परवेज मुशर्रफ यांना फाशीची शिक्षा सुनावणाऱ्या न्यायाधीशाचा कोरोनामुळे मृत्यू

पाकिस्तानचे माजी अध्यक्ष जनरल (निवृत्त) परवेज मुशर्रफ यांना फाशीची शिक्षा सुनावणारे पेशावर उच्च न्यायालयाचे मुख्य न्यायाधीश वकार सेठ यांचा कोरोनामुळे मृत्यू झाला.

  • Updated On - 10:20 pm, Fri, 13 November 20
परवेज मुशर्रफ यांना फाशीची शिक्षा सुनावणाऱ्या न्यायाधीशाचा कोरोनामुळे मृत्यू


इस्लामाबाद : पाकिस्तानचे माजी अध्यक्ष जनरल (निवृत्त) परवेज मुशर्रफ (former Pakistan president Gen (Retd) Pervez Musharraf) यांना फाशीची शिक्षा सुनावणारे पेशावर उच्च न्यायालयाचे मुख्य न्यायाधीश वकार सेठ (Peshawar High Court Chief Justice Waqar Seth) यांचा कोरोनामुळे मृत्यू झाला. ते 58 वर्षांचे होते. इस्लामाबाद येथील एका खासगी रुग्णालयात उपचार सुरु असताना त्यांचा मृत्यू झाला. पाकिस्तानच्या सरकारी अधिकाऱ्यांनी शुक्रवारी ही माहिती दिली. (Judge who sentenced Pervez Musharraf to death has died because of Corona)

पाकिस्तानी अधिकाऱ्यांनी दिलेल्या माहितीनुसार, सेठ यांना 22 ऑक्टोबरला कोरोना संसर्ग झाला होता. हे समजताच त्यांना पेशावर येथील एका दवाखान्यात उपचारासाठी दाखल करण्यात आले. पण, प्रकृती जास्तच बिघडल्याने त्यांना पुन्हा इस्लामाबाद येथील कुलसुम इंटरनॅशनल हॉस्पिटलमध्ये शिफ्ट करण्यात आले. मात्र, प्रकृती जास्तच बिघडल्याने उपचारादरम्यान त्यांचा मृत्यू झाला.

न्यायाधीश सेठ यांनी जून 2018 साली पेशावर न्यायालयाचे मुख्य न्यायाधीश म्हणून शपथ घेतली होती. त्यानंतर परवेज मुसर्रफ यांना फाशीची शिक्षा सुनावल्यामुळे सेठ चर्चेत आले होते. मुशर्रफ यांनी 3 नोव्हेंबर 2007 रोजी आणीबाणी लागू केल्यामुळे पाकिस्तान सरकारने त्यांच्यावर देशद्रोहाचा ठपका ठेवला होता. उच्च न्यायालयाच्या विशेष खंडपीठाचे मुख्य न्यायधीश म्हणून त्यांनी डिसेंबर 2019 मध्ये लष्करशाहा परवेज मुशर्ऱफ यांना मुत्युदंड दिला होता.

सन 1999 ते 2008 या काळात परवेज मुशर्रफ यांनी पाकिस्तानचे हुकूमशाहा म्हणून कारभार पाहिला. संवैधानिक मूल्ये धुडकावून लावण्याच्या गुन्ह्यात त्यांना दोषी ठरवण्यात आले होते. परवेज मुशर्रफ हे 2016 पासून दुबईमध्ये राहतात. उपचार करायला जात असल्याचे कारण दाखवत ते पाकिस्तानमधून गेले होते. ते अद्याप परतेलले नाहीत.

सबंधित बातम्या :

पाकिस्तानच्या गोळीबारात महाराष्ट्राचा वीरपुत्र शहीद, कोल्हापूरचे ऋषीकेश जोंधळे यांना 20व्या वर्षी वीरमरण

पाकिस्तानचे 10-12 जवान टिपले, भारतीय जवानांची धडाकेबाज कारवाई

फारुख अब्दुल्लांना पाकिस्तानमध्ये जायचंय का; देशातील कोणतीही शक्ती काश्मीरमध्ये कलम 370 पुन्हा आणू शकत नाही: संजय राऊत

(Judge who sentenced Pervez Musharraf to death has died because of Corona)

Read Full Article

Click on your DTH Provider to Add TV9 MARATHI