स्कोरिंग आणि नॉन स्कोरिंग विषयात काय फरक? जाणून घ्या विद्यार्थ्यांसाठी उपयुक्त माहिती

जर तुम्ही एखादा कोर्स किंवा स्पर्धा परीक्षा (जसे UPSC) देण्यासाठी विषय निवडत असाल, तर स्कोरिंग आणि नॉन-स्कोरिंग या फरकाची नीट माहिती असणं गरजेचं आहे. यामुळे तुम्ही अभ्यास योग्य पद्धतीनं करू शकता आणि चांगले गुण मिळवू शकता. तुमच्या अभ्यासपद्धतीनुसार आणि स्वभावानुसार योग्य विषय निवडा आणि यश मिळवा.

student exam

साक्षी कणसे | Edited By: Atul Kamble | Updated on: Jul 24, 2025 | 3:42 PM

शालेय शिक्षणात वेळोवेळी अनेक बदल होत असतात. नव्या शैक्षणिक धोरणामुळे अजूनही काही गोष्टी बदलतील. पण एक गोष्ट कायम आहे की अभ्यासातले विषय दोन प्रकारात येतात स्कोरिंग आणि नॉन-स्कोरिंग. तुम्ही कधी ना कधी ऐकलंच असेल, “हा विषय स्कोरिंग आहे” किंवा “तो विषय स्कोरिंग नाही”. हे विशेषतः दहावी नंतर स्ट्रीम निवडताना खूप महत्त्वाचं ठरतं.

चला, हे दोन्ही प्रकार अगदी साध्या भाषेत समजून घेऊया.

स्कोरिंग विषय म्हणजे काय?

ज्या विषयात कमी मेहनतीत चांगले मार्क्स मिळवता येतात, तो विषय स्कोरिंग मानला जातो.

या विषयांमध्ये उत्तर निश्चित असतात. तुम्ही जर योग्य उत्तर दिलं, तर पूर्ण मार्क्स मिळण्याची शक्यता जास्त असते. या विषयांचा अभ्यास ठरावीक पद्धतीनं केला की मार्क्स नक्की मिळतात.

वैशिष्ट्यं:

1. अभ्यासक्रम ठरलेला आणि मर्यादित असतो.

2. MCQ किंवा थोडक्यांत उत्तर देणारे प्रश्न असतात.

3. उत्तरं चुकीची होण्याची शक्यता कमी असते.

4. रिविजन आणि सरावानं चांगले गुण मिळवता येतात.

उदाहरणं:

गणित: प्रत्येक प्रश्नाचं एक ठराविक उत्तर असतं. उदा. 5x + 3 = 18 तर x = 3.

विज्ञान: सायन्समधील नियम, सूत्रं हे लक्षात ठेवून लिहिता येतात. उदा. पाण्याचं तापमान = 100°C.

भूगोल/इतिहास: ठराविक तारखा, घटना लक्षात ठेवून उत्तरं लिहिता येतात.

कंप्युटर सायन्स: कोडिंग आणि प्रोग्रामिंगमध्ये योग्य कोड लिहिलं की उत्तर बरोबर येतं.

नॉन-स्कोरिंग विषय म्हणजे काय?

ज्या विषयात उत्तर ठराविक नसतं, विचार, लेखनशैली आणि प्रेझेंटेशन यावर गुण मिळतात, ते नॉन-स्कोरिंग विषय असतात.