तुम्हाला एकटं फिरायला जायला भीती वाटते का? ‘या’ टिप्स निडर बनवतील
एकट्याने प्रवास करण्याची भीती दूर व्हायला थोडा वेळ लागू शकतो, पण योग्य तयारी आणि मानसिकतेने प्रवासाला निघालात तर तो अनुभव आनंददायी तर होईलच, शिवाय स्वावलंबन आणि आत्मविश्वासही देईल. या' टिप्सच्या मदतीने तुम्ही जगभरात कोठेही एकटे फिरायला जाऊ शकतात.
आजकाल तरुणाई सोलो ट्रॅव्हल करण्याला खूप पसंती देत आहेत. यामुळे एकट्याने प्रवास करणे हा एक रोमांचक अनुभव असू शकतो. एकट्याने प्रवास केल्यामुळे तुमचा आत्मविश्वास आणि अनुभव दोन्ही वाढतो. परंतु काही लोकांसाठी जे पहिल्यांदाच सोलो ट्रिप करण्याचा विचार करतात त्यांना बाहेर अनोळखी ठिकाणी जाताना मनात थोडी चिंता आणि भीती देखील वाटू लागते. तर काही लोकं एकट्याने प्रवास करण्यास खूप घाबरतात.
सोलो ट्रॅव्हलिंग देखील बऱ्याच लोकांसाठी भीती आणि चिंतेचे कारण बनते असे बहुतेक वेळा पाहिले गेले आहे. दुसरीकडे तुम्ही जर एकट्याने प्रवास करण्यास घाबरत असाल तर काही महत्वाच्या टिप्स आहेत ज्या तुम्ही एकट्याने प्रवास करताना वाटणारी भीती कमी करण्यासाठी त्याचा अवलंब करू शकता. चला तर मग जाणून घेऊयात सोप्या टिप्सबद्दल…
प्लॅनिंग करणे महत्वाचे
एखाद्या ठिकाणी एकट्याने प्रवास करण्यापूर्वी प्लॅनिंग करणं खूप गरजेचं आहे. यामध्ये तुम्ही ज्या ठिकाणी जाणारे आहे तेथील सर्व माहिती घ्या. कुठे राहायचं, बजेट किती असेल आणि खाण्यापिण्याची व्यवस्था काय आहे. या सगळ्या गोष्टी तुम्हाला माहित असायला हव्यात. तुम्ही एखाद्या नवीन ठिकाणी भेट देत असल्यास, दृश्ये, संस्कृती आणि स्थानिक वाहतुकीबद्दल देखील माहिती काढून घ्या. अशाने तुमचा सोलो ट्रिप खूप मस्त एन्जॉय कराल.
सुरक्षेला प्राधान्य द्या
प्रवास करताना तुमच्या सुरक्षेची काळजी घेणं खूप गरजेचं आहे. तुमचा पासपोर्ट, रोख रक्कम आणि महत्वाच्या कागदपत्रांच्या प्रती बनविणे आणि वेगवेगळ्या ठिकाणी ठेवणे यासारख्या काही मूलभूत सुरक्षा उपायांचे पालन करा. तुमच्या फोनमध्ये लोकल इमर्जन्सी नंबर ठेवा जेणेकरून कोणत्याही समस्येच्या वेळी तुम्हाला सहज मदत मिळू शकेल.
पॅकिंगची काळजी घ्या
प्रवास करताना तुमच्या पॅकिंगची काळजी घेणंही गरजेचं आहे. पॅकिंग जेवढं कमी असेल तेवढं तुमच्यासाठी चांगलं असेल. तुम्ही कुठेही सहज जाऊ शकता. अशी बॅग निवडा जी घेऊन जाण्यास सोपी असेल आणि तुम्हाला आवश्यक असलेल्या सर्व गोष्टी ठेवू शकाल.
सकारात्मक विचारांचा अवलंब करा
एकट्याने प्रवास करताना सतत नकारात्मक विचार केल्यास भीती आणि चिंता वाढू शकते. त्याऐवजी स्वत: कडे सकारात्मक दृष्टीकोनातून पाहण्याचा प्रयत्न करा. एकट्याने प्रवास करण्याचा अर्थ असा नाही की तुम्हाला एकटे जाणवेल. जेव्हा तुम्ही नवीन गोष्टी शिकता आणि जाणून घेता तेव्हा ही एक संधी असते. स्वतःला खंबीर करणायची त्यासोबत आत्मविश्वास आणि अनुभव देखील मजबूत होतो.
आरोग्याची काळजी घ्या
प्रवास करताना आरोग्याची काळजी घेणं अत्यंत गरजेचं आहे. पुरेशी झोप घ्या, योग्य आहार घ्या आणि पुरेसे पाणी प्या. तसेच संपूर्ण प्रवास करताना तुमचे शरीर आरामदायक ठेवा. थकवा जाणवत असेल तर विश्रांती घ्या.
