ज्यामुळे युद्ध सुरू झालं त्या 400 किलो युरेनियमची किंमत किती? आकडा वाचून धक्काच बसेल!

Iran Uranium : अमेरिका-इस्रायल आणि इराण यांच्यातील युद्धाला आता एक महिना झाला आहे. अजूनही हे युद्ध सुरूच आहे. एकही देश माघार घेण्यास तयार नाही. युद्धविरामासाठी अमेरिकेने इराणकडे 15 कलमी प्रस्ताव पाठवला होता. परंतु हा प्रस्ताव फेटाळत उलट इराणनेच 5 कलमी प्रस्ताव अमेरिकेला दिला आहे. एकीकडे ही चर्चा सुरू असतानाच दुसरीकडे अमेरिकेने आखातात 3500 सैनिक पाठवले आहेत. दरम्यान, या युद्धात इराणकडे असलेले 400 किलो युरेनियम हा केंद्रस्थानी आहे. याच युरेनियममुळे अमेरिकेने इराणविरो धात युद्ध पुकारलेले आहे. त्यामुळेच इराणकडे असलेले हे युरेनियम नेमके किती महत्त्वाचे आहे? त्याची किंमत किती आहे? हे जाणून घेऊ या…

युरेनियमची किंमत किती ?

जागतिक बाजारात नैसर्गिक युरेनियमची किंमत 68 डॉलर्स ते 84 डॉलर्स प्रति किलो आहे. भारतीय चलनात सांगायचे झाल्यास एक किलो नैसर्गिक युरेनियम 5700 ते 7000 रुपयांत मिळतो. ही किंमत कच्चे, कमी प्रतीच्या युरेनियमची आहे. युरेनियमवर प्रक्रिया करून त्याला शुद्ध केले जाते, तेव्हा त्याची किंमत खूप वाढते. युरेनियमवर प्रक्रिया करून त्याला 60 टक्क्यांपर्यंत शुद्ध करता येते. ही प्रक्रिया मात्र खूपच किचकट असते.

इराणच्या 400 किलो युरेनियमची किंमत किती?

इराणकडे असलेल्या 400 किलो युरेनियमची किंमत तुम्हाला खूपच कमी असेल असे वाटले. परंतु या युरेनियमला शुद्ध केल्यानंतर त्याची किंमत कित्येक कोडी डॉलरच्या घरात जाते. आंतरराष्ट्रीय आण्विक उ र्जा एजन्सीच्या मतानुसार 400 किलो युरेनियममध्ये साधारण 10 अणुबॉम्ब तयार केले जाऊ शकतात. म्हणूनच अमेरिकेकडून इराणला विरोध केला जातो. इराणने अणुबॉम्ब, अण्वस्त्रांची निर्मिती करू नये, अशी अमेरिकेची भूमिका आहे. इराणने हा युरेनियमचा साठा नष्ट करावा, अशी मागणी अमेरिकेकडून केली जाते. त्यामुळेच सध्या अमेरिका-इस्रायल आणि इराण यांच्यात संघर्ष सुरू झाला आहे.