नाशिकमध्ये मद्यधुंद पोलिसांचा राडा, स्वत: गाडी ठोकून दुसऱ्या ड्रायव्हरला मारहाण
नाशिकमध्ये एकीकडे कोरोना रुग्णांची संख्या वाढत (Nashik police rada) असताना, दुसरीकडे दारु विक्रीवरुन प्रशासनामध्येच संभ्रम असल्याचं दिसतंय.
नाशिक : नाशिकमध्ये एकीकडे कोरोना रुग्णांची संख्या वाढत (Nashik police rada) असताना, दुसरीकडे दारु विक्रीवरुन प्रशासनामध्येच संभ्रम असल्याचं दिसतंय. वाढत्या गर्दीमुळे पोलीस आयुक्त विश्वास नांगरे पाटील यांनी दारु दुकाने बंद करण्याचे आदेश दिले. तर जिल्हाधिकाऱ्यांनी दुकानं उघडण्यास सांगितलं आहे. अशा परिस्थितीत नाशिकमध्ये दुकानचालकांमध्ये संभ्रम आहे. (Nashik police rada)
एकीकडे हे चित्र असताना, दुसरीकडे नाशिकमध्ये रात्रीच्या सुमारास मद्यधुंद पोलिसांचा कारनामा समोर आला आहे. मद्यधुंद पोलिसांनी मध्यरात्री राडा केला. दारुच्या नशेत असलेल्या या पोलिसांनी लेखानगर भागात वाहनांना धडक दिली. भररस्त्यात ज्यांची वाहने ठोकली, त्याच नागरिकांना या पोलिसांनी मारहाण केली. याप्रकरणी दोन्ही पोलीस कर्मचाऱ्यांविरोधात अंबड पोलिसांत गुन्हा दाखल झाला आहे. हे दोन्ही पोलीस कर्मचारी शहरातील पोलीस ठाण्यांमध्ये कार्यरत आहेत.
नाशिकमध्ये दारु दुकानांवरुन संभ्रम
नाशिकमध्ये चार मे रोजी वाईन शॉप सुरु करण्यात आले होते. मात्र वाईन शॉप-दारु दुकानांबाहेर रांगा वाढल्याने एकच गर्दी झाली. त्यामुळे पोलीस आयुक्त नांगरे पाटील यांनी दारु दुकानं बंद करण्याचे आदेश दिले. मात्र आज जिल्हाधिकाऱ्यांनी दुकानं सुरु करण्यास सांगितल्याने, प्रशासनात समन्वय आहे की नाही असा प्रश्न आहे.
नाशिकमध्ये 79 नवे रुग्ण, एकट्या मालेगावात बाधितांची संख्या 300 वर, तर जिल्ह्यात कोरोनाचे 463 रुग्ण
नाशिकशहरात कोरोनाचा आकडा हा सातत्याने वाढतोय. काल एका दिवसात जिल्ह्यात 80 रुग्णांची भर पडली. त्यामुळे नागरिकांची चिंता आता वाढू लागली आहे. शहरातील कॅनडा कॉर्नर परिसर आणि गंगापूर रोड परिसरात 2 रुग्ण आढळून आल्याने हा परिसर सील करण्यात आला आहे.
संबंधित बातम्या
राज्यात दारुविक्री सुरु ठेवावी की बंद? पृथ्वीराज चव्हाण म्हणतात…
