सनबर्न किंवा टॅनिंग नंतर नैसर्गिकरित्या करा त्वचा हील, या गोष्टींची घ्या खास काळजी

नवी दिल्ली : खराब लाइफस्टाइल, वाढते प्रदूषण, सूर्याची हानिकारक किरणे आणि इतर पर्यावरणीय घटकांचा त्वचेच्या आरोग्यावर (effect on skin) नकारात्मक परिणाम होत आहे. अशा परिस्थितीत त्याचा प्रभाव प्रत्येकाच्या चेहऱ्यावर वेगवेगळ्या प्रकारे दिसून येतो. महिलांना सामान्यतः पिगमेंटेशन, मुरुम, पिंपल्स,(pimples)  ब्रेकआउट, वृद्धत्व इत्यादी समस्या येतात. या समस्या त्वचेची चमक काढून घेतात. जर त्याची वेळीच काळजी घेतली गेली नाही, तर ती गंभीर परिस्थितीत बदलते, ज्यापासून मुक्त होणे कठीण होऊ शकते.

अशा स्थितीत त्वचेशी संबंधित समस्यांसाठी विविध प्रकारची महागडी आणि रसायनयुक्त उत्पादने बाजारात उपलब्ध आहेत. परंतु त्यांच्या वापरामुळे परिस्थिती सुधारण्याऐवजी बिघडते. त्यामुळे नेहमी नैसर्गिक उपायांनी तुमची त्वचा हायड्रेट करण्याचा प्रयत्न करा. उपाचारांच्या काही नैसर्गिक टिप्स (How to heal your skin naturally)जाणून घेऊया, ज्यामुळे त्वचा बरी होईल.

सन प्रोटेक्शन

तुमची त्वचा बरी करण्यासाठी आणि निरोगी ठेवण्यासाठी त्वचा सूर्याच्या हानिकारक किरणांपासून शक्य तितकी लांब ठेवा. त्याच्या किरणांमुळे त्वचेवर सुरकुत्या, वयाचे डाग आणि इतर विविध समस्या उद्भवू शकतात. यासोबतच सूर्याच्या हानिकारक किरणांच्या संपर्कात दीर्घकाळ राहिल्याने स्तनाच्या कर्करोगाचा धोकाही वाढतो.

सकाळी 10 ते संध्याकाळी 4 पर्यंत सूर्यकिरणे सर्वात कठोर असतात. आणि यावेळी त्याचा परिणाम होण्याची शक्यता देखील जास्त असते. त्यामुळे सकाळी 10 ते दुपारी 4 या वेळेत सूर्यकिरणांच्या संपर्कात येण्यापासून शक्य तितके दूर रहा.

सनस्क्रीन वापरा

नियमितपणे तुमच्या त्वचेवर किमान 15 SPF असलेले सनस्क्रीन लावा, विशेषत: बाहेर जाताना त्याचा अवश्य वापर करा.

धूम्रपान हानिकारक

धूम्रपानामुळे त्वचा अकाली वृद्ध होते. त्यामुळे सुरकुत्या पडण्याची शक्यता वाढते. तसेच त्वचेच्या वरच्या थरातील रक्तवाहिन्या आकुंचन पावतात, त्यामुळे त्वचेला आवश्यक पोषण आणि ऑक्सिजन मिळत नाही आणि त्वचेचे आरोग्य दिवसेंदिवस बिघडत जाते. धूम्रपानामुळे कोलेजन आणि इलास्टिनवरही परिणाम होतो. अशा परिस्थितीत, जर तुम्हाला तुमची त्वचा निरोगी ठेवायची असेल, तर धूम्रपानापासून लांब रहा.

त्वचेची घ्या योग्य काळजी

आंघोळ करताना जास्त काळजी घ्या – जास्त वेळ गरम पाण्याने अंघोळ केल्याने त्वचेचे नैसर्गिक तेल निघून जाते. म्हणूनच कधीही खूप थंड किंवा खूप गरम पाण्याने आंघोळ करू नका. आंघोळीच्या पाण्याचे तापमान सामान्य ठेवा.

स्ट्रॉंग साबण वापरू नका – केमिकलयुक्त स्ट्रॉंग साबण आणि डिटर्जंटचा जास्त वापर तुमच्या त्वचेवर परिणाम करू शकतो. या स्थितीत, स्वच्छतेसाठी नेहमी नैसर्गिक उत्पादने आणि सौम्य साबण वापरा.

स्ट्रेस मॅनेजमेंट महत्वाचे

जास्त तणावामुळे तुमची त्वचा संवेदनशील बनते. त्यामुळे त्वचेशी संबंधित इतर समस्या जसे की पिंपल्स येणे, अशा परिस्थितीत आपले मानसिक आरोग्य संतुलित ठेवणे अत्यंत आवश्यक आहे. तणाव व्यवस्थापन, चांगली झोप हे तुम्हाला चमकदार त्वचा मिळण्यास मदत करते. कारण तणावाच्या वेळी बाहेर पडणाऱ्या हार्मोन्सचा त्वचेच्या आरोग्यावर परिणाम होतो.

योग्य आहार अत्यावश्यक

जर आवश्यक पोषक तत्व तुमच्या शरीरात नसतील तर त्वचेवर वापरल्या जाणार्‍या सर्व नैसर्गिक उत्पादनांचार कोणताही परिणाम होणार नाही. त्वचेच्या काळजीसाठी सर्वात महत्वाची गोष्ट म्हणजे स्वतःला हायड्रेट ठेवणे. त्यामुळे योग्य प्रमाणात पाणी पिणे आवश्यक आहे. यासोबतच आवश्यक जीवनसत्त्वे आणि खनिजे असलेली फळे आणि भाज्यांचे सेवन करा. फास्ट फूड, तेलकट अन्न, रस्ट फूड, रिफाइंड कार्बोहायड्रेट, प्रक्रिया केलेल अन्न आणि अनहेल्दी फॅट्स इत्यादीपासून अंतर ठेवा. कारण या सर्वांमुळे तुमच्या त्वचेशी संबंधित समस्या उद्भवू शकतात.