Iran Israel War : जाता-जाता इस्रायलने आणखी एक मोठा डाव साधला, इराणसाठी मोठा झटका

इराण आणि इस्रायलमध्ये आता सीजफायर झालं आहे. अमेरिकेचे राष्ट्राध्यक्ष डोनाल्ड ट्रम्प यांनी दोन्ही देशांमध्ये आपण यशस्वी मध्यस्थी केल्याचा दावा केला आहे. काल इराणने कतरच्या रिकाम्या अल-उदीद एअरबेसवर एअरस्ट्राइक केला. हा अमेरिकेचा एअरबेस आहे. शनिवारी-रविवारी मध्यरात्री अमेरिकेने इराणमध्ये घुसून जो एअरस्ट्राइक केला, अल-उदीद एअरबेसवरील हल्ला त्याचा बदला होता. इराणने या हल्ल्यानंतर आपला बदला पूर्ण झाला असं म्हटलं. त्यानंतर अमेरिकन राष्ट्राध्यक्ष डोनाल्ड ट्रम्प यांनी इराण-इस्रायलमध्ये सीजफायर झाल्याची घोषणा केली. पण सीजफायरची घोषणा होण्याआधी इस्रायलने आणखी एक महत्त्वाच ऑपरेशन यशस्वी केलं. इराणसाठी मोठा हा झटका आहे.

इस्रायलने काल रात्री सुद्धा उत्तर इराणमध्ये हवाई हल्ले केले. या एका हवाई हल्ल्यात इराणचे अणवस्त्र वैज्ञानिक मोहम्मद रेझा सिद्दीघी साबेर ठार झाले. हा इराणसाठी मोठा झटका आहे. अमेरिकेचे राष्ट्राध्यक्ष डोनाल्ड ट्रम्प यांनी सीजफायरची घोषणा करण्याच्या काहीवेळ आधी हे ऑपरेशन झालं. इराणच्या सरकारी वृत्तवाहिनीने मंगळवारी ही माहिती दिली. अस्ताने ये अश्राफिये येथे पालकांच्या घरी असताना मोहम्मद रेझा सिद्दीघी साबेर एअरस्ट्राइकमध्ये ठार झाले. काही दिवसांपूर्वी साबेर यांचा 17 वर्षांचा मुलगा तेहरान येथे दुसऱ्या एअरस्ट्राइकमध्ये ठार झाला होता. मोहम्मद रेझा सिद्दीघी साबेर यांच्यावर अमेरिकेचे निर्बंध होते.

इराणसाठी हा मोठा झटका

मोहम्मद रेझा सिद्दीघी साबेर यांचा मृत्यू हा इराणसाठी मोठा झटका आहे. इराणने 12 जूनच्या मध्यरात्री ‘ऑपरेशन रायजिंग लायन’ सुरु केलं. त्यावेळी इराणचा अणवस्त्र कार्यक्रम नष्ट करणं हे त्यांचं पहिलं उद्दिष्टय होतं. त्यानुसार इस्रायलने इराणच्या अणवस्त्र वैज्ञानिकांना वेचून-वेचून ठार मारलं, जेणेकरुन इराणच्या अणवस्त्र कार्यक्रमाला खीळ बसावी. दुसऱ्याबाजूला त्यांचे इराणच्या अणवस्त्र प्रकल्पांवर हल्ले सुरुच होते. फॉर्डो येथील अणवस्त्र तळ सर्वात जास्त महत्त्वाचा होता. काहीशे फूट जमिनीखाली हा संपूर्ण प्रकल्प होता. तिथे फक्त अमेरिकेचा GBU 57 हा बॉम्बच पोहोचू शकत होता. अखेर अमेरिकेने शनिवार-रविवारच्या मध्यरात्री बंकर बस्टर बॉम्बने हा तळ उडवला. त्यामुळे इराणसाठी हा मोठा झटका आहे.