गुलाबी थंडीत केरळच्या ‘या’ 5 ठिकाणांना भेट द्या, जाणून घ्या

फिरण्याचा प्लॅन करत असाल तर केरळ तुमच्यासाठी बेस्ट डेस्टिनेशन असू शकते. हिवाळ्यात केरळला भेट देण्याची एक वेगळीच मजा असते. इथलं आल्हाददायक हवामान आणि सुंदर नजारे पाहून तुम्ही मंत्रमुग्ध व्हाल. केरळचे नैसर्गिक सौंदर्य हिवाळ्यात बहरते.

हिवाळ्यात केरळमधील तापमान साधारणत: 10 ते 25 अंश सेल्सिअस दरम्यान असते, त्यामुळे हिवाळ्याचा हंगाम प्रवासासाठी योग्य असतो. या क्रमाने, आपण ख्रिसमस किंवा नवीन वर्षात कुटुंब किंवा मित्रांसमवेत येथे भेट देण्याचा प्लॅन करू शकता.

केरळमध्ये हिवाळ्याचे आगमन म्हणजे स्वच्छ आकाश आणि सौम्य थंड वारा, ज्यामुळे हा हंगाम अधिक प्रवासास अनुकूल होतो. केरळमध्ये अतिशय सुंदर हिल स्टेशन्स आणि समुद्रकिनारे आहेत, ज्याचा तुम्ही आनंद घेऊ शकता.

केरळ आपल्या सौंदर्यासाठी देश-विदेशात प्रसिद्ध आहे. दरवर्षी लाखो पर्यटक येथे येतात. एवढेच नाही केरळ हे एक प्रसिद्ध हनिमून स्पॉट आहे.

मुन्नार

केरळचे नियोजन करताना मुन्नारचा आपल्या यादीत नक्कीच समावेश करा. निसर्गप्रेमींसाठी हे ठिकाण एखाद्या स्वर्गापेक्षा कमी नाही. मट्टुपेट्टी केरळमध्ये खूप प्रसिद्ध आहे. येथे असलेले मट्टुपेट्टी तलाव आणि धरण पर्यटकांमध्ये प्रसिद्ध पिकनिक स्पॉट आहे.

विशेष म्हणजे येथून चहाच्या बागांचे सुंदर दृश्य पाहायला मिळते. पर्यटक येथे नौकाविहाराचा आनंदही घेऊ शकतात. मुन्नारमध्ये माटुपेटी व्यतिरिक्त इतरही अनेक प्रेक्षणीय स्थळे आहेत. आपण इराविकुलम राष्ट्रीय उद्यान, चहा संग्रहालय आणि चहा प्रक्रिया आणि अथुकड धबधब्याला भेट देऊ शकता.

अलेप्पी

अलेप्पी हे केरळमधील प्रसिद्ध ठिकाणांपैकी एक आहे. अलेप्पीला ‘पूर्वेचा व्हेनिस’ किंवा भारताचा व्हेनिस म्हणूनही ओळखले जाते. तसे या शहराचे अधिकृत नाव अलाप्पुझा आहे. ही जागा स्वर्गापेक्षा कमी नाही.

अलेप्पी सर्वात जास्त हाऊसबोट क्रूझसाठी प्रसिद्ध आहे. याशिवाय येथील नैसर्गिक सौंदर्यही पर्यटकांना मंत्रमुग्ध करते. अलेप्पी घनदाट ताडझाडे, जुने दीपगृहे, समुद्र, कालवे आणि गोड्या पाण्यातील नद्यांसाठी ओळखले जाते.

वायनाड

केरळमधील सर्वोत्कृष्ट पर्यटनस्थळाबद्दल बोलायचे झाले तर त्या यादीत वायनाडचे नाव समाविष्ट होणार आहे. जर तुम्हाला अ‍ॅडव्हेंचर आवडत असेल तर हिवाळ्यात फिरण्यासाठी तुमच्यासाठी यापेक्षा चांगली जागा असूच शकत नाही. इथली सुंदर जंगलं, धबधबे आणि वन्यजीव आपलं लक्ष वेधून घेण्यासाठी पुरेसे आहेत.

कन्नूर

कन्नूर हे केरळमधील प्रसिद्ध पर्यटन स्थळ आहे, जिथे दरवर्षी लाखो पर्यटक येतात. पायम्बल्लम आणि मुजुपिलंगड सारखे प्राचीन समुद्रकिनारे येथे आहेत. सांस्कृतिक वारसा आणि कलेने समृद्ध असलेल्या या शहरात अनेक प्रेक्षणीय स्थळे आहेत.

कन्नूरमध्ये सेंट अँजेलो किल्ला, मदयी मशीद, थलासेरी किल्ला, एझिमाला, अरलम वन्यजीव अभयारण्य, अराक्कल पॅलेस आणि स्नेक पार्क आहेत. यामुळेच पर्यटकांना कन्नूर खूप आवडतो.

कोची

कोचीमध्ये पाहण्यासारखी अनेक ठिकाणे आहेत, परंतु या ठिकाणांमध्ये डच पॅलेस, बोलघट्टी पॅलेस, हिल पॅलेस, बॅस्टियन बंगला, मरीन ड्राइव्ह, चेराई बीच, सेंट फ्रान्सिस चर्च, संग्रहालय, पल्लीपुरम किल्ला, परीक्षित थंपूरन संग्रहालय, कांजीरामट्टम मशीद आणि कलाडी यांचा समावेश आहे. हिवाळ्यात येथील हवामान अतिशय आल्हाददायक असते.