरकारकडे लसीच्या आपत्कालीन वापराला मंजुरी देण्यासाठी अर्ज केला आहे. झायडस कॅडिलाच्या वतीनं झायकोव-डी (ZyCov-D) लसीची निर्मिती करण्यात आली आहे. या लसीचे तीन डोस घ्यावे लागतात. लसीची विशेषता म्हणजे लस घेण्यासाठी इंजेक्शनचा वापर करावा लागत नाही. (Zydus Cadila apply for emergency authorisation for ZyCov-D corona vaccine know all details)

डीएनएवर आधारित कोरोना लस

झायडस कॅडिलानं डीएनए आधारित कोरोना लसीची निर्मिती केली आहे. आपत्कालीन वापरासाठी अर्ज करणारी झायडस कॅडिला ही दुसरी कंपनी आहे. तर, डीएनएवर आधारित असणारी कोरोनावरील जगातील पहिली लस आहे. या लसीमध्ये विषाणच्या डीएनएच्या जेनेटिक कोडचा वापर करुन लसीची निर्मिती करण्यात आली आहे. यामुळे लस घेतल्यानंतर व्यक्तीची प्रतिकारशक्ती वाढण्यास मदत होईल.

28 हजार स्वयंसेवकांवर चाचणी

झायडस कॅडिलाकडे कोरोना लसीची तिसऱ्या टप्प्यातील चाचणी 28 हजार स्वयंसेवकांवर केल्याची माहिती आहे. देशातील एकूण 50 ठिकाणी चाचणी घेण्यात आली. या चाचण्यांचे निष्कर्ष समाधानकारक आहेत, अशी माहिती आहे. कोरोना विषाणूच्या डेल्टा प्लस वेरिएंटवर झायकोव्हडी लस प्रभावी असल्याचा दावा केला जातो.

झायडस कॅडिलाच्या लसीचे तीन डोस घ्यावे लागणार

झायडस कॅडिलाच्या लसीचे तीन डोस घ्यावे लागणार आहेत. पहिला डोस घेतल्यानंतर दुसरा डोस 28 व्या दिवशी तर तिसरा डोस 56 व्या दिवशी घ्यावा लागणार आहे. झायडस कॅडिलाकडून दोन डोसबाबात संशोधन सुरु आहे.

सुईविना लस घेता येणार

झायकोव-डी लसीची निर्मिती फार्माजेट तंत्रंज्ञानावर करण्यात आली आहे. यामुळे झायकोव-डी लस घेताना सुईचा वापर करण्याची गरज नाही. सुई नसणाऱ्या इंजेक्शनमध्ये लस भरली जाते. ते इंजेक्शन एका मशीनवर लाऊन ते हातावर लावलं जातं आणि कोरोना लस आपल्या शरीरात जातं. झायडस कॅडिलानं या लसीचे 10 ते 12 कोटी डोसची निर्मितीचा दावा केला आहे. झायकोव्हडीचे तीन डोस घ्यावे लागतात. या लसीचा मानवी शरीरावर कोणताही परिणाम होत नाही, असा दावा करण्यात आला आहे. झायडस कॅडिलाच्या लसीची चाचणी 12 ते 18 वयोगटाच्या मुलांवर देखील झाली आहे. झायकोव्ह डी लसची परिणामकारता 66 टक्के असल्यास सुरुवातीला दिसून आलं होतं.

PM Fasal Bima Yojana: पीक विमा योजनेस मुदतवाढ, योजनेत सहभागी होण्यासाठी उरले अवघे 30 दिवसhttps://t.co/7FS6dCLF0f#farmer | #CropInsurance | #farmersday | #PMFasalBimaYojana

— TV9 Marathi (@TV9Marathi) July 1, 2021

संबंधित बातम्या:

पुण्यातही लहान मुलांवर कोरोना लसीची चाचणी होणार, ‘नोव्हाव्हॅक्स’च्या लसीची ‘सीरम’कडून ट्रायल

कोरोना कधी होऊन गेला कळलंही नाही; नागपुरात लहान मुलांमध्ये आढळल्या अँटिबॉडिज

(Zydus Cadila apply for emergency authorisation for ZyCov-D corona vaccine know all details)