अमेरिकेचा इराणवरचा हल्ला फेल! जिथे बॉम्ब डागले तिथे युरेनियमच नव्हतं; इराणच्या दाव्याने खळबळ

इस्रायल आणि इराण यांच्यात टोकाला पोहोचला आहे. अमेरिकेने इराणच्या तीन अणुस्थळांवर हल्ला करून ती नष्ट केल्याचा दावा केला आहे. इराण या हल्ल्याला युद्धाची अनावश्यक कारवाई मानत असून, अमेरिकेला चेतावणी दिली आहे की ते गप्प बसणार नाहीत आणि बदला घेतल्याशिवाय राहणार नाहीत. दरम्यान, इराणने असा दावा केला आहे की अमेरिकेने ज्या तीन अणुस्थळांवर हल्ला केला, तिथे कोणतीही अणू गळती झालेली नाही आणि युरेनियम आधीच हटवण्यात आले होते.

अमेरिकेने बॉम्ब टाकलेल्या इराणच्या तीन अणुस्थळांपैकी फोर्डो हे अत्यंत महत्त्वाचे मानले जाते. फोर्डो येथे महत्त्वाची भूमिगत युरेनियम संवर्धन सुविधा असल्याचे सांगितले जाते. पण फोर्डो अणुस्थळ कॉम काउंटीमध्ये आहे, असे एका खासदाराने सांगितले. रविवारी रात्री झालेल्या अमेरिकी हल्ल्यानंतर अणुस्थळातून कोणतेही धोकादायक पदार्थ उत्सर्जित झाले नाहीत, कारण हे केंद्र आधीच रिकामे करण्यात आले होते.

वाचा: …आणि एकेकाचा गेम फिनिश, जगाला थक्क करुन सोडणाऱ्या मोसादच्या ऑपरेशन नार्नियाची Inside Story

अमेरिकी गुप्तचर यंत्रणांची चूक झाली का?

यामुळे प्रश्न उपस्थित होत आहे की अमेरिकेच्या गुप्तचर यंत्रणांनी ही मोठी चूक केली आहे का? इराणच्या अणुस्थळांबाबत अमेरिकी गुप्तचर यंत्रणा अचूक मूल्यमापन करण्यात अपयशी ठरल्या का? कारण अमेरिकेने ज्या फोर्डोवर बॉम्ब टाकले, तिथून इराणने आधीच युरेनियम हटवले होते.

स्थानिक इराणी माध्यमांशी बोलताना, कॉमचे इराणी संसदेतील प्रतिनिधी मोहम्मद मनन रईसी यांनी आश्वासन दिले की फोर्डो अणुस्थळाला अमेरिकी राष्ट्राध्यक्षांच्या दाव्याविरुद्ध गंभीर नुकसान झाले नाही. त्यांचे म्हणणे आहे की फक्त जमिनीवरील भागालाच नुकसान झाले आहे, जे दुरुस्त करता येईल.

कोणतेही किरणोत्सारी उत्सर्जन नाही: खासदार

खासदार रईसी यांनी सांगितले की त्यांनी स्थानिक लोकांना आश्वासन दिले आहे की अमेरिकी हल्ल्यानंतर कोणतेही किरणोत्सारी उत्सर्जन झाले नाही, कारण हल्ल्यापूर्वीच धोकादायक पदार्थ तिथून हटवण्यात आले होते. त्यांनी हेही सांगितले की आता इराणवर अवलंबून आहे की अमेरिकी राष्ट्राध्यक्ष (डोनाल्ड ट्रम्प) यांच्या मूर्खपणाच्या कारवाईला ते कसे प्रत्युत्तर देतात.

यापूर्वी रविवारी सकाळी, राष्ट्राध्यक्ष ट्रम्प यांनी मोठा दावा केला होता की इराणच्या तीन अणुस्थळांवर बॉम्बहल्ला करण्यात आला आणि ती नष्ट करण्यात आली. कॉमच्या एका अधिकाऱ्यानेही हल्ल्याची पुष्टी केली आणि सांगितले की फोर्डो साइटचा फक्त एक भागच प्रभावित झाला आहे.

हल्ल्यानंतर इराणचे सर्वोच्च नेते आयातुल्ला अली खामेनेई यांनी अमेरिकेला कठोर इशारा देत म्हटले, “अमेरिकन लोकांनी यापूर्वी कधीही न अनुभवलेल्या नुकसान आणि धक्क्यांसाठी तयार राहावे.” त्यांच्या या वक्तव्यमुळे मिडल इस्टमध्ये तणाव आणखी वाढण्याची शक्यता निर्माण झाली आहे.