इस्रायल इराणच्या सर्वोच्च नेत्याची हत्या का करू शकला नाही? संरक्षणमंत्र्यांनीच दिले उत्तर

युद्धादरम्यान इराणच्या सर्वोच्च नेत्याला ठार मारण्याची योजना आखली गेली असती, तर ते शक्य नाही, असं इस्रायलचे संरक्षणमंत्री काट्झ म्हणाले आहेत. दरम्यान, इस्रायल इराणच्या सर्वोच्च नेत्याची हत्या का करू शकला नाही? असा प्रश्न विचारला जातोय, यावर देखील इस्रायलचे संरक्षणमंत्री काट्झ यांनी उत्तर दिले आहे, चला तर मग जाणून घेऊया.

इराणचे सर्वोच्च नेते अयातुल्ला अली खामेनी यांनी गुरुवारी इस्रायलबरोबरचे युद्ध संपल्यानंतर प्रथमच हजेरी लावत इस्रायल आणि अमेरिकेविरोधात घोषणाबाजी केली. यामुळे खामेनी यांच्याबद्दलच्या अटकळांनाही पूर्णविराम मिळाला. 12 दिवस चाललेल्या या युद्धात अली खामेनी यांची हत्या होण्याची शक्यता इस्रायली नेतृत्वाने नाकारली नाही. आता इस्रायलचे संरक्षणमंत्री इस्रायल काट्झ यांनी अली खामेनी नुकत्याच झालेल्या युद्धात कसे बचावले, तर त्यांचे टॉप जनरल इस्रायलच्या हल्ल्यात कसे मारले गेले याचे वर्णन केले आहे.

खामेनी जमिनीखाली लपले

इस्रायलच्या संरक्षणमंत्र्यांनी म्हटले आहे की, युद्धादरम्यान शक्य झाले तर त्यांच्या देशाचे लष्कर इराणचे सर्वोच्च नेते अली खामेनी यांना ठार मारेल. इस्रायलच्या कान टीव्हीला दिलेल्या मुलाखतीत काट्झ म्हणाले की, माझा अंदाज असा आहे की, जर खामेनी आमच्या नजरेत असते तर आम्ही त्यांना मारून टाकू. पण खामेनी यांना हे समजले. त्यांनी खोलवर भूमिगत होऊन मारल्या गेलेल्या कमांडर्सच्या जागी नेमलेल्या कमांडर्सशी संपर्क तोडला.

खामेनी यांची हत्या करणे शक्य नव्हते

अशा परिस्थितीत खामेनी यांची हत्या करणे वास्तववादी नाही, असे काट्झ म्हणाले. 13 जून रोजी युद्धाच्या सुरुवातीला इस्रायलने इराणचे चीफ ऑफ स्टाफ आणि आयआरजीसीच्या प्रमुखांसह इराणचे अनेक प्रमुख कमांडर आणि अणुशास्त्रज्ञांची हत्या केली होती. इस्रायलचे पंतप्रधान आणि अमेरिकेचे राष्ट्राध्यक्ष डोनाल्ड ट्रम्प यांनी युद्धादरम्यान अनेकदा म्हटले होते की, खामेनी यांच्या जीवाला धोका निर्माण होऊ शकतो आणि या युद्धामुळे सत्ताबदल होऊ शकतो.

अमेरिकेच्या मान्यतेवर काट्झ बोलले

इस्रायलने अशा कारवाईसाठी अमेरिकेकडे परवानगी मागितली आहे का, असे विचारले असता काट्झ म्हणाले, ‘आम्हाला या गोष्टींसाठी परवानगीची गरज नाही. अमेरिकेचे राष्ट्राध्यक्ष डोनाल्ड ट्रम्प यांनीही खामेनी यांच्या जीवाला धोका असल्याचे म्हटले आहे. ट्रम्प यांनी 17 जून रोजी सोशल मीडियावर लिहिलेल्या पोस्टमध्ये म्हटले आहे की, तथाकथित सर्वोच्च नेते कुठे लपून बसले आहेत हे आम्हाला ठाऊक आहे. ते एक सोपं टार्गेट आहे, परंतु ते तेथे सुरक्षित आहे. आम्ही त्यांना मारणार नाही, निदान आता तरी नाही. मात्र, युद्धानंतर ट्रम्प म्हणाले की, सत्ताबदल हे ध्येय नव्हते.