Hair Care Remedies : मऊ आणि चमकदार केसांसाठी ‘हे’ घरगुती उपाय करून पाहा!

मुंबई : आपले केस निरोगी आणि चमकदार असावेत अशी प्रत्येकाची इच्छा असते. कधीकधी केसांना अनेक समस्यांना तोंड द्यावे लागते. याचे एक कारण रासायनिक उत्पादने आणि हीटिंग टूल्सचा वापर देखील असू शकते. या सर्वांमुळे केसांना निरोगी ठेवणे कठिण होऊन जाते. निरोगी केसांसाठी तुम्ही नैसर्गिक पद्धती वापरून पाहू शकता. केसांच्या चांगल्या आरोग्यासाठी ते खोलवर पोषण करतात आणि टाळू स्वच्छ करतात.

नारळाचे तेल

नारळाचे तेल तुमचे केस चमकदार आणि मऊ बनवू शकते. त्यात जीवनसत्त्वे आणि फॅटी अॅसिड असतात. यासाठी एका वाडग्यात तीन ते चार चमचे नारळाचे तेल टाका आणि काही सेकंद गरम करा. या गरम तेलाने तुमच्या टाळूची 15 मिनिटांसाठी मालिश करा. आता आपले केस शॉवर कॅपने 20-25 मिनिटे झाकून ठेवा. सौम्य शैम्पूने ते धुवा.

कोरफड मास्क

कोरफड केस मजबूत करते आणि केस वाढण्यास मदत करते. हे टाळूची खाज शांत करण्यास मदत करते. कोरफडमध्ये एन्झाईम असतात जे तुमच्या टाळूच्या खराब झालेल्या पेशी दुरुस्त करते. कोरफड हेअरमास्क तयार करण्यासाठी दोन चमचे कोरफड घ्या आणि गुळगुळीत पेस्ट तयार करा. ही पेस्ट आपल्या केसांना दहा मिनिटे लावा. त्यानंतर कोमट पाण्याने आपले केस धुवा.

दही आणि केळी हेअर मास्क

केळी आणि दही हे दोन लोकप्रिय पदार्थ आहेत. जे घरगुती पॅकमध्ये मोठ्या प्रमाणावर वापरले जातात. आपण ते केस आणि त्वचेसाठी वापरू शकता. दहीमध्ये असलेले लैक्टिक अॅसिड केसांना हायड्रेट करते, त्वचेच्या मृत पेशी काढून टाकते आणि केसांच्या रोम वाढण्यास मदत करते. केस मऊ करण्यासाठी एका वाडग्यात 2 चमचे साधे दही, 1 मॅश केलेली केळी मिक्स करा. हा पॅक वीस मिनिटे आपल्या केसांना लावा. त्यानंतर कोमट पाण्याने आपले केस धुवा.

(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)

संबंधित बातम्या : 

Weight Loss Drinks | स्लिम-ट्रिम दिसण्याची इच्छाय? मग, झोपण्यापूर्वी प्या ‘हे’ हेल्दी ड्रिंक्स!

Milk | गाय की म्हैस, आपल्या आरोग्यासाठी कोणते दूध अधिक फायदेशीर? जाणून घ्या..

Health care | सकाळी अनवाणी पायांनी गवतावर चालणे आरोग्यासाठी लाभदायी, वाचा याचे फायदे… https://t.co/xnbkgfB8Ea #HealthTips | #Barefoot | #HealthCare

— TV9 Marathi (@TV9Marathi) February 24, 2021

(Try this home remedy for shiny hair)