वय फक्त 26… अवघ्या एका दिवसात कमावले 77 कोटी… रातोरात करोडपती बनलेला हा भारतीय तरुण कोण?

सिद्धार्थ सक्सेनाचे आयुष्य एका दिवसात बदलले. त्याने असे काहीतरी साध्य केले आहे, जे फार कमी लोक करू शकतात. आयआयटी कानपूरचा माजी विद्यार्थी आणि ‘मर्लिन’चा सह-संस्थापक सिद्धार्थ सक्सेना सांगतो की, “मी एका दिवसात जवळपास 77 कोटी रुपये कमावले आणि वयाच्या अवघ्या 26 व्या वर्षी लक्षाधीश बनून भारतातील उदयोन्मुख AI उद्योजकांमध्ये आपले स्थान पक्के केले. कंटेंट क्रिएटर विराज अला यांच्यासोबत नुकत्याच झालेल्या एका अनौपचारिक मुलाखतीत, त्याने आयआयटी कानपूरचा विद्यार्थी ते एक यशस्वी एआय उद्योजक बनण्यापर्यंतचा आपला प्रवास सांगितला.

आपल्या शैक्षणिक प्रवासाबद्दल बोलताना सिद्धार्थ म्हणाला की, आयआयटी कानपूरचा कॉम्प्युटर सायन्स प्रोग्राम हा भारतातील सर्वात कठीण अभियांत्रिकी अभ्यासक्रमांपैकी एक आहे. त्याने दावा केला की, हार्वर्ड विद्यापीठात प्रवेश मिळवण्यापेक्षा यात प्रवेश मिळवणे अनेक पटींनी अधिक कठीण आहे. 2019 मध्ये पदवीधर झाल्यानंतर, उद्योजकतेमध्ये उतरण्यापूर्वी त्याने एनव्हेस्टनेट, योडली, वाधवानी एआय, फिनलंडमधील आल्टो युनिव्हर्सिटी आणि जुमिओ कॉर्पोरेशन येथे विविध भूमिकांमधून मशीन लर्निंगचे ज्ञान अधिक पक्के केले.

सर्वात मोठ्या आर्थिक कामगिरीबद्दल विचारले असता, तो म्हणाला, “मी एका दिवसात अंदाजे अंदाजे 77 कोटी रुपये कमावले.” यामुळे तो रातोरात करोडपती झाला. मुलाखतीदरम्यान त्याने हे सांगितल्याबरोबरच, हा विषय चर्चेचा बनला. 2022 मध्ये, सिद्धार्थने त्याचे आयआयटी कानपूरचे वर्गमित्र प्रत्युष राय आणि सिरसेंदू सरकार यांच्यासोबत ‘मर्लिन’ नावाचा एक एआय स्टार्टअप सुरू केला. हे एक एआय-आधारित क्रोम एक्सटेन्शन आहे जे लोकांची उत्पादकता वाढविण्यात मदत करते.

अहवालानुसार, मर्लिनची वेगाने वाढ झाली आहे आणि त्याचे मूल्य अंदाजे 50 दशलक्ष डॉलर्स आहे. सक्सेना हा ‘थाइन’ नावाच्या दुसऱ्या एआय उपक्रमाचा सह-संस्थापक देखील आहे. सक्सेना यांचा विश्वास आहे की, यशस्वी उद्योजक होण्यासाठी केवळ तंत्रज्ञानच नव्हे, तर योग्य मानसिकता असणेही आवश्यक आहे. त्यांच्या मते, लोकांनी आपली मर्यादित मानसिकता सोडून मोठ्या संधी पाहण्याची आणि शहाणपणाने जोखीम पत्करण्याची मानसिकता अंगीकारली पाहिजे.