“हाय अलर्टवर राहा आणि युद्धाची तयारी करा”, चीनचे राष्ट्रपती जिनपिंग यांचा सैन्याला आदेश
चीनचे राष्ट्रपती शी जिनपिंग यांनी आपल्या सैन्याला युद्धाची तयारी करण्याचे आदेश दिले आहेत.
बीजिंग : चीनचे राष्ट्रपती शी जिनपिंग यांनी आपल्या सैन्याला युद्धाची तयारी करण्याचे आदेश दिले आहेत. CNN ने दिलेल्या वृत्तानुसार जिनपिंग यांनी चीनच्या एक मिलिट्री बेसला भेट दिली तेव्हा सैनिकांना आपली पूर्ण बुद्धी आणि ऊर्जा युद्धाची तयारी करण्यावर खर्च करण्यासाठी वापरा, असे सांगितले. (China president Xi jinping instruct soldiers to be prepare for war amid tention with India America and Taiwan)
चीनची वृत्तसंस्था Xinhua न्यूजने दिलेल्या वृत्तानुसार, जिनपिंग मंगळवारी (13 ऑक्टोबर) चीनच्या गुआंगडोंग येथील एका मिलिट्री बेसच्या दौऱ्यावर गेले होते. तेव्हा सैनिकांना संबोधित करताना त्यांनी युद्धाची तयारी करण्यास सांगितले. तसेच हाय अलर्ट राहून कोणत्याही परिस्थितीचा सामना करण्यासाठी सज्ज राहण्यास सांगितले आहे.
जिनपिंग पीपल्स लिबरेशन आर्मीच्या मॅरीन कॉर्प्स या बेसचा आढावा घेण्यासाठी गेले होते. चीनचे राष्ट्रपती जिनपिंग यांनी सैनिकांना इमानदार, अगदी शुध्द आणि विश्वासार्ह होण्याचं आवाहन केलंय.
जिनपिंग गुआंगडोंगमध्ये शेनझेन स्पेशल इकोनॉमिक झोनच्या 40 व्या वर्धापन दिनानिमित्त बोलत होते. भारत, अमेरिका आणि तैवानसोबत सध्या चीनचे संबंध अत्यंत तणावपूर्ण आहेत. त्यापार्श्वभूमीवर जिनपिंग यांनी दिलेला इशारा महत्वाचा मानला जात आहे.
चीनला शह देण्यासाठीच अमेरिकेने तैवानला 3 विशेष वेपन सिस्टम दिल्या आहेत. या निर्णयाने चीनची चांगलीच आगपाखड झाली. कारण आजही चीन तैवानवर आपला दावा करतो आहे. चीनच्या परराष्ट्र मंत्रालयाने म्हटलं, “अमेरिकेने तैवानला कोणत्याही प्रकारची हत्यारे देण्याचा करार रद्द करावा.”
संबंधित बातम्या
उत्तर कोरियाचा प्रमुख आणि जगप्रसिद्ध हुकुमशाह किम जोंग नागरिकांसमोर का रडला?
(China president Xi jinping instruct soldiers to be prepare for war amid tention with India America and Taiwan)
