सहा वर्षीय मुलाचं अपहरण, 18 तासात सुटका, सोलापूर पोलिसांची कारवाई

सोलापूर : खंडणीसाठी अपहरण केलेल्या मुलाची सोलापूर शहर पोलिसांनी अवघ्या 18 तासात (Solapur Police Solve Kidnapping Case) सुटका केली आहे. सोलापूर शहरात शेजारच्या मुलाला अपहरण करुन पाच लाख रुपयांची खंडणी मागणाऱ्याला पोलिसांनी अटक केली. सागर कृष्णप्पा गायकवाड असे अपहरणकर्त्या आरोपीचे नाव असून त्याला विजापूर नाका पोलिसांनी ताब्यात घेतलं आहे (Solapur Police Solve Kidnapping Case).

सोलापूर शहरातील होडगी रोड परिसरात सोमवारी (9 नोव्हेंबर) संध्याकाळी सात वाजण्याच्या सुमारास सहा वर्षीय दीपक कोळी याला ऊस देण्याचे आमिष आरोपी सागर गायकवाड याने त्याचे अपहरण केले. अपहरणानंतर सागर गायकवाड यांनी यशला दक्षिण सोलापूर तालुक्यातील औराद येथील आपल्या आजीकडे ठेवले.

दरम्यान, आपला मुलगा हरवल्यामुळे कोळी परिवारातील सदस्य चिंतेत होते. त्यांनी आपल्या मुलाचा शोधाशोध सुरु केला होता. तर इकडे आरोपीने फोन करुन त्यांच्याकडे तब्बल पाच लाखाची खंडणी मागितली.

यासंदर्भात पोलिसात तक्रार दाखल झाल्यानंतर वडिलांना फोन आलेल्या फोन नंबरवरुन पोलिसांनी माहिती घेतली असता गावातील फोनवरुन फोन येत नसल्याची माहिती मिळाली. दरम्यान, आरोपी सागर गायकवाड हा यशला आजीकडे ठेवून पोलिसांसमोरच निर्धास्तपणे फिरत होता. तेव्हा संशयावरुन पोलिसांनी त्याला ताब्यात घेतलं. त्यानंतर आधी त्याने उडवाउडवीची उत्तरं दिली. मात्र, पोलिसांनी खाक्या दाखवताच आपणच मुलाचं पैशांसाठी अपहरण केल्याची कबुली त्याने दिली.

त्यानंतर पोलिसांनी सागरला अटक केली आणि दीपकची सुटका करुन त्याला त्याच्या पालकांकडे सोपवलं. अवघ्या 18 तासात पोलिसांनी अपहरणाचं हे प्रकरण सोडवत एका मुलाला त्याच्या आई-वडिलांना परत केल्याने कोळी परिवारांच्या डोळ्यात आनंदाश्रू वाहत होते. पोलिसांच्या या कामगिरीचं शहरात कौतुक होत आहे.

दिवाळीसाठी आलेल्या पाहुण्याची हजार रुपयांसाठी हत्या, चोरट्याला अटकhttps://t.co/BgDEfeTYFX#PanvelCrime #CrimeNews

— TV9 Marathi (@TV9Marathi) November 10, 2020

Solapur Police Solve Kidnapping Case

संबंधित बातम्या :

नागपुरात दोन दिवसात तीन हत्या, शहरात खळबळ

उंबरगावमधील खाद्यतेल व्यापाऱ्याची हत्या; मृतदेह कुर्झे धरणात आढळला