बर्फवृष्टीचा आनंद घ्यायचा असेल तर दिल्लीच्या जवळ असलेले ‘हे’ ठिकाण आहे स्वर्गापेक्षाही सुंदर

हिवाळा म्हंटलं कि सगळेजण बर्फवृष्टीचा आनंद घेण्यासाठी शिमला- मनाली अश्या ठिकाणी जाण्याचा प्लॅन करत असतात. डिसेंबर ते फेब्रुवारी या दिवसांमध्ये अनेक ठिकाणी जोरदार बर्फवृष्टी होते. हे असे महिने आहेत जेव्हा लोकं ख्रिसमस, नवीन वर्ष आणि हिवाळी सुट्ट्या साजरे करण्यासाठी हिल स्टेशनवर जातात आणि बर्फवृष्टीचा आनंद घेतात. तुम्हाला जर बर्फवृष्टीचा आनंद लुटण्यासाठी खूप लांब जाण्याची ही गरज नाही. त्यात जर तुम्ही दिल्लीत राहत असाल तर तुम्ही आजूबाजूची जागाही एक्सप्लोर करू शकता.

दिल्लीजवळ एक अतिशय सुंदर ठिकाण आहे जिथे बर्फवृष्टीचा मनसोक्त आनंद घेता येतो, त्या ठिकाणचे नाव चकराता आहे. हे उत्तराखंडमधील एक छोटेसे पण अतिशय सुंदर आणि शांत हिल स्टेशन आहे. हिवाळ्यात येथे बर्फवृष्टीचा एक वेगळाच अनुभव येतो. हिमवृष्टीच्या या छोट्याशा दिवसात इथले बर्फाच्छादित डोंगर, घरे आणि झाडे त्याला स्वर्गासारखे सुंदर बनवतात.

हिमालय पर्वतरागांच्या कुशीत वसलेले हे ठिकाण नैसर्गिक सौंदर्य, नयनरम्य दृश्ये आणि थंड मैदाने यासाठी खूप लोकप्रिय आहे. दिल्लीच्या धकाधकीच्या आणि जीवनशैलीपासून काही दिवस दूर राहण्यासाठी हे खूप चांगले ठिकाण आहे. ज्यांना हिवाळ्याच्या थंडीत बर्फवृष्टीचा आनंद घ्यायचा आहे त्यांच्यासाठी चकराता हे एक उत्तम ठिकाण आहे.

हिवाळ्यात चकराता बर्फाच्या चादरीने झाकलेली असते, तेव्हा इथला प्रत्येक कोपरा पोस्टकार्डसारखा दिसतो. बर्फवृष्टी पाहण्याबरोबरच फिरण्यासाठीही खूप चांगली ठिकाणे आहेत. तसेच येथे तुम्हाला अनेक प्रकारचे खाद्यपदार्थ मिळतील. चला तर मग जाणून घेऊयात की चकरातामध्ये तुम्ही काय पाहू शकता आणि काय खाऊ शकता?

बर्फवृष्टीदरम्यान चकरातामध्ये कोणते ठिकाण पहावे?

टायगर फॉल्स : टायगर फॉल्स हे चकरातामधील सर्वात लोकप्रिय ठिकाणांपैकी एक आहे. हिवाळ्यात होणारी बर्फवृष्टीमुळे बऱ्याचदा बर्फ गोठते, ज्यामुळे ते ठिकाण पाहण्यासारखे बनते. इथपर्यंत पोचण्यासाठी एक छोटासा ट्रेक करावा लागतो, जो खूप साहसी असतो. त्यामुळे तुम्हाला या ठिकाणी जायला खूप आवडेल.

देवबन : चकराताला गेल्यावर तुम्ही देवबनला जायला विसरू नका. कारण येथे तुम्हाला हिमालयातील बर्फाच्छादित शिखरांचे अप्रतिम दृश्य पाहायला मिळेल. फोटोग्राफी आणि शांत वेळ घालवण्यासाठी हे ठिकाण उत्तम आहे. बर्फवृष्टीच्या वेळी इथली जंगलं अधिकच सुंदर दिसतात, जी खरोखरच पाहण्यासारखी आहे. असे हे नयनरम्य दृश्य पाहून तुम्ही तेथून निघावेसे वाटणार नाही.

लक्ष्मण सिद्ध मंदिर : जर तुम्हाला एखाद्या धार्मिक आणि शांत ठिकाणी जायचे असेल तर लक्ष्मण सिद्ध मंदिर या ठिकाणाला आवर्जून भेट द्या. हिवाळ्यात येथे बर्फवृष्टीचे विशेष दृश्य पाहायला मिळते. याशिवाय स्थानिक बाजारपेठ आणि चकराताच्या छोट्या गावांनाही भेट देता येते. जे तुम्हाला खूप आवडेल.

चकरातामध्ये काय खावे?

पहाडी राजमा आणि भात : चकराताला गेलात तर तिथल्या स्थानिक ढाब्यावर पहाडी राजमा नक्की खा. हिवाळ्याच्या थंडीत हा पदार्थ शरीराला उष्णता तर देईलच पण तोंडाची चवही वाढवेल.

मदुआ रोटी : मदुआ रोटी उत्तराखंडमधील प्रसिद्ध पदार्थांपैकी एक आहे, जी देशी तूपाबरोबर सर्व्ह केली जाते. चकराताला गेलात तर एकदा नक्की ट्राय करा.

झांगोरा खीर: ही एक पारंपारिक उत्तराखंडी मिठाई आहे, जी बकव्हीट तांदळापासून बनविली जाते. थंड हवामानात जास्त गोड खाणाऱ्या व्यक्तींसाठी हे परफेक्ट आहे.

लोकल हर्बल टी : बर्फवृष्टीच्या वेळी गरमागरम हर्बल चहा प्यायल्याने एक वेगळाच अनुभव येईल. हे स्थानिक औषधी वनस्पती आणि मसाल्यांपासून बनवले जाते. या चहाची टेस्ट खूप स्ट्रॉंग असते