Hair Care Tips : दोन तोंडी केसांची समस्या दूर करायची असेल तर ‘हे’ घरगुती उपाय नक्की करा!

मुंबई : ज्याप्रमाणे त्वचेची काळजी घेणे आवश्यक आहे. त्याचप्रमाणे केसांची काळजी (Hair Care) घेणे देखील खूप महत्वाचे आहे. कारण केस आपले सौंदर्य वाढवण्याचे काम करतात. परंतु काहीवेळा केसांच्या मुळांच्या क्यूटिकलला इजा होते. ज्यामुळे केस तुटण्याची समस्या उद्भवते. अशा स्थितीत केसांच्या वाढीवर थेट परिणाम होतो, तसेच केस दोन तोंडी होतात.

केसांमध्ये पोषणाचा अभाव, कोरडेपणा, रासायनिक प्रक्रिया,उपकरणांचा वापर, प्रदूषण,  सूर्यप्रकाश आणि आनुवंशिकता इत्यादींमुळे दोन तोंडी केस होऊ शकतात. दोन तोंडी केसांना खालून थोडेसे ट्रिम करणे. तुमचे केस ट्रिम केल्याने चांगले होतात आणि त्यांची वाढही होते. हेच कारण आहे की बहुतेक सौंदर्य तज्ञ दर तीन महिन्यांनी केस ट्रिम करण्याचा सल्ला देतात.

तेल न लावल्यामुळे केसांना पोषण मिळत नाही आणि कोरडेपणा वाढतो. कोरडेपणामुळे केस फुटतात. केसांची ही समस्या टाळण्यासाठी आठवड्यातून किमान दोनदा रात्रभर केसांना तेल लावावे. जर तुम्ही रात्रभर तेल लावू शकत नसाल तर काही तास तेल लावा. तेल लावताना दोन तोंडी केसांना तेल लावा.

शॅम्पूमुळे तुमच्या केसांची क्युटिकल्स उघडतात. त्यांना सील करण्यासाठी कंडिशनर आवश्यक आहे. त्यामुळे केसांमध्ये हायड्रेटिंग कंडिशनर वापरा. याशिवाय केस टॉवेलने रगडून कोरडे करू नका किंवा केस धुतल्यानंतर ड्रायरचा वापर करू नका. ओले केस बांधू नका आणि कधीही घट्ट पोनीटेल बनवू नका.

भरपूर पाणी आणि द्रव आहार घ्या. यामुळे तुमचे शरीर हायड्रेट राहते. वेळोवेळी केसांमध्ये दही, मध, अंडी यापासून बनवलेला होममेड हेअरमास्क लावा. हे केसांच्या दुरुस्तीसाठी काम करते. याशिवाय बाजारात उपलब्ध असलेले रेडिमेड हेअर मास्कही तुम्ही वापरू शकता. व्हिटॅमिन ई आणि ओमेगा ३ फॅटी अॅसिड असलेल्या गोष्टींचा आहारात समावेश करा.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..