अंडी फ्रेश आहेत की नाहीत हे ओळखण्यासाठी जाणून घ्या ‘या’ 4 सोप्या ट्रिक्स

चांगल्या आरोग्यासाठी आपण अनेक पौष्टिक आणि निरोगी पदार्थांचा आहारात समावेश करत असतो. त्यातच अंड्याचे सेवन देखील आपल्या आरोग्यासाठी खूप फायदेशीर मानले जाते. कारण यामध्ये प्रथिने, जीवनसत्त्वे आणि खनिजे भरपूर प्रमाणात असतात, म्हणून अंड निरोगी आहाराचा एक महत्त्वाचा भाग मानले जाते. परंतु कधी कधी आपल्याला अंडी फ्रेश आहेत की नाही हे समजत नाही, कारण बरेच दिवस अंडी दुकानांमध्ये स्टोर करून ठेवलेली असतात. अशावेळेस अनेक वेळा लोकं चुकून खराब अंडी खातात, ज्यामुळे पोटाच्या समस्या, अन्नातून विषबाधा आणि इतर आरोग्य समस्या निर्माण होतात.

अशा वेळेस अंडे खाण्यापूर्वी अंड फ्रेश आहे की नाही हे तपासणे खूप महत्वाचे आहे. चला तर मग आजच्या लेखात आपण काही सोप्या आणि घरगुती उपायांनी अंडे फ्रेश आहे की खराब झाले आहे हे जाणून घेऊया…

1- अंड चांगले आहे की खराब हे त्याच्या वासावरून देखील ठरवता येते. यासाठी अंडी फोडून त्याचा वास घ्या. जर त्याचा वास तीव्र असेल किंवा त्याला विचित्र वास येत असेल तर ते खराब झाले आहे. दुसरीकडे, ताज्या अंड्यांमध्ये कोणताही वास नसतो, म्हणून अशा अंडी खाणे सुरक्षित आहे.

2- ताजी आणि खराब अंडी ओळखण्याचा दुसरा मार्ग म्हणजे स्पॉट टेस्ट. यासाठी अंडी फोडा आणि पिवळ्या रंगाचा आणि पांढऱ्या रंगाचा रंग पहा. जर पिवळ्या रंगात लाल ठिपके, काळा किंवा हिरवा रंग दिसत असेल तर ते अंड खराब आहे. अशी अंडी अजिबात खाऊ नका.

3- अंड्याचा ताजेपणा तपासण्याासाठी सर्वात सोपा मार्ग म्हणजे फ्लोटिंग टेस्ट. यासाठी, एका भांड्यात पाणी भरा आणि त्यात एक अंडे टाका. जर अंडे लगेच पाण्यात बुडले तर समजून घ्या की ते पूर्णपणे ताजे आहे. जर अंडे पाण्यात तरंगू लागले तर ते पूर्णपणे खराब आहे हे लक्षात ठेवा आणि ते अंड ताबडतोब फेकून द्या.

4- चौथा सोपा मार्ग म्हणजे शेक टेस्ट. यासाठी अंडी तुमच्या कानाजवळ घ्या आणि ते हलक्या हातांनी थोड हलवा. जर त्यातून पाण्यासारखा आवाज येत असेल तर ते खराब झाले आहे असे समजा. दुसरीकडे ताजे अंडे हलवल्यावर आवाज येत नाही, कारण त्याचा पांढरा भाग आणि पिवळा भाग आतून जाड आणि घट्ट असतो.

अंड्यांचा ताजेपणा तपासणे का महत्त्वाचे आहे?

बऱ्याचदा लोक बाजारातून अंडी खरेदी करतात आणि अनेक दिवस फ्रीजमध्ये ठेवतात आणि बऱ्याच दिवसांनी न तपासता वापरतात. परंतु खराब अंडी खाल्ल्याने पचन समस्या, उलट्या, जुलाब आणि अगदी अन्नातून विषबाधा अशा समस्या उद्भवू शकतात. म्हणूनच तज्ञ नेहमीच अंड्यांचा ताजेपणा तपासण्याची शिफारस करतात.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)