धक्कादायक! 91 कोरोनामुक्त रुग्णांना पुन्हा कोरोनाची लागण, दक्षिण कोरियाच्या अडचणीत वाढ

सीऊल (दक्षिण कोरिया) : जगभरात कोरोना विषाणूने धुमाकूळ घातला आहे. आतापर्यंत अनेक देशांमध्ये या विषाणूने आपला शिरकाव केला (Reactivate corona virus in south korea) आहे. जगभरात आतापर्यंत 17 लाखांपेक्षा अधिकांना कोरोनाची लागण झाली आहे. यामधून अनेक जण बरे झाले असूनही त्यांना पुन्हा लागण झाल्याचे समोर आलं आहे. दक्षिण कोरियामध्येही तब्बल 91 कोरोनामुक्त रुग्णांना पुन्हा कोरोनाची लागण झाल्याचे समोर आल्याने सर्वत्र एकच खळबळ (Reactivate corona virus in south korea) उडाली आहे.

“कोरोनाची लागण झालेले 91 रुग्ण पूर्णपणे बरे झाल्यानंतर त्यांना आम्ही डिस्चार्ज दिला होता. पण बरे झाल्यानंतर पुन्हा एकदा त्यांना कोरोनाची लागण झाली आहे”, असं दक्षिण कोरियाच्या आरोग्य अधिकाऱ्याने सांगितले.

“हे 91 लोक पुन्हा कोरोनाबाधित रुग्णाच्या संपर्कात आले असणार किंवा या रुग्णांमधील विषाणू पुन्हा रिअॅक्टिव्हेट झाले असणार”, असं कोरिया सेंटर फॉर डिजीज कंट्रोल अँड प्रीवेंशनचे डायरेक्टर जोंग इन क्योंग यांनी सांगितले.

पुन्हा कोरोनाची लागण कशी झाली हे सांगणे कठीण आहे. पुन्हा कोरोना झालेल्या रुग्णांची सध्या चौकशी सुरु आहे. दक्षिण कोरियामध्ये हे प्रकरण समोर आल्याने जगभरातील देशांची चिंता वाढली आहे. अनेक देशाची ही अपेक्षा आहे की, कोरोनाची लागण झालेले रुग्ण विषाणूच्या विरोधात आपल्या रोगप्रतिकार शक्तीच्या जोरावर बरे होतील”, असं साऊथ कोरियाच्या आरोग्य अधिकाऱ्यांनी सांगितले.

या प्रकरणानंतर अनेक प्रश्न निर्माण झाले आहेत. जर रुग्णाच्या शरीरात हे विषाणू पुन्हा रिअॅक्टिव्हेट झाले असतील. तर यावर काय उपचार करता येऊ शकतात, यावर तज्ञ काम करत आहेत. आतापर्यंत दक्षिण कोरियामध्ये कोरोनामुक्त बरे झाल्यानंतर पुन्हा कोरोनाची लागण झालेले 91 रुग्ण आहेत. तसेच पुन्हा कोरोनाची लागण झालेल्या रुग्णांच्या संख्येत वाढ होण्याची शक्यता दक्षिण कोरियाने वर्तवली आहे. दक्षिण कोरियामध्ये आतापर्यंत सात हजार लोक कोरोनामुक्त झाले आहेत.