अमेरिकेची उडाली झोप, इराणचा दणका, ज्याचा विचारही केला नाही असे घडले, थेट लांब पल्ल्याच्या..
इराण आणि अमेरिका युद्धाचा आज 20 वा दिवस आहे. मात्र, युद्ध काही कमी होण्याचे नाव घेत नाही. उलट हे युद्ध अधिक भडकताना दिसत आहे. यादरम्यानच इराणकडून अमेरिकेला अत्यंत मोठा धक्का देण्यात आला. अमेरिकेने ज्याचा विचारही केला नाही, अशा ठिकाणी हल्ला करण्यात आला.
अमेरिका आणि इराण युद्धाला आज 20 दिवस पूर्ण झालीत. युद्ध अधिक भकडताना दिसत आहे. यादरम्यानच डोनाल्ड ट्रम्प यांनी थेट युद्ध थांबवण्याचे मोठे संकेत दिले. डोनाल्ड ट्रम्प यांना इस्त्रायलने या युद्धात ओढल्याचे सांगितले जाते. मात्र, त्यावर इस्त्रायलच्या पंतप्रधानांनी थेट विधान केले. डोनाल्ड ट्रम्प यांना कोणी काय करायचे आणि काय करायचे नाही सांगू शकते का? हा प्रश्न विचारत त्यांनी स्पष्ट केले की, डोनाल्ड ट्रम्प किंवा अमेरिकेला इराणसोबतच्या युद्धात इस्त्रायलने ओढले नाही. इस्त्रायल आणि अमेरिका मोठे हल्ले करत आहेत, तरीही खंबीरपणे इराण उभा आहे. इराणकडून होर्मुज खाडी बंद करण्यात आली. होर्मुज खाडी बंद असल्याने अनेक देश संकटात आहेत. होर्मुज खाडी सुरक्षित करण्याकरिता अमेरिकेने प्रयत्न केले. त्यांनी काही देशांची मदतही मागितली. मात्र, कोणताही देश या युद्धात पडण्यास तयार नाही. अमेरिकेने मदत मागूनही सर्वांनी हात वरती केले.
जमिनीवरचे युद्ध सुरूवातीला समुद्राकडे जाऊन पोहोचले आणि आता तेल रिफायनरी आणि तेल प्रकल्पांवर जाऊन पोहोचले. तेल रिफायनरी आणि गॅस प्रकल्पांवर मोठे हल्ले केले जात आहेत. यामुळे जगातील ऊर्जा संकटात आहे. इस्त्रायलने गॅस सुविधांवर इराणच्या हल्ला केला. त्यानंतर इराणकडून थेट कतार आणि यूएईच्या गॅस प्रकल्पांना टार्गेट करत मोठा हल्ला करण्यात आला.
यादरम्यानच आता इराणने अमेरिकेवर मोठा हल्ला चढवला आहे. थेट डिएगो गार्सिया तळावर लांब पल्ल्याची क्षेपणास्त्रे डागली आहेत, ज्याने मोठा हाहाकार उडाला. इस्त्रायल आणि अमेरिकेने केलेल्या हल्ल्यानंतर ज्या ज्या देशात अमेरिकेचे लष्कर तळ आहेत, तिथे मोठे हल्ले इराणकडून करण्यात आली. त्यामध्येच आता डिएगो गार्सिया तळावर इराणकडून हल्ला करण्यात आला.
अमेरिकेने साधा विचारही केला नव्हता की, इराण त्यांच्या डिएगो गार्सिया तळावर हल्ला करेल. आता अमेरिका या हल्ल्याला काय उत्तर देते हे पाहण्यासारखे ठरणार आहे. आखाती देशात असलेल्या अमेरिकेच्या लष्कर तळांचे मोठे नुकसान या युद्धात इराणकडून करण्यात आले. आज युद्धाला 20 दिवस पूर्ण झालीत.
