माणसं मारणारा डॉक्टर, मौजमजेसाठी 15 रुग्णांची हत्या, सत्य कसं आलं बाहेर? जाणून घ्या

आज आम्ही तुम्हाला एका माणसं मारणाऱ्या डॉक्टरची स्टोरी सांगणार आहोत. ही स्टोरी वाचून तुम्ही देखील भयभीत व्हाल. इतका कहर या माणसं मारणाऱ्या युरोपियन देश जर्मनीच्या डॉक्टरने केला आहे. याने त्याच्या मौजमजेसाठी रुग्णांची हत्या केली आहे.

मौजमजेसाठी रुग्णांना ठार मारणाऱ्या जर्मनीच्या एका 40 वर्षीय डॉक्टरला पोलिसांनी अटक केली आहे. जोहान्स एम. असे आरोपी डॉक्टरचे नाव आहे. सप्टेंबर 2021 ते जुलै 2024 या कालावधीत त्याने 12 महिला आणि तीन पुरुषांची हत्या केली. मृतांमध्ये 25 ते 94 वयोगटातील रुग्णांचा समावेश आहे. पोलिसांनी दिलेल्या माहितीनुसार, डॉक्टरांनी आपल्या रुग्णांना त्यांच्या नकळत किंवा संमतीशिवाय घातक औषध दिले.

अ‍ॅनेस्थेटिक्स आणि स्नायू शिथिल करणारी औषधे लिहून न देता रुग्णांना देण्यात आली. या औषधांच्या संयोजनाने रुग्णांना अर्धांगवायू झाला आणि काही मिनिटांतच त्यांचा मृत्यू झाला. हे सर्व रुग्ण त्यावेळी पॅलिएटिव्ह केअरमध्ये होते, जे गंभीर आजारी रुग्णांना वेदना कमी करण्यासाठी दिले जाते.

सरकारी वकिलांचे म्हणणे आहे की, डॉक्टरांनी आपले गुन्हे लपविण्यासाठी पाच वेळा रुग्णांच्या अपार्टमेंटला आग लावण्याचा प्रयत्न केला.

पोलिसांनी दिलेल्या माहितीनुसार, गेल्या वर्षी 8 जुलै 2024 रोजी झालेल्या घटनेत या डॉक्टरने एकाच दिवशी दोन हत्या केल्या: सकाळी त्याने क्रुझबर्ग जिल्ह्यात एका 75 वर्षीय व्यक्तीची हत्या केली आणि काही तासांनंतर शेजारच्या न्यूकोलोन जिल्ह्यात 76 वर्षीय महिलेची हत्या केली. त्याने महिलेच्या एका नातेवाईकाला सांगितले की, तो अपार्टमेंटच्या बाहेर उभा आहे आणि कोणताही प्रतिसाद मिळाला नाही. दुसऱ्या घटनेत त्याने 56 वर्षीय रुग्णाचा मृत्यू झाकण्यासाठी आपत्कालीन सेवेत स्वत: तक्रार केली. तीन दिवसांनंतर या रुग्णाचा रुग्णालयात मृत्यू झाला.

आधी चार संशयास्पद मृत्यू

ऑगस्ट 2024 मध्ये चार रुग्णांची हत्या केल्याच्या संशयावरून डॉक्टरला अटक करण्यात आली होती. सुरुवातीला हा सदोष मनुष्यवध मानला जात होता, परंतु नोव्हेंबरमध्ये सरकारी वकिलांनी याला खुनाचा गुन्हा मानले आणि आरोपात आणखी चार मृत्यूंची भर घातली.

आतापर्यंत 15 संशयास्पद मृत्यूंसह आरोपपत्र अद्ययावत करण्यात आले आहे. ही संख्या वाढू शकते, असे सरकारी वकिलांचे म्हणणे आहे. तपासासाठीच्या विशेष पथकाने 395 संशयित रुग्णांची ओळख पटवली असून त्यापैकी 95 मध्ये प्राथमिक संशयाला दुजोरा मिळाला आहे. या डॉक्टरचा खून करण्याशिवाय दुसरा कोणताही हेतू नसल्याचे सरकारी वकिलांनी सांगितले.