रोगप्रतिकारक शक्ती वाढवण्यासाठी बदाम, लाल शिमला मिर्ची आणि मासे फायदेशीर, वाचा !

कोरोनाचा वाढता प्रादुर्भाव लक्षात घेता रोगप्रतिकारक शक्ती वाढणे महत्वाचे झाले आहे.

  • टीव्ही 9 मराठी डिजीटल टीम
  • Published On - 16:26 PM, 11 Apr 2021
रोगप्रतिकारक शक्ती वाढवण्यासाठी बदाम, लाल शिमला मिर्ची आणि मासे फायदेशीर, वाचा !

मुंबई : कोरोनाचा वाढता प्रादुर्भाव लक्षात घेता रोगप्रतिकारक शक्ती वाढणे महत्वाचे झाले आहे. यासाठी आपल्या शरीरात व्हिटॅमिन-ई असणे आवश्यक आहे. व्हिटॅमिन-ई मासे, लाल शिमला मिर्ची, बदाम यासारख्या पदार्थांमधून मिळते. यासाठी हे तिन्ही पदार्थ आपल्या आहारात घेणे महत्वाचे आहे. बदाम शरीरातील कोलेस्टेरॉलची पातळी कमी करते, निरोगी चरबी आणि रक्तातील साखर पातळी योग्य ठेवते. (Almonds, red capsicum and fish are beneficial for boosting the immune system)

बदामांमध्ये प्रथिने, फायबर, व्हिटामिन ई, कॅल्शियम, जस्त सारखे अनेक पौष्टिक घटक असतात, जे शरीरासाठी अत्यंत फायदेशीर असतात. दररोज आपल्या नाश्त्यामध्ये बदामांचा समावेश करून आपण रोगप्रतिकारक शक्ती वाढू शकतात. बदामांमध्ये उच्च फायबर, असंतृप्त चरबी आणि कमी कार्बोहायड्रेट्स असतात. यासह, बदाम कमी ग्लायसेमिक निर्देशांक श्रेणीमध्ये समाविष्ट आहेत, ज्याचा अर्थ असा आहे की त्यामध्ये ग्लूकोजचे प्रमाण बरेच कमी आहे.

हेच कारण आहे की, ते रक्तातील साखरेची पातळी नियंत्रित करण्यास खूप उपयुक्त आहे. बदाम खाल्ल्याने स्मरणशक्ती चांगली राहते, असे नेहमी म्हटले जाते. बदाम खाल्ल्याने फक्त स्मरणशक्तीलाच नाही तर शरीरालाही अजून अनेक फायदे होतात. बदामामध्ये अनेक प्रकारची प्रथिने असल्यामुळे स्मरणशक्ती द्रृढ करण्यासाठी देखील फायदेशीर आहे. त्याच बरोबर बदाम नियमित खाल्ल्याने डोळे तेजस्वी होतात.

लाल शिमला मिर्चीत जीवनसत्त्वे सी, व्हिटॅमिन ए, व्हिटॅमिन के, फायबर आणि बीटा कॅरोटीन यामध्ये भरपूर प्रमाणात आढळतात. कॅप्सिकममध्ये कॅलरी असतात, त्यामुळे कोलेस्टेरॉल वाढत नाही. व्हिटॅमिन सीचे सेवन रोगप्रतिकारशक्ती सुधारते. कोलेस्टेरॉलची पातळी कमी करून रोग प्रतिकारशक्ती वाढविण्यात मदत होते. यामुळे आहारात जास्त-जास्त लाल शिमला मिर्चीचा समावेश करा. शिमला मिर्ची खाल्ल्याने वजन कमी होण्यास देखील मदत होते. बाजारात हिरव्या, पिवळ्या आणि लाल रंगाच्या शिमला मिर्ची मिळतात. मात्र, आपल्या आरोग्यासाठी लाल रंगाची शिमला मिर्ची चांगली असते.

जर आपली रोगप्रतिकार शक्ती कमकुवत असेल तर आपण आहारात मासाचा समावेश केला पाहिजे. हे रोगप्रतिकारक शक्ती वाढवणारा पोषक तत्व आहे. त्यात असलेले व्हिटॅमिन-सी केवळ आपल्या प्रतिकारशक्तीसाठी चांगले नाही तर पुनरुत्पादक प्रक्रिया आणि डोळ्यांसाठी देखील फायदेशीर आहे. मासे लोहाचेही उत्तम स्रोत मानले जाते, जे आपल्या शरीरासाठी खूप महत्वाचे आहे. लोह आपल्या फुफ्फुसातून इतर ऊतकांमध्ये ऑक्सिजन पोहोचवण्याचे कार्य करते.

संबंधित बातम्या : 

Face Massage | त्वचेसाठी संजीवनी ठरेल ‘फेस मसाज’, वाचा याचे फायदे…

Side Effect | केसांना ब्लीच करताय? सावधान…. वाचा काय परिणाम होऊ शकतो

(Almonds, red capsicum and fish are beneficial for boosting the immune system)