या हिवाळ्यात तुमच्याही घरी बनवा ‘हे’ खास दूध पेय, जे तुम्हाला दिवसभर ठेवेलं उबदार, जाणून घ्या सोपी रेसिपी
हिवाळा सुरू होताच आहारात पौष्टिक पदार्थांचा समावेश केला जातो. तर आजच्या लेखात आपण अशा पेयाबद्दल जाणून घेणार आहोत जे शरीराला आतून उबदार ठेवतेच पण मुबलक पोषण देखील देते. चला त्याची रेसिपी आणि फायदे जाणून घेऊयात.
हिवाळ्याचे आगमन होताच प्रत्येकजण त्यांच्या आहारात बदल करतात. या ऋतूत शरीराला अधिक ऊर्जा, रोगप्रतिकारक शक्ती आणि उष्णतेची आवश्यकता असते, त्यामुळे शरीराला उबदार ठेवणारे, रोगप्रतिकारक शक्ती वाढवणारे आणि शक्ती देणारे पदार्थ आहारात समाविष्ट करणे अत्यंत महत्त्वाचे आहे. या संदर्भात प्रसिद्ध शेफ कुणाल कपूर यांनी दूध आणि दुधापासून बनवलेल्या चविष्ट आणि अत्यंत पौष्टिक पेयाची रेसिपी शेअर केली आहे, जे हिवाळ्यातील औषध मानले जाते.
खास गोष्ट म्हणजे हे पेय केवळ शरीराला बळकटी देण्याचे काम करत नाही तर वजन नियंत्रण, हृदयाचे आरोग्य आणि पचन यासाठी देखील फायदेशीर असल्याचे म्हटले जाते. चला या खास हिवाळ्यातील पेयाची रेसिपी आणि त्याचे फायदे जाणून घेऊयात.
पंजाबी दूधडी म्हणजे काय?
पंजाबी दूध ज्याला दूधडी असेही म्हणतात, हे पंजाबमधील एक लोकप्रिय औषधी पेय आहे. हे पेय बनवण्यासाठी दूध गरम करून आणि त्यात विशेष औषधी वनस्पती, काजू आणि मसाले टाकून बनवले जाते. हिवाळ्यात हे दूधाचे पेय प्यायल्याने शरीराला ऊर्जा, उबदारपणा आणि शक्ती मिळते असे म्हटले जाते.
शेफ कुणाल कपूर यांनी शेअर केलेली रेसिपी
अलिकडेच शेफ कुणाल कपूर यांनी त्यांच्या इंस्टाग्रामवर दुधडीची रेसिपी शेअर केली आहे. व्हिडिओमध्ये कुणाल सांगतात की हे पेय हिवाळ्याच्या हंगामात त्यांच्या घरी बनवले जाते. याच्या सेवनाने शरीराला उबदारपणा मिळतो. तसेच हे पेय इतकं आरोग्यदायी हे की ते कुस्तीगीरांनाही दिले जाते. ते कसे बनवायचे ते जाणून घेऊयात.
पंजाबी दूधडी कशी बनवायची?
शेफ कुणाल सांगतात की “हे बनवण्यासाठी, खसखस, काजू, बदाम आणि टरबुजाच्या बिया हे सर्व एका तास पाण्यात भिजवा. नंतर एका मिक्सरच्या भांड्यात पाण्यात ठेवलेले ड्रायफ्रुट्स टाका आणि त्यात मखाना आणि दुधात टाकून एक गुळगुळीत पेस्ट बनवू शकता. तुम्ही हवे असल्यास जाडसर पेस्ट देखील ठेऊ शकता. आता गॅसवर एक पॅन ठेवा आणि 1 ते 2 चमचे तूप टाकून त्यात तयार पेस्ट टाका आणि ते चांगले परतवा. तुम्हाला ही पेस्ट तपकिरी होईपर्यंत पूर्णपणे पॅनमध्ये परतावी लागेल.
एकदा ही पेस्ट तपकिरी झाले की, पेस्ट काढून टाका आणि थंड होऊ द्या. तुम्ही हे मिश्रण एका महिन्यापर्यंत रेफ्रिजरेटरमध्ये देखील ठेवू शकता. पुढील स्टेपसाठी एका पॅनमध्ये दूध उकळवा. नंतर थंड झालेलं दुधीचे मिश्रण टाका. वेलची पावडर आणि साखर टाकून सर्वकाही छान मिक्स करा आणि उकळी घ्या. अशा पद्धतीने तुमची हिवाळ्यातील पंजाबी दूधडी तयार आहे.
View this post on Instagram
पंजाबी दूधडीचे काय फायदे आहेत?
आयुर्वेद तज्ञ सांगतात की पंजाबी दूधडी हे हिवाळ्यातील एक उत्तम पेय आहे. ते विविध प्रकारचे सुकामेवा वापरून बनवले जाते, ज्यामुळे हे पेय पौष्टिक आणि ऊर्जावान बनते. तथापि, दुधातील फॅटयुक्त पदार्थांमुळे ते कॅलरीजमध्ये जास्त असते. म्हणून ते मर्यादित प्रमाणात सेवन करावे.
( डिस्क्लेमर : या आर्टिकलमध्ये देण्यात आलेली माहिती व उपाय हे सामान्य ज्ञानावर आधारित आहेत. आमचा याला दुजोरा नाही. ते अवलंबण्यापूर्वी तज्ज्ञांचा सल्ला जरूर घ्यावा.)
