JNU मध्ये विद्यार्थ्यांवर जीवघेणा हल्ला, 40 हून अधिक विद्यार्थी आणि शिक्षक गंभीर जखमी

नवी दिल्ली : जवाहर लाल नेहरू विद्यापीठ (जेएनयू) परिसरात रविवारी (5 जानेवारी) सायंकाळी काही अज्ञात लोकांनी घुसून हल्ला केल्याचा धक्कादायक प्रकार घडला (Attack on JNU Studetns and Teachers). तोंड झाकलेल्या हल्लेखोरांच्या हातात लोखंडी रॉड, हॉकी स्टीक आणि काठ्या होत्या. त्यांनी अचानकपणे विद्यापीठातील विद्यार्थ्यांवर हल्ला चढवला. या हल्ल्यात जेएनयू विद्यार्थी संघटनेच्या अध्यक्षा आईशी घोष या गंभीर जखमी झाल्या. याव्यतिरिक्त 40 हून अधिक विद्यार्थी आणि शिक्षकही जखमी झाले आहेत. यात 30 विद्यार्थी आणि 12 शिक्षकांचा समावेश आहे (Attack on JNU Studetns and Teachers). जखमी विद्यार्थ्यांना एम्स रुग्णालयात दाखल करण्यात आलं आहे.

रविवारी (5 जानेवारी) सायंकाळच्या सुमारास तोंड झाकलेल्या जवळपास 50 गुंडांनी विद्यापीठात घूसून विद्यार्थ्यांवर हल्ला चढवला. त्यांनी विद्यापाठ परिसरातील कार आणि होस्टेलचीही तोडफोड केली.

#WATCH Delhi: Jawaharlal Nehru University Students’ Union president & students attacked by people wearing masks on campus. ‘What is this? Who are you? Step back, Who are you trying to threaten?… ABVP go back,’ can be heard in video. (note: abusive language) pic.twitter.com/gYqBOmA37c

— ANI (@ANI) January 5, 2020

देशावर राज्य करणारे फॅसिस्ट धाडसी विद्यार्थ्यांना घाबरत आहेत : राहुल गांधी

The brutal attack on JNU students & teachers by masked thugs, that has left many seriously injured, is shocking.

The fascists in control of our nation, are afraid of the voices of our brave students. Today’s violence in JNU is a reflection of that fear.

#SOSJNU pic.twitter.com/kruTzbxJFJ

— Rahul Gandhi (@RahulGandhi) January 5, 2020

काँग्रेस नेते राहुल गांधी यांनी जेएनयूमधील हल्ल्याचा निषेध केला आहे. ते म्हणाले, ‘जेएनयूमध्ये गुंडांनी विद्यार्थी आणि शिक्षकांवर केलेला हल्ला स्तब्ध करणारा आहे. या हल्ल्यात अनेक विद्यार्थी आणि शिक्षक जखमी झाले आहेत. देशावर राज्य करणारे फॅसिस्ट धाडसी विद्यार्थ्यांना घाबरत आहेत. जेएनयूमधील हिंसेने त्यांची भीती स्पष्ट दिसते.’

जेएनयूतील हल्ला सुनियोजित कट : शरद पवार

JNU students and professors were subjected to a cowardly but planned attack. I strongly condemn this undemocratic act of vandalism and violence. Use of violent means to suppress democratic values and thought will never succeed.

— Sharad Pawar (@PawarSpeaks) January 5, 2020

शरद पवार यांनी जेएनयूतील विद्यार्थी आणि शिक्षकांवरील हल्ला सुनियोजित असल्याचं म्हटलं आहे. तसेच या हल्ल्याचा तीव्र निषेध केला. ते म्हणाले, “जेएनयूतील विद्यार्थी आणि शिक्षकांवरील हल्ला सुनियोजित हल्ला आहे. मी या लोकशाहीविरोधी हिंसेचा तीव्र निषेध करतो. हिंसेचा वापर करुन लोकशाही मुल्यांची आणि विचारांची दडपशाही करता येणार नाही.”

“ही घटना विद्यापीठाच्या संस्कृतीच्या विरोधात”

Have seen pictures of what is happening in #JNU. Condemn the violence unequivocally. This is completely against the tradition and culture of the university.

— Dr. S. Jaishankar (@DrSJaishankar) January 5, 2020

परराष्ट्र मंत्री एस. जयशंकर यांनी देखील या घटनेचा निषेध केला आहे. त्यांनी ट्विट करत म्हटलं, “जेएनयूमधील हल्ल्याची छायाचित्रे पाहिली. या हिंसेचा स्पष्टपणे निषेध करतो. ही घटना जेएनयूच्या परंपरेच्या आणि संस्कृतीच्या विरोधातील आहे.”

