Bihar Election Result 2020 | शत्रुघ्न सिन्हांचा मुलगाच ‘खामोश’, लव सिन्हाला पराभवाचा धक्का

Bihar Election Result 2020 LIVE पाटणा : बिहार विधानसभा निवडणुकांचा निकाल (Bihar Vidhansabha Election Result) अवघ्या काही तासांमध्ये स्पष्ट होणार आहेत. बिहार निवडणुकीच्या मतमोजणी प्रक्रियेकडे सगळ्या देशाचं लक्ष लागलं आहे. काँग्रेस नेते शत्रुघ्न सिन्हा (Shatrughan Sinha) यांचे सुपुत्र, तर अभिनेत्री सोनाक्षी सिन्हा (Sonakshi Sinha) हिचा भाऊ लव सिन्हा (Luv Sinha) याला पराभवाचा धक्का बसला आहे. बांकीपूर (Bankipur) विधानसभा मतदारसंघातून तीन वेळा आमदार राहिलेल्या नितीन नवीन (Nitin Nabin) यांनी लवला ‘खामोश’ केले. (Bihar Election Result 2020 Shatrughan Sinha’s son Luv Sinha lost from Bankipur Vidhansabha Seat LIVE Updates)

बांकीपूर विधानसभा मतदारसंघात नितीन नवीन हे सलग चौथ्यांदा आमदार झाले आहेत. त्यांनी 33 हजारांपेक्षा जास्त मतं मिळवत विजय मिळवला. एकूण मतांपैकी 61 टक्क्यांपेक्षा अधिक मतं नवीन यांना मिळाली. जवळपास 18 हजारांच्या मताधिक्याने ते विजयी झाले.

काँग्रेस उमेदवार लव सिन्हा हे दुसऱ्या क्रमांकावर आहेत. 15 हजारांच्या आसपास मतं त्यांच्या पारड्यात पडली. विशेष म्हणजे स्वतःला मुख्यमंत्रिपदाच्या दावेदार घोषित करणाऱ्या पुष्पम प्रिया चौधरी (Pushpam Priya Chaudhari) बांकीपूरमधूनही रिंगणात उतरल्या होत्या. मात्र त्यांना पराभवाचा मोठा धक्का बसला आहे. अवघी 1991 मतं मिळवत त्या तिसऱ्या क्रमांकावर फेकल्या गेल्या आहेत. चौधरी या निवडणूक लढवण्यासाठी लंडनहून आल्या होत्या. बांकीपूरमधून एकूण 22 उमेदवार नशीब आजमावत होते.

शत्रुघ्न सिन्हांचा बालेकिल्ला

बांकीपूर विधानसभा मतदारसंघ हा पटना साहिब लोकसभा मतदारसंघाच्या अंतर्गत येतो. या मतदारसंघातून शत्रुघ्न सिन्हा दोन वेळा भाजपच्या तिकिटावर विजयी झाले आहेत. शत्रुघ्न सिन्हा यांनी 2019 च्या लोकसभा निवडणुकीच्या आधी भाजपला रामराम ठोकून काँग्रेसमध्ये प्रवेश केला. ते काँग्रेसच्या तिकिटावर निवडणूक लढले, मात्र भाजप नेते रविशंकर प्रसाद यांनी सिन्हांना पराभवाची धूळ चारली होती.

“तेजस्वी यादव यांचा अनुभव कमी आहे, असं म्हणणारे विरोधक येत्या 10 तारखेला निवडणूक निकालानंतर पूर्णपणे खामोश होतील. कारण बिहारच्या जनतेला आता जुमलेबाजी नकोय तर विकास करुन दाखवणारं सरकार हवंय आणि लोकांची हीच अपेक्षा महागठबंधनचे सरकार पूर्ण करेल”, असं शत्रुघ्न सिन्हा काही दिवसांपूर्वी म्हणाले होते. तेजस्वी यांच्या युवा ब्रिगेडमध्ये असलेले लव सिन्हा आणि अन्य साथी मिळून बिहारचा चेहरामोहरा बदल्याशिवाय राहणार नाहीत, हा विश्वास बिहारी जनतेमध्ये दिसून येत आहे” असंही शत्रुघ्न सिन्हा म्हणाले होते. (Bihar Election Result 2020 Shatrughan Sinha’s son Luv Sinha lost from Bankipur Vidhansabha Seat LIVE Updates)

Bihar election result 2020: जावयाचा विजय, सासरे मात्र पराभूत! RJDचे नेते तेजप्रताप यादव विजयी, तर JDUचे चंद्रिका राय यांचा पराभव https://t.co/QqBYjf63Aq @yadavtejashwi @NitishKumar @RJDforIndia @BJP4India #BiharElections2020 #BiharPolls #बिहारकुणाचे

— TV9 Marathi (@TV9Marathi) November 10, 2020

संबंधित बातम्या :

तेजस्वी यादवांचे टीकाकार 10 तारखेला ‘खामोश’ होणार, शत्रुघ्न सिन्हांची फटकेबाजी

(Bihar Election Result 2020 Shatrughan Sinha’s son Luv Sinha lost from Bankipur Vidhansabha Seat LIVE Updates)