Hair Care : पावसाळ्यात अशी घ्या केसांची काळजी, वाचा याबद्दल अधिक!

मुंबई : पावसाळ्याच्या हंगामाची सुरूवात झाली आहे. मात्र, पावसाळ्याच्या हंगामात आपल्याला केसांची विशेष काळजी ही घ्यावी लागते. हवेतील आर्द्रतेमुळे केस गळणे आणि कोंड्याची समस्या निर्माण होते. या हंगामात देखील आपले केस चांगले ठेवण्यासाठी आपण काही घरगुती टिप्स फाॅलो करून शकतो. ज्यामुळे आपले केस सुंदर आणि चमकदार राहण्यास मदत होते. (Take care of your hair in the rainy season)

कंडिशनर

जास्त आर्द्रतेमुळे आपले केस गळण्यास सुरूवात होते. यामुळे या हंगामात आपण केसांना कंडिशनर लावले पाहिजे. कंडिशनर आपले केस मऊ ठेवण्यास मदत करते. केस धुताना नेहमीच कंडिशनरचा वापर करा . कंडिशनर टाळूपासून मुळांवर पूर्णपणे लावा. हे आपल्या केसांना बाह्य नुकसानापासून वाचविण्यात मदत करते.

तेल लावा

तेल केस मजबूत ठेवण्यात मदत करते. चांगल्या केसांच्या आरोग्यासाठी आपण तेल नियमितपणे वापरू शकता. पावसाळ्यात तुम्ही तेल नियमितपणे लावावे. तेल केस तोडण्यास प्रतिबंध करते. आपण आपल्या केसांनुसार तेल निवडू शकता. हे केसांशी संबंधित इतरही अनेक समस्या दूर करण्यात मदत करू शकते.

ओले केस विंचरू नका

आपले केस ओले असताना विंचरू नका. यामुळे केस तुटण्याची अधिक शक्यता असते. पाणी केसांच्या रोमांना कमकुवत करते, ज्यामुळे केस तुटण्याची शक्यता वाढते. प्रथम आपले केस व्यवस्थित कोरडे होऊ द्या आणि नंतर केस विंचरा.

केसांना मॉइश्चराइज्ड ठेवा

पावसाळ्यात केसांची निगा राखणे खूप महत्वाचे असते. आपण सीरम वापरू शकता, जे आपल्या केसांना उष्णतेपासून वाचवेल. हे केसांना मॉइश्चरायझेशन करण्यास देखील मदत करेल. नेहमी एक मॉइश्चरायझर निवडा जे आपल्या केसांना हायड्रेटेड आणि मॉइश्चराइझ ठेवण्यास मदत करेल.

केस रगडून धुणे

केस हा शरीराचा एक नाजूक भाग आहे. बऱ्याचदा केस धुताना मुळाशी घासून धुतले जातात. मुळांना इजा झाल्याने केस तुटतात आणि परिणामी केस पातळ होतात. केसांना आठवड्यातून तीन वेळा शॅम्पू आणि कंडिशनर हे करायलाच हवे. पण हे करत असातना केसांची काळजी घेणे गरजेचे असते. शॅम्पू लावल्यानंतर केसांना हलक्या हातांनी सर्क्युलर मोशनमध्ये मसाज केला तर, केसांना योग्य पोषण मिळते.

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

पायांना सतत दुर्गंध येतोय? मग ‘या’ घरगुती टिप्स ट्राय करा नि समस्येतून मुक्त व्हा!

(Take care of your hair in the rainy season)