‘परिस्थितीला विद्यापीठ प्रशासन आणि कुलगुरु जबाबदार’

जेएनयूमधील विद्यार्थी संघटनेचे सचिव सुरजीत मजूमदार यांनी विद्यापीठातील या परिस्थितीला विद्यापीठ प्रशासन आणि कुलगुरु जबाबदार असल्याचं म्हटलं आहे. ते म्हणाले,, ‘आम्ही या परिस्थितीला विद्यापीठ प्रशासन आणि कुलगुरुंना जबाबदार मानतो. आज हॉस्टेलमध्ये कोणतीही सुरक्षा व्यवस्था नाही. अनेक शिक्षक गंभीर जखमी आहेत. ज्या पद्धतीने कुलगुरु विद्यापीठाचं काम करत आहेत, त्यामुळे येथील स्थिती अधिक वाईट होत आहे. विद्यापीठातील लोकशाही प्रक्रिया दिवसेंदिवस नष्ट केली जात आहे.”

जेएनयू शिक्षक संघाचे विक्रमादित्य म्हणाले, “जमाव माझ्या पत्नीच्या मागे धावत होता. माझ्या घराचा दरवाजा तोडण्याचा प्रयत्न केला गेला. आम्ही रात्री पुन्हा येऊन घराला आग लावू अशी धमकी जमावाने दिली. आम्ही पोलिसांना फोन केला, मात्र पोलिसांकडून कोणतीही मदत मिळाली नाही. आमच्या मदतीला पोलिसही येत नाही. हल्ला होऊन दोन तास झाले तरी विद्यापीठाची सुरक्षा व्यवस्था देखील आलेली नाही. त्यांना मी माझ्या घरावर हल्ला झाल्याचं सांगितलं. त्यानंतरही ते आले नाही आणि पोलिसांनाही पाठवलं नाही.”

“विद्यार्थी विद्यापीठातही सुरक्षित नसतील, तर मग देश पुढे कसा जाणार?”

I am so shocked to know abt the violence at JNU. Students attacked brutally. Police shud immediately stop violence and restore peace. How will the country progress if our students will not be safe inside univ campus?

— Arvind Kejriwal (@ArvindKejriwal) January 5, 2020

दिल्लीचे मुख्यमंत्री अरविंद केजरीवाल यांनी या हल्ल्यादरम्यान पोलिसांच्या वर्तनावर प्रश्नचिन्ह उपस्थित केले आहेत. ते म्हणाले, “जेएनयूमध्ये हल्ला झाल्याची माहिती मिळाल्यावर धक्का बसला. विद्यार्थ्यांना निर्दयीपणे मारण्यात आलं. पोलिसांनी तात्काळ यात हस्तक्षेप करावा. जर देशातील विद्यार्थी विद्यापीठ परिसरात सुरक्षित राहणार नसतील, तर मग देश पुढे कसा जाणार?”

Students of Aligarh Muslim University (AMU) hold candlelight protest against the violence in Jawaharlal Nehru University yesterday. pic.twitter.com/HraMX5Z79E

— ANI UP (@ANINewsUP) January 5, 2020

जेएनयू हल्ल्याविरोधात देशभरात आंदोलन

Mumbai: Students from different colleges gather outside Gateway of India to protest against the violence in Jawaharlal Nehru University earlier today. #Maharashtra pic.twitter.com/6XL5Sqk425

— ANI (@ANI) January 5, 2020

जेएनयूमध्ये हल्ल्यानंतर देशभरात अनेक ठिकाणी विद्यार्थी आणि नागरिकांनी आंदोलन केलं. दिल्ली पोलीस मुख्यालयाबाहेर विविध विद्यापीठांमधील विद्यार्थ्यांनी एकत्र येत आंदोलन केलं. तसेच जेएनयू हल्ल्याचा निषेध केला. मुंबईमध्ये गेट वे ऑफ इंडिया येथे मुंबईतील विविध महाविद्यालयातील विद्यार्थ्यांनी जेएनयूतील हल्ल्याचा निषेध करत हल्लेखोरांवर तात्काळ कारवाईची मागणी केली.

Delhi: Students continue to protest outside JNU campus against the violence in Jawaharlal Nehru University earlier today. pic.twitter.com/6DA4tryBgy

— ANI (@ANI) January 5, 2020

पुण्यातील फिल्म अँड टेलिव्हिजन  इन्स्टिट्यूट ऑफ इंडियात (FTII) देखील या हल्ल्याविरोधात आंदोलन करण्यात आलं.

Pune: Students of Film and Television Institute of India held protest against the violence in Jawaharlal Nehru University. (5.1.20) #Maharashtra pic.twitter.com/y8ye56Ioh7

— ANI (@ANI) January 5, 2020