चक्क 1 लाख 11 हजार रूपयांना विकली जातेय भारतातील ‘ही’ सर्वात महाग मिठाई, देशभरातून येत आहेत ऑर्डर 

दिवाळीचा सण सुरू झालेला आहे. दिवाळी सुरू झाली की अनेक घरांमध्ये मिठाईचे बॉक्स येऊ लागतात. त्यातच बाजारांमध्ये मिठाईचे दर देखील खूप महागलेले असतात. अशातच जयपुरच्या या खास मिठाईने मात्र सगळ्यांच लक्ष वेधून घेतलं आहे. कारण या मिठाईची किंमत ऐकून तुम्हीही थक्क व्हाल. जयपूरच्या मिठाईच्या दुकानांनी तेथे बनवल्या जाणाऱ्या मिठाईंना एक लग्झरी स्पर्श दिला आहे. तर यावेळी जयपूर शहरातील मिठाईच्या दुकानदारांनी हाई-एंड मिठाईंचा एक कलेक्शन तयार केल आहे जे केवळ दिसायला सुंदर नाही तर चव आणि आरोग्यासाठी देखील अतुलनीय आहे.

तर यंदाच्या या दिवाळीत जयपूरमध्ये बनवलेला ‘स्वर्ण प्रसादम्’ नावाची ही  एक खास मिठाई सर्वांचे लक्ष वेधून घेत आहे. तर या मिठाईची किंमत प्रति किलोग्रॅम मागे 1 लाख 11 हजार रूपये आहे. या मिठाईचा बेस हा पूर्णपणे पाइन नट्सपासून बनवला आहे आणि त्यात 24 कॅरेटचे खाण्यायोग्य असे  सोनं वापरलं आहे, त्यासोबत केशर आणि मिठाईवर विशेष जैन मंदिराचे काम केले आहे. त्याचे ग्लेझिंग देखील शुद्ध सोन्याच्या राखेने केले आहे. तर यावेळी प्रीमियम क्लास लक्षात घेऊन, ही मिठाई दागिन्यांच्या बॉक्स पॅकेजिंगमध्ये सादर केली आहे. याव्यतिरिक्त ‘स्वर्ण भस्म भारत’ ही एक मिठाई आहे जी प्रति किलोग्रॅम 85 हजार रूपयांना विकली जात आहे. तर या मिठाईंना देशभरातून ऑडर्स येत आहेत.

यंदा जयपुरमधील मिठाईंच्या दुकानांमध्ये दिवाळीच्या थीमवर आधारित फटाक्याची थाळी तयार करण्यात आली आहे. या थाळीतील सर्व मिठाई काजूपासून बनवल्या आहेत, ज्याचा आकार स्ट्रिंग बॉम्ब, डाळिंब आणि चक्रीसारखा आहे. गोल्डन राख रसमलाई, ड्रायफ्रूट केक, अंजीर, बदाम, पिस्ता आणि अक्रोड यासारख्या मिठाईंचाही समावेश आहे. या मिठाई आरोग्यासाठी फायदेशीर कशा ठरतील याकडे विशेष लक्ष देऊन बनवण्यात आलेल्या आहेत.

बदलत्या जीवनशैलीनुसार नवीन पिढीच्या आवडीनिवडी लक्षात घेऊन, ‘ड्रीम सिरीज’ देखील लाँच करण्यात आली आहे. यामध्ये काजू आणि चॉकलेट, रेड वेल्वेट, लिंबू, हेझलनट आणि बबलगम सारखे फ्यूजन फ्लेवर्स समाविष्ट आहेत.

 यावेळी जयपूर फेम्स असलेल्या गुलाब सकरी, थाल की बर्फी आणि घेवर यासारख्या पारंपारिक मिठाईंसोबतच फ्यूजन मिठाईंवरही लक्ष केंद्रित केले आहे. ज्यामध्ये पंचमेवा लाडू, अंजीर-बदाम आणि बिस्कॉफ-बदाम मिठाई लोकप्रिय होत आहेत.

जयपूरमधील या नवीन मिठाई केवळ चव नसून एक अनुभव आहेत. प्रत्येक मिठाईमध्ये परंपरा, नावीन्य आणि आरोग्य यांचा मिलाफ आहे. या दिवाळीत, शहरातील बाजारपेठा गोडवा आणि सोन्याच्या चमकाने भरलेल्या आहेत.