मालेगावात कोरोनाबाधितांचा आकडा वाढताच, रेल्वेच्या 2 पोलीस कर्मचाऱ्यांनाही लागण

नाशिक : नाशिक जिल्ह्यातील मालेगाव हा कोरोनाचा हॉटस्पॉट बनला (Malegaon Corona Virus Update) आहे. मालेगावमध्ये कोरोना रुग्णांची संख्या दिवसेंदिवस वाढत चालली आहे. आज दिवसभरात 14 जणांचा रिपोर्ट कोरोना पॉझिटिव्ह आला आहे. त्यामुळे कोरोनाबाधितांची संख्या ही 765 वर पोहोचली आहे. विशेष म्हणजे यात 2 रेल्वे पोलीस कर्मचाऱ्यांचाही समावेश आहे.

मालेगाव शहरासह मालेगाव तालुका ही रेड झोन घोषित करण्यात आला (Malegaon Corona Virus Update) आहे. त्यामुळे मालेगाव तालुक्यातून इतर ठिकाणी जाण्यास मनाई केली आहे. मात्र लॉकडाऊनदरम्यान 28 मे पासून इतर गावातून जवळपास 16 हजार 235 जण मालेगाव तालुक्यात आल्याची नोंद आहेत.

मालेगाव तालुक्यात मुंबई, ठाणे, पुण्यातून येणाऱ्यांची संख्या ही मोठ्या प्रमाणात आहे. या सर्वांची प्राथमिक आरोग्य तपासणी करण्यात येत आहे. यातील 45 जणांना इतर आरोग्य समस्या जाणवत असल्याने त्यांच्यावर पुढील उपचारासाठी तज्ज्ञ डॉक्टरांकडे पाठवण्यात आले आहे.

तर नांदगाव तालुक्यात बांधकाम करणारे, हातगड्यावर व्यवसाय करणारे अनेक परप्रांतीय मजूर होते. त्यांना त्यांच्या राज्यात पाठवण्यात आले.

नांदगाव तालुक्यातून परप्रांतीय राज्यात परतलेल्यांची आकडेवारी

रेल्वेने परगावी गेलेले परप्रांतिय

• उत्तर प्रदेश – 106
• बिहार – 183

बसने राज्यात परतलेले

• झारखंड – 165
• गोंदिया – 50

तर नांदगाव तालुक्यातून इतर ठिकाणी गेलेले 49089 ऊसतोड कामगार तालुक्यात परतले आहे. याची माहिती नांदगाव तहसील प्रशासनाने दिली आहे.

संबंधित बातम्या : 

लॉकडाऊन काळात दीड लाखांहून अधिकांचा सोलापूर जिल्ह्यात प्रवेश

Lockdown Effect | इतिहासात पहिल्यांदाच उन्हाळ्यात नागपूरच्या रस्त्यांवर शीतपेयांची दुकानं नाही