स्टॅमिना वाढवण्यासाठी दररोज ‘या’ सुपरफूड्सचे करा सेवन

तुम्हाला जर दिवसभर उत्साही आणि सक्रिय राहायचे असेल, तर फक्त व्यायाम करणे पुरेसे नाही तर योग्य आहार घेणे देखील खूप महत्वाचे आहे. यासाठी शरीरात ऊर्जा टिकवून ठेवण्यासाठी आणि थकवा टाळण्यासाठी, काही खास सुपरफूड्सचे सेवन करणे फायदेशीर आहे.

सुपरफूड्सचे सेवन केवळ शारीरिक ताकद वाढवत नाहीत तर मानसिक सतर्कता देखील राखतात. तर आजच्या या लेखात आपण अशा काही सुपरफूड्सबद्दल जाणून घेणार आहोत जे शरीरात स्टॅमिना वाढवण्यास उपयुक्त ठरतील. चला तर मग जाणून घेऊया त्यांच्याबद्दल…

केळी

केळी हे एक उत्तम नैसर्गिक ऊर्जा वाढवणारे पदार्थ आहे. त्यात कार्बोहायड्रेट्स, पोटॅशियम आणि व्हिटॅमिन बी6 सारखे भरपूर पोषक घटक असतात, जे शरीराला त्वरित ऊर्जा देतात आणि स्नायूंना मजबूत बनवतात. व्यायामापूर्वी किंवा सकाळच्या नाश्त्यात केळं खाल्ल्याने दिवसभर ऊर्जा टिकून राहते.

ओट्स

ओट्स सेवन देखील खूप उपयुक्त ठरते. कारण ओट्स हे हळूहळू पचतात, ज्यामुळे ते शरीराला बराच काळ ऊर्जावान ठेवतात. तर या ओट्समध्ये कॉम्प्लेक्स कार्बोहायड्रेट्स, फायबर आणि प्रथिने देखील असतात, जे स्टॅमिना वाढवण्यास आणि साखरेची पातळी संतुलित करण्यास मदत करतात.

अंडी

अंड्यामध्ये उच्च प्रथिने आणि अमीनो आम्ल भरपूर प्रमाणात असतात, जे स्नायू पुनर्प्राप्ती आणि ऊर्जा वाढविण्यास मदत करतात. त्यात असलेले व्हिटॅमिन बी 12 आणि लोह शरीरात ऑक्सिजनचा पुरवठा वाढवतात, ज्यामुळे थकवा कमी होतो.

नट्स आणि बिया

बदाम, अक्रोड, चिया बियाणे आणि अळशीच्या बिया यांमध्ये हेल्दी फॅट ओमेगा-3 फॅटी ॲसिड आणि प्रथिने चांगल्या प्रमाणात असतात, जे शरीराला दीर्घकाळ ऊर्जा प्रदान करतात आणि सहनशक्ती वाढवतात.

पालक

पालक हे लोह आणि मॅग्नेशियमचा चांगला स्रोत आहे, जे शरीरातील हिमोग्लोबिन वाढवून थकवा दूर करते. स्नायूंची क्षमता वाढवण्यास देखील ते उपयुक्त आहे.

रताळे

रताळ हे कॉम्प्लेक्स कार्बोहायड्रेट्स आणि फायबरने समृद्ध असतात, ज्यांच्या सेवनाने हळूहळू ऊर्जा देतात आणि शरीराला जास्त काळ सक्रिय ठेवतात.

ग्रीन टी

ग्रीन टीमध्ये असलेले अँटीऑक्सिडंट्स चयापचय वाढवतात आणि शरीराला डिटॉक्सिफाय करण्यास मदत करतात. मानसिक सतर्कता आणि शारीरिक सहनशक्ती वाढवण्यासाठी ते फायदेशीर आहे.

दही

दह्यामध्ये प्रोबायोटिक्स, प्रथिने आणि कॅल्शियम असतात, जे पचन सुधारतात आणि शरीर हलके आणि ऊर्जावान ठेवतात. ते खाल्ल्याने थकवा आणि आळस दूर राहतो.

( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)