आठवडाभरातील जगाला हादरवणारी दुसरी बातमी… आणखी एका देशात तख्तापलट करण्याचा मोठा डाव; पंतप्रधान हतबल

आधी पाकिस्तान आणि अफगाणिस्तानचं युद्ध पेटलं. त्यानंतर इराण आणि इस्रायलमध्ये युद्ध भडकलं. या युद्धात अमेरिका इस्रायलच्या बाजूने उभा राहिला. इराणचे सर्वोच्च नेते आयतुल्लाह खामेनेई यांच्यासह त्यांची मुलगी, जावई आणि नातही मारली गेली. इराणचा लष्करप्रमुख आणि नवा नेताही मारला गेला. तिन्ही देशांकडून एकमेकांवर मिसाईल आणि ड्रोनचा मारा सुरू आहे. या युद्धात अनेक देश होरपळले आहेत. दुबईवर सुद्धा इराणने हल्ला चढवला आहे. त्यामुळे संपूर्ण जग हादरून गेलं आहे. या घटना घडत असतानाच जगाला हादरवणारी दुसरी एक बातमी समोर आली आहे. केवळ इराणला पाठिंबा दिला म्हणून आमच्या देशात तख्तापालट करण्याचं षडयंत्र रचलं जात आहे, असा दावा एका देशाने केला असून या देशाचे पंतप्रधानही हतबल झाले आहेत.

इराणनंतर ज्यूंची नजर आता मलेशियावर आहे. इस्रायलशी संबंधित एका ज्यू संघटनेने मलेशियात तख्ता पालट करण्याचा प्रयत्न सुरू केला आहे. मलेशियाचे पंतप्रधान अनवर इब्राहीम यांनी तसा आरोप केला आहे. ज्यू समूदाय ब्लूमवर्गच्या माध्यमातून आंतरराष्ट्रीय मीडियाने मलेशियाबाबत निगेटिव्ह बातम्या पसरवल्या आहेत. त्यामुळे अमेरिकेचं लक्ष आमच्याकडे आकर्षित झालं आहे, असं इब्राहीम यांनी सांगत देशात सत्तांतर घडवून आणण्याच्या कटाची चौकशी करणार असल्याचंही त्यांनी स्पष्ट केलं.

द स्टारने दिलेल्या वृत्तानुसार, 3 मार्च रोजी मलेशियाच्या संसदेत अनवर इब्राहीम बोलत होते. यावेळी त्यांनी माझं सरकार पाडण्याचं षडयंत्र रचलं जात आहे. या षडयंत्रात एक ज्यू समुदाय, एक आंतरराष्ट्रीय मीडिया आणि काही विरोधी पक्षनेते आहेत. पण मी सरकार पडू देणार नाही. याची लवकरच चौकशी केली जाणार आहे. तसेच दोषिंना अटक केल्याशिवाय राहणार नाही, असं इब्राहीम म्हणाले.

आणि ज्यू सक्रिय झाले

मी गाजा आणि इराणबाबत कडक प्रतिक्रिया दिली होती. त्यामुळेच ज्यू समुदायाने मला लक्ष्य करायला सुरुवात केली आहे. गाजा आणि इराणवर भाष्य करणं हा काही गुन्हा आहे का? मी त्यावर बोलतच राहणार. चौकशी नंतर सर्व दूध का दूध आणि पानी का पानी होईल, असा दावा त्यांनी केला.

यावेळी त्यांनी मलेशियातील विरोधी पक्षावर खरपूस टीका केली. माझं सरकार पाडण्यासाठी आपल्या देशातील विरोधकांनी ज्यूंशी हातमिळवणी केली आहे का? मलेशियातील जनता अशा लोकांना कदापिही माफ करणार नाही, असं ते म्हणाले. मलेशियात 2020 आणि 2021मध्ये सरकार पाडण्याचा डाव रचला गेला होता आणि हा डाव उधळण्यात आला होता, याकडेही त्यांनी लक्ष वेधलं,.

मलेशियाबाबत घ्या जाणून…

मलेशिया हा आशिया खंडातील एक मुस्लिम देश आहे. या ठिकाणी 63.5 टक्के मुस्लिम राहतात. मलेशियात मुस्लिमानंतर बौद्धांची संख्या सर्वाधिक आहे. मलेशियात 18.7 टक्के बौद्ध राहतात. तर 6.1 टक्के हिंदू मलेशियात राहतात. याशिवाय मलेशियात ख्रिश्चन समाज 9.1 टक्के आहे.

खामेनेई यांची हत्या झाल्यानंतर त्या घटनेचा निषेध करणारा मलेशिया हा जगातील एकमेव देश आहे. सर्वात आधी मलेशियाने या हत्येचा निषेध नोंदवला होता. तसेच मलेशियाने उघडपणे इराणला पाठिंबा दिला होता. विशेष म्हणजे मलेशियात ज्यूंची संख्या नगण्य आहे. त्यानंतरही अनवर इब्राहीम यांनी ज्यूंवर त्यांचं सरकार पाडण्याचा आरोप केला आहे.