392 विकेट्स घेणाऱ्या बांगलादेशी क्रिकेटपटूची 2 वर्षांपासून ब्रेन ट्युमरशी झुंज, संघसहकारी आर्थिक मदतीसाठी धावले
बांगलादेशचा क्रिकेटपटू मुशर्रफ हुसेन रुबेल याला रुग्णालयात दाखल करण्यात आले आहे. त्याच्यावर सध्या अतिदक्षता विभागात उपचार सुरु आहेत.
ढाका : बांगलादेशचा क्रिकेटपटू मुशर्रफ हुसेन रुबेल याला रुग्णालयात दाखल करण्यात आले आहे. त्याच्यावर सध्या अतिदक्षता विभागात उपचार सुरु आहेत. रुबेल गेल्या दोन वर्षांपासून ब्रेन ट्यूमरशी लढत आहे. रुबेलने 2008 ते 2016 पर्यंत बांगलादेशसाठी 5 एकदिवसीय सामने खेळले आहेत. (Bangladesh Cricketer Mosharraf Hossain Rubel Battles with Brain Tumor, Has Been Taken To ICU)
बांगलादेशच्या मीडिया रिपोर्टनुसार, रुबेलच्या कौटुंबिक सूत्रांनी सांगितले की, मुशर्रफ हुसेन रुबेल याची प्रकृती अचानक बिघडल्यानंतर त्याला बुधवारी रुग्णालयात दाखल करण्यात आले. डॉक्टर सध्या त्याच्यावर ICU मध्ये उपचार करत आहेत. डावखुरा फिरकीपटू रुबेल मार्च 2019 पासून ब्रेन ट्यूमरशी झुंज देत आहे.
एका अहवालात म्हटले आहे की, मुशर्रफ हुसेन रुबेल रुग्णालयात दाखल झाल्याची बातमी समोर आल्यापासून, तो लवकरात लवकर बरा व्हावा यासाठी प्रार्थना सुरू झाल्या आहेत. बांगलादेशचा माजी कर्णधार मशरफी बिन मोर्तझा याने त्याच्या फेसबुक पेजवर लिहिले, “माझ्या मित्रा रुबेल, तू लवकरात लवकर बरा व्हावास यासाठी मी अल्लाहकडे प्रार्थना करतो. तू मैदानात परतावा याची मी वाट पाहात आहे. तू लवकर बरा हो.
दरम्यान, बांगलादेश क्रिकेट बोर्ड आणि अनेक देशांतर्गत संघ ज्यांचे रुबेलचे प्रतिनिधित्व केले आहे, त्याला आर्थिक मदत देण्यासाठी पुढे आले आहेत. तसेच त्याचे संघातील सहकारीदेखील मदतीसाठी पुढे आले आहेत.
मुशरफ हुसेन रुबेलची अष्टपैलू कामगिरी
मुशरफ हुसेन रुबेलने 9 मार्च 2008 रोजी दक्षिण आफ्रिकेविरुद्ध आंतरराष्ट्रीय क्रिकेटमध्ये पदार्पण केले होते. त्यानंतर त्याने 7 ऑक्टोबर 2016 रोजी इंग्लंडविरुद्ध शेवटचा आंतरराष्ट्रीय सामना खेळला. या डावखुऱ्या फिरकी गोलंदाजाने 5 एकदिवसीय सामन्यांमध्ये बांगलादेशचे प्रतिनिधीत्व केले आहे. त्यात त्याने 4 बळी मिळवले आहेत.
रुबेलने प्रथम श्रेणी क्रिकेटमध्ये सातत्यपूर्ण कामगिरी केली आहे. प्रथम श्रेणी क्रिकेटमध्ये त्याच्या नावावर 392 विकेट्स आहेत. याशिवाय त्याने प्रथम श्रेणी क्रिकेटमध्ये 3305 धावादेखील केल्या आहेत. यात त्याने दोन शतके आणि 16 अर्धशतके झळकावली आहेत.
देशांतर्गत टी-20 स्पर्धांमध्ये 56 सामन्यांमध्ये त्याने विविध संघांचे प्रतिनिधीत्व केले आहे. यात त्याने 60 विकेट्स घेतल्या आहेत. 104 लिस्ट ए सामन्यांमध्ये त्याच्या नावावर 120 विकेट्स आहेत.
इतर बातम्या
T20 World Cup मध्ये 7 भारतीय क्रिकेटपटूंचं पदार्पण, पाकिस्तानला भिडून चौघे दाखवणार रुबाब
आधी तोरा मिरवला पण शेवटी वठणीवर आले, पाकड्यांच्या जर्सीवर आता सन्मानाने दिसतोय ‘इंडिया’
(Bangladesh Cricketer Mosharraf Hossain Rubel Battles with Brain Tumor, Has Been Taken To ICU)
