अंड व्हेज आहे की नॉनव्हेज? पोषणतज्ज्ञांनी केला मोठा खुलासा!

अनेकदा आपण हा प्रश्न विचारलाही असेल आणि ऐकलाही असेल की अंड वेज आहे की नॉनवेज? तसेच असही म्हटलं जातं की आजकाल बाजारात विकली जाणारी अंडी फक्त शाकाहारी असतात. पण काहीजण मानतात तर काहीजण नाही. त्यामुळे अंड्यांबाबत व्हेज आणि नॉन-व्हेजचा हा मुद्दा कायमच उपस्थित राहिलेला आहे. पण आता एका पोषणतज्ज्ञांनी एका पोस्टद्वारे हा गोंधळ दूर केला आहे.

अंडी व्हेज आहेत की नॉन-व्हेज ?

‘संडे हो या मंडे रोज खाओ अंडे’ असं कितीदा म्हटलं जातं. पण यासंबंधी अनेक प्रश्न लोकांच्या मनात राहतात. एक म्हणजे अंडी व्हेज आहेत की नॉन-व्हेज. कारण काहीजण वेज म्हणून खातात कर काहीजण ते नॉनवेज म्हणून खातात. कारण त्यांना हा विश्वास बसणंच कठीण असतं की अंडी खरंच शाकाहारी असू शकतात का? तर, काही लोक अंडी खाऊनही स्वतःला शाकाहारी म्हणतात. आता अंड्यांबाबत व्हेज आणि नॉन-व्हेजचा हा संपूर्ण विषय काय आहे? पोषणतज्ञ यांनी एका पोस्टद्वारे हा गोंधळ दूर केला आहे. जर तुमच्या मनातही हा प्रश्न असेल तर सत्य काय आहे ते जाणून घेऊया.

बाजारात विकली जाणारी बहुतेक अंडी अनफर्टिलाइज्ड…

आजकाल बहुतेक लोक बाजारात मिळणाऱ्या अंड्यांना शाकाहारी म्हणतात. न्यूट्रिशनिस्टने म्हटले आहे की, यामागील कारण अगदी सोपे आहे. खरं तर, बाजारात विकली जाणारी बहुतेक अंडी अनफर्टिलाइज्ड असतात. म्हणजेच ती मेटिंगद्वारे तयार केलेली नाहीत आणि त्यापासून कधीही बाळ जन्माला येत नाही. पोषणतज्ञ म्हणतात की या तर्कावरून पाहिले तर, जसे दूध शाकाहारी असते, तसेच ही अंडी देखील शाकाहारी श्रेणीत येतात. खरं तर, दुधासाठी, गाय नेहमीच गर्भवती ठेवली जाते, तर अंड्यांच्या बाबतीत, कोंबडीला कोंबड्यापासून दूर ठेवले जाते.

अनफर्टिलाइज्ड अंडी खाण्यासाठी सुरक्षित असतात की नाही?

होय, ही अंडी खाण्यासाठी पूर्णपणे सुरक्षित आणि पौष्टिक असतात, जोपर्यंत ती ताजी असतात. त्यामुळे महिनोंमहिने या अंड्यांची साठवणूक करणं चांगलं नाही. ती ताजी असतानाच खाणे योग्य आहे.

View this post on Instagram

A post shared by Nutricop | Customised Diet Plans (@nutricop)

बाजारात फर्टिलाइज्ड अंडी देखील उपलब्ध आहेत पण….

न्यूट्रीशनिस्टने म्हटलं आहे की, बाजारात फर्टिलाइज्ड अंडी देखील उपलब्ध आहेत. ज्यापासून कोंबडीचे पिल्लू जन्माला येते. अशी अंडी सहसा कमी प्रमाणात तयार होतात आणि ती खूप महाग देखील असतात. जर आपण त्याच तर्काकडे पाहिले तर, या अंड्यांमधून जीव बाहेर पडत असल्याने, त्यांना मांसाहारी श्रेणीत ठेवणे योग्य आहे.

आपण अंडी खावीत की नाही?

न्यूट्रीशनिस्ट म्हणतात की तुम्ही अंडी खावी की नाही हे पूर्णपणे तुमच्यावर अवलंबून आहे. वैज्ञानिकदृष्ट्या अंडी शाकाहारी असली तरी, धार्मिक आणि सांस्कृतिकदृष्ट्या अंडी नेहमीच मांसाहारी श्रेणीत ठेवली जातात. म्हणून, तुम्ही अंडी खावी की नाही हे पूर्णपणे तुमच्या धार्मिक श्रद्धा आणि श्रद्धेवर अवलंबून असते. तथापि, एक गोष्ट निश्चित आहे की अंडी ही पोषक तत्वांनी समृद्ध असतात. प्रथिनांचा एक चांगला स्रोत म्हणून त्यांच्याकडे पाहिले जाते. तसेच त्यामुळे शरीरातील व्हिटॅमिन बी 12ची कमतरता देखील पूर्ण होते. त्यामुळे अंडी रोज खाल्ली पाहिजेत.