Donald Trump: व्हेनेझुएला, इराणनंतर आता हा देश टार्गेटवर, थेट हल्ला, ट्रम्प यांची धमकी काय?

Donald Trump attack on Cuba: व्हेनेझुएलानंतर इराण आणि त्यानंतर आता जगात या देशावर अमेरिका हल्ला करणार आहे. युद्ध नको म्हणून अमेरिकन जनता रस्त्यावर उतरलेली असतानचा डोनाल्ड ट्रम्प यांनी क्यूबा या देशावर हल्ला करण्याचा इशारा दिला आहे. गेल्या एका वर्षात ट्रम्प यांनी क्यूबावर हल्ला करण्याच्या 10 धमक्या दिल्या आहेत. आता त्यांनी पुन्हा एकदा धमकी दिली आहे. तर क्युबा अशा धमक्यांना भीक घालत नसल्याचे आणि चोख प्रत्युत्तर देण्याचा कडक इशारा क्युबाचे राष्ट्रपती मिगेल डियाज-कॅनल यांनी दिली आहे. इराण युद्ध संपताच अथवा अखेरच्या टप्प्यात अमेरिका क्यूबावर हल्ला करण्याची भीती व्यक्त होत आहे.

नवीन वर्षाच्या सुरुवातीलाच कॅरेबियन क्षेत्रासाठी संघर्षाची घेऊन आली. कारण या वर्षाच्या सुरुवातीलाच ट्रम्प यांच्या आदेशानंतर व्हेनेझुएलावर हल्ला चढवून तिथल्या राष्ट्रपतींना पत्नीसह अटक करण्यात आली. त्यांच्यावर अमेरिकेत खटला सुरू आहे. राष्ट्रपती निकोलस मादुरो आणि त्यांची पत्नी सध्या अमेरिकन तुरूंगात आहेत. या घटनेने जगात एकच खळबळ उडवून दिली. तर त्याचवेळी क्यूबावर सुद्धा अमेरिका हल्ला करण्याची भीती व्यक्त करण्यात येत होती.

क्यूबा आता पुढील टार्गेट

व्हेनेझुएला नंतर क्यूबा या देशावर युद्धाचे ढग गडद झाले आहेत. ट्रम्प यांच्या वारंवार धमकीमुळे क्यूबातील लष्करी हालचाली वाढल्या आहेत. व्हेनेझुएलानंतर लागलीच क्यूबाचा क्रमांक लागण्याची भीती होती. तर क्यूबाच्या राष्ट्रपतींनीही देशाची अखंडतेच्या संरक्षणासाठी अमेरिकेला तोडीस तोड उत्तर देणार असल्याचे म्हटले होते. क्यूबा सध्या आर्थिक संकटात सापडला आहे. व्हेनेझुएलाकडून इंधन आयात जवळपास ठप्प झाली आहे. इंधनचा कमतरतेमुळे क्यूबावर ऊर्जा संकट कोसळले आहे.

67 वर्षांचे वितुष्ट

अमेरिका आणि क्युबामध्ये 67 वर्षांपासून शत्रूत्व आहे. 1959 मध्ये फिडेल कॅस्ट्रो यांनी क्यूबामध्ये क्रांती घडवून सत्ता हस्तगत केली होती. त्यांनी अमेरिकन कंपन्या आणि कारखाने ताब्यात घेतले. हा कम्युनिस्ट विचारसरणीचा देश आहे. भांडवलशाहीला कॅस्ट्रो यांचा विरोध होता. कॅस्ट्रो यांना मारण्याचे अनेक प्रयत्न अमेरिकेने केले. पण त्यात त्यांना यश आले नाही. रशिया हा कायम क्यूबाच्या पाठीशी उभा ठाकला. आता अमेरिका पुन्हा क्यूबावर हल्ला करण्याची धमकी देण्यात येत आहे.