कॉफीप्रेमींसाठी भारतातील ‘ही’ ठिकाणं ट्रिपला बनवतील अविस्मरणीय, जाणून घ्या

कॉफीच्या सुगंधात आणि सभोवतालच्या हिरवळीत वेळ घालवणे हा कोणत्याही कॉफीप्रेमीसाठी एक अनोखा अनुभव असतो. भारतातील कॉफी पर्यटन आता एक लोकप्रिय आकर्षण म्हणून ओळखले जाऊ लागले आहे. जिथे तुम्ही ठिकाणां भेट दिल्यास झाडापासून ते कपापर्यंतची संपूर्ण प्रक्रिया स्वतःच्या डोळ्यांनी पाहू शकता. तर तुम्ही सुद्धा कॉफीप्रेमी असाल आणि रोजच्या धावपळीतून शांत आणि निसर्गाच्या सानिध्यात फिरायला जाण्याचा प्लॅन करत असाल तर भारतातील ही ठिकाणं नक्कीच तुमच्या ट्रिपला एकदम अविस्मरणीय बनवतील, त्यासोबतच फिरायला जाण्यासाठी किती खर्च होईल ते जाणून घेऊयात.

कुर्ग, कर्नाटक: कुर्ग हे उत्कृष्ट क्वॉलिटीची अरेबिका आणि रोबस्टा कॉफीचे उत्पादक ठिकाणं आहे. तुम्ही जर येथील प्रेक्षणीय ठिकाणी गेल्यावर तेथे हिरव्यागार मळ्यांमधून फिरणे, कापणीच्या हंगामात बेरी तोडण्याचा आनंद घेणे आणि झाडांच्या सावलीत असलेल्या होमस्टेमध्ये राहून या सुंदर दृश्याचा व एक अद्भुत अनुभव घेण्याचा हा प्रवास तुमच्यासाठी खूपच अविस्मरणीय ठरेल. तर या ठिकाणी फिरण्याचा प्रति व्यक्ती खर्च 15,000 ते 20,000 पर्यंत असू शकतो, ज्यामुळे तुम्ही 3 ते 4 दिवसांत आरामात कुर्ग फिरू शकता. सर्व प्रेक्षणीय स्थळे पाहण्यासाठी आणि कुर्गच्या सौंदर्यात पूर्णपणे रमून जाण्यासाठी तुम्ही 3 ते 4 दिवसांच्या ट्रिपचे नियोजन करू शकता. कुर्गची मुख्य आकर्षणे आरामात पाहण्यासाठी हा वेळ पुरेसा आहे.

चिकमंगळूर, कर्नाटक: भारतीय कॉफीचे जन्मस्थान मानले जाणारे चिकमंगळूर या ठिकाणांच्या उतारांच्या इतिहासात डोकावण्याची एक अनोखी संधी देते. तुम्ही किल्ल्याजवळील ऐतिहासिक मळ्यांमध्ये कॉफी लागवडीच्या प्रक्रियेबद्दल जाणून घेऊ शकता, कॉफी संग्रहालयाला भेट देऊ शकता आणि सुंदर बाबा बुडांगिरी मंदिरापर्यंत ट्रेकिंग करू शकता. चिकमंगळूरच्या 2 दिवसांच्या एका रात्रीच्या ट्रिपसाठी प्रति व्यक्ती अंदाजे 4,000 ते 8,000 खर्च येतो. हा खर्च प्रवासाचे साधन, होमस्टे किंवा हॉटेल आणि वाहतुकीचे साधन (बस किंवा कार) यावर अवलंबून असतो. आठवड्याच्या शेवटी (वीकेंडला) हा खर्च थोडा वाढू शकतो.

वायनाड, केरळ: वायनाड हे येथील सेंद्रिय, झाडांवर उगवलेल्या रोबस्टा कॉफीसाठी प्रसिद्ध आहे आणि या कॉफीला अनेकदा हलकीशी तिखट चव असते. येथील कॉफीचे मळे मनमोहक असून, धुक्याने वेढलेले मार्ग आणि जंगलातील पायवाटांपासून ते धबधबे आणि विविध प्रकारच्या वनस्पतींपर्यंत सर्व काही येथे पाहायला मिळते. निसर्गप्रेमी आणि फिरण्याचे शौकिन असलेल्यांसाठी हा एक शांत आणि सुखद अनुभव आहे. वायनाडच्या 3-4 दिवसांच्या ट्रिपसाठी प्रति व्यक्ती अंदाजे 10,000 ते 20,000 चे बजेट आहे. कमी खर्चात प्रवास करण्यासाठी बंगळूरुहून बस प्रवासासह, प्रति व्यक्ती 5,599 पासून पॅकेजेस उपलब्ध आहेत.

येरकौड, तामिळनाडू: शेवरॉय टेकड्यांच्या कुशीत वसलेले येरकौड, उत्कृष्ट अरेबिका कॉफीच्या शौकिनांसाठी एक शांत आणि सुंदर ठिकाण आहे. येथील मुख्य आकर्षण म्हणजे “MSP प्लांटेशन्स” आहे. जिथे थंड आल्हाददायक वातावरणात फुलांच्या उमळण्यापासून ते कॉफीच्या बियांच्या अंतिम काढणीपर्यंत गाइडेड टूर पर्यटकांना कॉफीच्या संपूर्ण प्रवासातून घेऊन जातात. येरकौडच्या 2-3 दिवसांच्या ट्रिपसाठी राहण्यापासून ते वाहतूक आणि जेवणाच्या पर्यायांनुसार प्रति व्यक्ती अंदाजे 5,000 ते 8,000 खर्च येतो. जे पर्यटक आठवड्याच्या शेवटी या ठिकाणांन भेट देतात, त्यांच्यासाठी खर्च थोडा जास्त वाढू शकतो. कमी खर्चात प्रवास करणाऱ्यांसाठी 2 दिवसांचे पॅकेज 4,000 ते 5,000 पासून सुरू होऊ शकते.

मुन्नार, केरळ: मुन्नार प्रामुख्याने चहासाठी ओळखले जाते, परंतु येथे भव्य कॉफीचे मळेही आहेत. हे मळे पर्यटकांना एक अनोखा अनुभव देतात, जिथे तुम्ही एकाच हिरव्यागार, सुंदर परिसरात चहा आणि कॉफी या दोन्हीच्या लागवडीचे मिश्रण पाहू शकता.