Food | स्वयंपाक घरातील हिंगात दडलेयत अनेक औषधी गुणधर्म! वाचा याचे फायदे…
भारतीय स्वयंपाकघरात आपल्याला अनेक प्रकारचे मसाले आढळतील. या मसाल्यांचा आयुर्वेदशी खूप गहन संबंध आहे. ते फक्त अन्नाची चव वाढवत नाहीत तर, यासह बर्याच रोगांमध्ये देखील उपयुक्त आहेत. (Asafoetida hing health issues)
मुंबई : भारतीय स्वयंपाकघरात आपल्याला अनेक प्रकारचे मसाले आढळतील. या मसाल्यांचा आयुर्वेदशी खूप गहन संबंध आहे. ते फक्त अन्नाची चव वाढवत नाहीत तर, यासह बर्याच रोगांमध्ये देखील उपयुक्त आहेत. मग, तो आपल्या स्वयंपाकघरातील कोणताही मसाला असो वा ओवा, हळद किंवा हिंग. हे सर्व मसाले अनेक प्रकारच्या रोगात देखील वापरले जातात (Know how Asafoetida aka hing can cure your minor health issues).
हिंग अशा मसाल्यात येते, जे जवळजवळ प्रत्येक भाजी आणि डाळींमध्ये हमखास टाकले जातात. हिंग जवळजवळ दररोजच्या आहारात वापरले जाते. चिमुटभर हिंग आपल्या अन्नाची चव बदलते. परंतु, आपणास माहित आहे का की, हे हिंग आपल्या आरोग्यास देखील बर्याच प्रकारे फायदा करू शकते? चला तर मग हिंगाच्या या काही महत्त्वपूर्ण फायद्यांविषयी जाणून घेऊया…
हिंगाचे फायदे :
– हिवाळ्याच्या काळात, सतत थंडीमुळे कान दुखू लागतात. अशा परिस्थितीत आपल्यापैकी बहुतेक लोक इअर ड्रॉप वापरतात. परंतु, यासाठी जर तुम्हाला घरगुती उपाय हवा असेल, तर आपण हिंग वापरू शकता. वास्तविक, हिंगामध्ये अँटी-इंफ्लेमेटरी आणि अँटी-बायोटिक गुणधर्म असतात, जे आपल्याला कानदुखीपासून आराम देण्याचे काम करतात. ते वापरण्यासाठी प्रथम तुम्ही एका भांड्यात दोन चमचे नारळ तेल घाला आणि मग त्यात एक चिमूटभर हिंग घाला आणि मंद आचेवर गरम करा. जेव्हा तेल कोमट होईल, तेव्हा त्याचे काही थेंब आपल्या कानात घाला. यामुळे आपल्याला वेदनापासून आराम मिळू शकेल (Know how Asafoetida aka hing can cure your minor health issues).
– ओटीपोटात दुखणे आणि गॅस तयार होणे या तक्रारी फार सामान्य आहेत. जर, तुम्ही हिंग वापरले, तर या आजारापासूनही मुक्त होऊ शकता.
– हिंग डोकेदुखी कमी करण्यास देखील मदत करते. कारण हिंगमध्ये अँटी-इंफ्लेमेटरी गुणधर्म असतात, ज्यामुळे ते डोक्याच्या रक्तवाहिन्यांचा दाह कमी करते आणि यामुळेच आपल्याला या डोकेदुखीपासून आराम मिळू शकेल.
– हिवाळ्यात अनेक लोक थंडीमुळे खूप अस्वस्थ असतात. अशा परिस्थितीत हिंगामध्ये उपस्थित अँटीव्हायरल घटक आपल्याला सर्दी आणि थंडीपासून मुक्त करण्यात उपयुक्त ठरू शकतात. हिंग रक्तदाब नियंत्रित करण्यासही मदत करते.
– हिरड्यातून रक्तस्त्राव आणि दात किडले असल्यास एक कप पाण्यात हिंगाचा एक छोटा तुकडा आणि एक लवंग उकळवा. हे पाणी कोमट झाल्यावर, त्याने गुळण्या केल्यास आराम मिळेल.
– जर तुम्हाला वारंवार अपचन होत असेल, तर प्रत्येकी चमचा सुंठ, काळी मिरी, कढीपत्ता, ओवा आणि जिरे मिसळून वाटून त्याची बारीक पूड करा. एक चमचा तिळाच्या तेलामध्ये एक चिमूटभर हिंग भाजून यात घाला. शेवटी थोडे काळे मीठ मिसळा. हे चूर्ण भाताबरोबर खाल्ल्यास आराम मिळेल.
(टीप : कोणत्याही उपचारांपूर्वी डॉक्टरांचा सल्ला अवश्य घ्यावा.)
(Know how Asafoetida aka hing can cure your minor health issues)
हेही वाचा :
हिवाळ्यातील आजारांपासून करेल तुमचे संरक्षण, जाणून घ्या ‘पेरूच्या पानां’चे अनोखे फायदे!
Indigestion | वारंवार अपचनाची तक्रार? ‘या’ सोप्या उपायांनी मिळेल आराम!
Health care : गर्भावस्थेदरम्यान नोकरी देखील करताय? मग, अशाप्रकारे घ्या स्वतःची काळजी!#Healthcare | #pregnancy | #Diet | #food https://t.co/GFKn2XqRbi
— TV9 Marathi (@TV9Marathi) February 23, 2021
