का वाढतोय ‘स्लीप टुरिझम’चा ट्रेंड; सर्वात जास्त या आजाराची लोक घेत आहेत हे ट्रॅव्हल पॅकेज

आजकाल कोणता ट्रेंड येईल काही सांगता येत नाही. त्यात आजकालच्या धकाधकीच्या जीवनात हेल्थबाबतचे तर अनेक ट्रेडं येत आहेत. त्यातीलच एक म्हणजे ‘स्लीप टुरिझम’. होय हा एक पर्यटनाचा भाग असला तरी देखील त्यामागील कारण आहे ते म्हणजे हेल्थ. इतर टूरिज्मप्रमाणेच ‘स्लीप टुरिझम’ ची सर्वात जास्त चर्चा होताना दिसतेय. नक्की काय आहे हा ट्रेंड आणि लोक एवढी पसंती याला का देत आहेत. हे एकदा जाणून घेऊयात.

‘स्लीप टुरिझम’ हा एक ट्रेंड

आजकाल ‘स्लीप टुरिझम’ हा एक ट्रेंड आहे. या पर्यटन ट्रेंडमध्ये लोक अशी ठिकाणे शोधतात जिथे त्यांना आराम आणि मानसिक शांती तसेच चांगली झोप मिळते. या ठिकाणी ध्वनी उपचार, ध्यान, आयुर्वेदिक उपचार आणि निसर्ग भ्रमण असे अनुभव घेण्यास मिळतात. स्मार्टफोन, लॅपटॉप आणि ऑफिसच्या डेडलाइनमध्ये, आता शांत झोप स्वप्नासारखी वाटते.

संशोधनात असे म्हटले आहे की भारतातील प्रत्येक दुसरा व्यक्ती झोपेशी संबंधित कोणत्या ना कोणत्या समस्येने ग्रस्त आहे. सतत काम, ताणतणाव आणि डिजिटल उपकरणांचा जास्त वापर यामुळे मानवी झोपेच्या गुणवत्तेवर वाईट परिणाम होत आहे. परंतु तरीही काही लोकांना झोपेच्या पर्यटनाची माहिती नाही. या टुरिझमसाठी भारतात तुम्ही त्यासाठी कुठे जाऊ शकता? हेही पाहुयात.

‘स्लीप टुरिझम’ म्हणजे काय?

‘स्लीप टुरिझम’ हा एक प्रवासाचा ट्रेंड आहे जिथे लोक विशेषतः त्यांच्या झोपेचे चक्र सुधारण्यासाठी, झोपेची गुणवत्ता वाढवण्यासाठी आणि मानसिक शांती मिळवण्यासाठी प्रवास करतात. ही ठिकाणे केवळ नैसर्गिक सौंदर्याने परिपूर्ण नाहीत तर झोप वाढवणारी थेरपी, ध्वनी उपचार, योग, आयुर्वेदिक मालिश आणि ध्यान यासारख्या विशेष व्यवस्था देखील आहेत.

‘स्लीप टुरिझम’ची क्रेझ का वाढत आहे?

ऑफिस आणि कामाच्या वाढत्या ताणामुळे लोकांना सतत झोपेचा त्रास होत आहे. याशिवाय सतत स्क्रीन टाइम, सोशल मीडिया आणि शहरी जीवन यामुळे मानसिक थकवा वाढत आहे. आता लोक केवळ प्रवासासाठीच नव्हे तर उपचार आणि स्वतःची काळजी घेण्यासाठी देखील या टुरिझमची निवड करतात. साथीच्या आजारानंतर, झोपेचा विकार, चिंता आणि निद्रानाश यासारख्या समस्या लोकांमध्ये सामान्य झाल्या आहेत. या सर्वांपासून आराम मिळवण्यासाठी, लोक आता झोपेच्या पर्यटनाचा अवलंब करत आहेत आणि म्हणूनच हे झोपेचे पर्यटन आता खूप लोकप्रिय झाले आहे.

भारतात ‘स्लीप टूरिझम’साठी तुम्ही कुठे जाऊ शकता?

योग नगरी म्हणून ओळखले जाणारे ऋषिकेश. याठिकाणी अनेक रिट्रीट सेंटर आहेत जिथे योग, प्राणायाम आणि आयुर्वेदिक उपचारांद्वारे झोप सुधारली जाते. याशिवाय, कोडाईकनाल, तामिळनाडू हे देखील स्लीप टुरिझमसाठी एक चांगले ठिकाण आहे. येथे थंड हवामान, शांतता आणि हिरवळीच्या वातावरणात ‘स्लीप वेलनेस रिट्रीट्स’ आहेत, जे तुमचे शरीर आणि मन दोन्हींना आराम देण्याचं काम करतात.

‘स्लीप डिटॉक्स’ पॅकेज

एवढेच नाही तर पार्ट्यांसाठी प्रसिद्ध असलेली दक्षिण गोव्यातील गावे आता स्लीप टुरिझमचे आकर्षण केंद्र बनत आहेत. विशेषतः आयुर्वेद रिसॉर्ट्स आणि मड स्पा सेंटर्समुळे लोक येथे यायला पसंत करत आहेत. याशिवाय, तुम्ही स्लीप टुरिझमसाठी वायनाडला देखील जाऊ शकता. येथे घनदाट जंगले आणि टेकड्यांच्या मध्ये अनेक रिसॉर्ट्स आहेत जे ‘स्लीप डिटॉक्स’ पॅकेज देतात, ज्यामध्ये तेल मालिश, हर्बल बाथ आणि साउंड हीलिंग यांचा समावेश आहे.