महागडे प्रॉडक्ट्स नाही, घरगुती उपायांनी काही क्षणांतच तेलकट त्वचेला द्या निरोप

बाजारात अनेक महागडे प्रॉडक्ट असतात, ज्यामुळे चेहरा उजळेल, त्वचेवर असलेला तेलकटपणा कमी होईल… असं अनेक महिलांना वाटतं. पण असं काहीही नसतं. रोजच्या धावपळीमुळे आणि प्रदुषणामुळे चेहरा खराब होतो.. अनेकांचा चेहरा तर तेलकट दिसू लागतो. पण काही घरगुती उपाय केल्यानंतर तुम्हाला देखील फरक जाणवेल आणि तुम्ही स्वतः महागड्या प्रॉडक्टकडे वळणार नाही. एवढंच नाही तर, पावसाळ्यात त्वचा तेलकट होण्यामागे काही कारणे आहेत. मात्र, आपण घरात उपलब्ध असलेल्या काही नैसर्गिक घटकांच्या मदतीने या समस्येवर नियंत्रण मिळवू शकतो.

मुलतानी माती: तज्ज्ञांच्या मते, त्वचेवरील अतिरिक्त तेल शोषून घेण्यासाठी मुलतानी माती आश्चर्यकारक काम करते. यासाठी, मुलतानी मातीत थोडे गुलाबजल मिसळून त्याची पेस्ट बनवा. नंतर ती चेहऱ्यावर लावा आणि काही वेळाने धुवून टाका. असे केल्याने तुमच्या चेहऱ्यावरील सर्व तेल काही क्षणांतच नाहीसे होईल.

चंदन पावडर: तेलकट त्वचेच्या काळजीसाठी चंदन पावडर खूप उपयुक्त आहे. हे केवळ त्वचेला आर्द्रताच देत नाही, तर त्वचेला चमकही देते. यासाठी, चंदन पावडरमध्ये दोन चमचे कच्चे दूध मिसळून त्याची पेस्ट बनवा. ही पेस्ट चेहऱ्यावर लावा आणि 10 मिनिटांनंतर साध्या पाण्याने धुवा. यामुळे त्वचेला नैसर्गिक चमक येते.

शेंगदाणा बटर टीप: शेंगदाणा बटरमध्ये त्वचेतील तेल नैसर्गिकरित्या शोषून घेण्याची क्षमता असते. ते केवळ तेल नियंत्रित करत नाही, तर काळे डाग देखील कमी करते. म्हणून, एका वाटीत तीन चमचे शेंगदाणा बटर, चिमूटभर हळद आणि तीन चमचे दही मिसळा. हे मिश्रण फेस पॅक म्हणून लावा आणि सुकल्यावर धुवून टाका. काही क्षणांतच तुमच्या चेहऱ्यावरील तेल निघून जाईल आणि तुमचा चेहरा तेजस्वी दिसेल.

कोरफड: कोरफडीला अष्टपैलू म्हणता येईल. कारण ती त्वचा, केस आणि आरोग्यासाठी अनेक फायदे देते. म्हणून, सकाळी अंघोळ करण्याच्या १० मिनिटे आधी चेहऱ्यावर कोरफडीचा गर लावा. तो सुकल्यावर, साध्या पाण्याने धुवा. त्यातील मॉइश्चरायझिंग गुणधर्म त्वचेची आतून दुरुस्ती करण्यास मदत करतात.