रशिया रशिया ओरडत होती, तरुणीला मेट्रोत बेदम मारहाण, पोलिस म्हणाले मारहाण रास्त

कीव्ह मेट्रोमध्ये रशियाच्या समर्थनार्थ घोषणा देणाऱ्या एका तरुणीला बेदम मारहाण करण्यात आली. व्हायरल व्हिडिओमध्ये हे तरुण मारताना दिसत आहेत. व्हायरल व्हिडिओमध्ये पांढरा टीशर्ट घातलेला एक तरुण महिलेला धक्काबुक्की करताना दिसत आहे. व्हिडिओच्या एका भागात जोरदार थापड मारल्यानंतर महिलेचे डोके मेट्रोच्या खांबावर आदळले आहे. हा सगळा प्रकार घडत असताना मेट्रोत लोक शांतपणे पाहत होते. माहितीनुसार, ही महिला केवळ अपशब्दच वापरत नव्हती तर प्रवाशांना जाणीवपूर्वक चिथावणी ही देत होती.

मेट्रोमध्ये एका तरुणीला बेदम मारहाण

युक्रेनची राजधानी कीव्हच्या मेट्रोमध्ये एका तरुणीला बेदम मारहाण केल्याचा व्हिडिओ सोशल मीडियावर व्हायरल झाला आहे. ही महिला मेट्रोत होती, असा आरोप आहे. रशिया समर्थक घोषणाबाजी केल्याने इतर प्रवाशांचा संताप अनावर झाला.

व्हायरल व्हिडिओमध्ये पांढरा टीशर्ट घातलेला एक तरुण महिलेला थापड, लाथा मारताना आणि धक्काबुक्की करताना दिसत आहे. हा सगळा प्रकार घडत असताना मेट्रोत उपस्थित लोक शांतपणे पाहत होते.

व्हिडिओच्या एका भागात जोरदार थापड मारल्यानंतर महिलेचे डोके मेट्रोच्या खांबावर आदळले आहे. काही वेळाने एक महिला तिला वाचवण्याचा प्रयत्न करते पण त्यानंतर आणखी दोन तरुण तिला पुन्हा ओढताना दिसतात.

रशियन सरकारी मीडिया आरटीने हा व्हिडिओ शेअर करत दावा केला आहे की, जमाव टाळ्या वाजवत होता आणि महिलेला मारहाण होत असल्याचे सांगत होता. आरटीने आपल्या पोस्टमध्ये उपहासाने लिहिले की, “ती रशियाच्या बाजूने आहे, त्यामुळे तिची मारहाण रास्त आहे.”ही तीच लोकशाही आहे का जी युक्रेनमध्ये पाश्चिमात्य पाठिंब्याने चालवली जात आहे?

युक्रेनच्या प्रसारमाध्यमांनी दिलेल्या माहितीनुसार, 17 जुलै रोजी या महिलेने भुयारी मार्गात रशियासमर्थक आणि युक्रेनविरोधी घोषणा दिल्या होत्या. प्रत्यक्षदर्शींनी दिलेल्या माहितीनुसार, ही महिला केवळ अपशब्दच वापरत नव्हती तर प्रवाशांना जाणीवपूर्वक चिथावणी ही देत होती.

युक्रेन पोलिसांनी सांगितले की, त्यांना सोशल मीडियावर या घटनेची माहिती मिळाली आणि आता ते सर्व हल्लेखोरांची ओळख पटवत आहेत. याप्रकरणी कायदेशीर कारवाई करण्यात येईल, असे अधिकाऱ्यांचे म्हणणे आहे. नागरिकांनी कायद्याचे पालन करावे, असे आवाहन पोलिसांनी केले आहे. कोणत्याही गुन्ह्याचे साक्षीदार असतील तर तत्काळ पोलिसांना कळवा,’ असे सांगून त्या महिलेला रेल्वेतून खाली उतरवण्यात आले असून तिची प्रकृती किंवा ओळख पटली नाही.