आधी देवळाली स्टेशन उडवण्याची धमकी, आज संशयास्पद बॅग सापडली

नाशिक: देवळाली स्टेशन उडवून देण्याच्या धमकीनंतर आता स्टेशनबाहेरच संशयास्पद बेवारस बॅग सापडल्याने खळबळ उडाली आहे. देवळाली स्टेशन (deolali) उडवून देऊ असं निनावी पत्र कालच आलं होतं. त्यांनतर आज सकाळी ही संशयास्पद बॅग सापडली. यानंतर श्वानपथक आणि बीडीडीएसची टीम घटनास्थळी दाखल झाली. या पथकाकडून संशयित बॅगची तपासणी करण्यात येत आहे. संशयित बॅग सापडल्याने परिसरात एकच खळबळ उडाली.

दरम्यान, बॉम्बशोधक आणि श्वानपथकाने अर्धा तास तपासणी करुन, ही बॅग उघडली. सुदैवाने या बॅगेत घातक असं काही सापडलं नाही. या बॅगमध्ये काही कागदपत्र आणि कपडे सापडली. संशयास्पद काही न आढळल्याने उपस्थितांनी सुटकेचा निश्वास सोडला. या बॅगेची अर्धा तासांपासून तपासणी सुरु होती.

नाशिक जिल्ह्यातील देवळाली हे भारतासाठी अत्यंत संवेदनशील आहे. कारण नाशिक जिल्ह्यातील देवळाली इथं भारतीय लष्कराचं आर्टिलरी सेंटर अर्थात तोफखाना विभागाचं महत्त्वाचं केंद्र आहे. त्यामुळे देवळालीला सुरक्षेचं कवच नेहमीच असतं.  12 फेब्रुवारीला लष्कराच्या जवानांनी देवळाली इथं चित्तथरारक प्रात्यक्षिकं दाखवली होती. शिस्तबद्ध प्रात्यक्षिकाद्वारे जवानांनी उपस्थितांची मनं जिंकली होती.

#नाशिक – देवळालीत संशयास्पद बॅग सापडली https://t.co/yW4QSnQmwm #Deolali pic.twitter.com/NXk9hop6Gi

— TV9 Marathi (@TV9Marathi) February 18, 2019

देवळाली महत्त्वाचं का?

नाशिक जिल्ह्यात देवळाली लष्करी छावणी आहे. हजारो एकर जागेवर ही छावणी पसरली आहे. या छावणीत तोफखान्याचे प्रशिक्षण देणारी देशातील एकमेव केंद्र आहे. तोफांच्या सरावासाठी या छावणीत ‘फायरिंग रेजं’ सुद्धा आहेत. ‘आर्मी एव्हिएशन स्कूल’ ही लष्करी अधिकाऱ्यांना वैमानिाचे प्रशिक्षण देणारी संस्थाही आहे. दारुगोळ्याचे साठवणूक केंद्र सुद्धा इथेच आहे. देवळाली लष्करी छावणीचा काही भाग महापालिका क्षेत्रा ततर काही शहराबाहेर आहे. अत्यंत संवेधनशील असा हा परिसर आहे.

देवळाली लष्करी छावणीत काय काय आहे?

• तोफखान्याचे प्रशिक्षण केंद्र
• आर्मी एव्हिएशन स्कूल
• दारुगोळ्याची साठवणूक केंद्र
• लष्कर सामग्री असणारे महत्त्वाचे केंद्र