Skin care: पिंपल्सची समस्या कायमची दूर करायची आहे? मग हे घरगुती फेस सीरम नक्की वापरा!

Skin care: पिंपल्सची समस्या कायमची दूर करायची आहे? मग हे घरगुती फेस सीरम नक्की वापरा!
पिंपल्सची समस्या दूर करण्यासाठी हे उपाय फायदेशीर आहेत.
Image Credit source: TV9

चेहऱ्यावर मुरूम (Pimples) येणे ही एक सामान्य घटना आहे. मात्र, मुरूम येण्याचे प्रमाण अधिक झाले आणि योग्य वेळी योग्य उपचार (Treatment) घेतले गेले नाही तर चेहऱ्यावर पिंपल्सचे डाग पडतात. विशेष म्हणजे हे पिंपल्सचे डाग काढणे अत्यंत अवघड काम आहे.

टीव्ही 9 मराठी डिजीटल टीम

| Edited By: शितल मुंडे, टीव्ही 9 मराठी डिजीटल

Mar 16, 2022 | 11:23 AM

मुंबई : चेहऱ्यावर मुरूम (Pimples) येणे ही एक सामान्य घटना आहे. मात्र, मुरूम येण्याचे प्रमाण अधिक झाले आणि योग्य वेळी योग्य उपचार (Treatment) घेतले गेले नाही तर चेहऱ्यावर पिंपल्सचे डाग पडतात. विशेष म्हणजे हे पिंपल्सचे डाग काढणे अत्यंत अवघड काम आहे. तज्ज्ञांच्या म्हणण्यानुसार, बाजारात उपलब्ध असलेल्या उत्पादनांऐवजी नैसर्गिक (Natural) गोष्टींचा वापर करावा. हे चांगले परिणाम देतात. यामुळे मुरूमाची समस्या दूर करण्यासाठी आपण नेहमीच घरगुती उपाय केले पाहिजेत.

गाजराचा रस

गाजरात असे अनेक पोषक घटक असतात, जे त्वचेला दुरुस्त करतात आणि रंग सुधारतात. हे सीरम लावण्यापूर्वी तुम्हाला त्वचेच्या प्रकाराची विशेष काळजी घ्यावी लागेल. ते बनवण्यासाठी तीन चमचे गाजराच्या रसात अर्गन ऑइल आणि रोझ ऑइल मिसळा. नीट मिक्स करून बाटलीत भरून ठेवा. हे सिरम रात्री झोपण्यापूर्वी आणि सकाळी चेहरा धुल्यानंतर चेहऱ्यावर लावा.

कडुलिंबाच्या झाडाची पाने

कडुलिंबात असलेले औषधी गुणधर्म मुरुम दूर करण्यासाठी फायदेशीर आहेत. कडुलिंबाच्या पानांपासून सीरम तयार करण्यासाठी, 4 ते 5 कडुलिंबाची पाने बारीक करून त्यात एक चमचा कोरफड जेल आणि टी ट्री ऑइल मिसळा. त्यात गुलाबजलही टाका. नीट मिक्स केल्यानंतर हे फेस सीरम एका बाटलीत ठेवा आणि आठवड्यातून तीनदा रात्री झोपण्यापूर्वी चेहऱ्याला लावा.

जोजोबा ऑइल

हे फेस सीरम बनवण्यासाठी जोजोबा ऑइल व्यतिरिक्त तुम्हाला टी ट्री ऑइल आणि लेमन ग्रास ऑइल देखील लागेल. तेलकट त्वचा असणाऱ्यांसाठी ते फायदेशीर ठरू शकते. यासाठी हे सर्व तेल एका भांड्यात मिक्स करून बाटलीत भरून ठेवा. हे सिरम रात्री झोपण्यापूर्वी चेहऱ्यावर लावा. मुरुम कमी करण्यासोबतच त्वचा चमकदारही होईल.

संबंधित बातम्या : 

Protein Diet : ‘या’ 7 भाज्या आहेत प्रोटीनचा पॉवर हाऊस, आहारात नक्कीच समावेश करा आणि निरोगी राहा!

Homemade Scrubs : सन टॅनची समस्या दूर करण्यासाठी ‘हे’ घरगुती स्क्रब अत्यंत फायदेशीर!


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें