मसूरी नव्हे तर उत्तराखंडचं ‘हे’ सुंदर हिल स्टेशन एक्सप्लोर करा, ट्रिप होईल संस्मरणीय

उत्तराखंडमध्ये एकापेक्षा एक सुंदर हिल स्टेशन्स आहेत, परंतु गेल्या काही वर्षांपासून मसूरी, नैनीताल आणि औली सारख्या ठिकाणी गर्दी वाढू लागली आहे. अशा तऱ्हेने जर तुम्ही तुमच्या बिझी शेड्यूलमधून काही रिलॅक्स चे क्षण घेऊन रिलॅक्स ट्रिप प्लॅन करत असाल तर मसूरीपासून 62 किलोमीटर अंतरावर असलेले हे सुंदर हिल स्टेशन तुमच्यासाठी परफेक्ट स्पॉट आहे. तुम्ही तुमच्या प्रियजनांसह येथे संस्मरणीय ट्रिपचे नियोजन करू शकता.

मसूरीपासून काही अंतरावर असलेले धनोल्टी हे एक मनमोहक हिल स्टेशन आहे. अशा तऱ्हेने जर तुम्हाला मसूरी आणि औली सारख्या ठिकाणी फिरायचे नसेल तर हे ठिकाण तुमच्यासाठी चांगला पर्याय आहे. उत्तराखंडच्या गढवाल हिमालय रांगेत वसलेले धनोल्टी हिरवेगार उतार, ताजी हवा, शांतता आणि एकांत वातावरण आणि नयनरम्य पर्वतदृश्यांसाठी ओळखले जाते.

धनोल्टीला कधी जायचे?

अशातच तुम्ही इतर ऋतू देखील म्हणजे उन्हाळ्यात धनोल्टीया हिल्स स्टेशनला भेट देऊ शकतात. दरम्यान उन्हाळयात धनोल्टीचे तापमान ७ ते ३१ अंशांपर्यंत असते. रात्री थंड आणि दिवस उबदार असतात ज्यामुळे धनोल्टीमध्ये फिरण्याची ठिकाणे शोधणे सोपे होते. लहान मुले किंवा वृद्धांसोबत प्रवास करणाऱ्या पर्यटकांसाठी धनोल्टीला भेट देण्यासाठी उन्हाळा हा उत्तम काळ असतो.

तसेच पावसाळा ऋतूमध्ये भरपूर पाऊस पडतो. नोव्हेंबर ते फेब्रुवारी या हिवाळ्याच्या ऋतूत धनोल्टीचे तापमान १ ते ७ अंशांच्या दरम्यान असते. धनोल्टीचे हवामान अतिशय थंड असून येथे भरपूर बर्फवृष्टी होते. जर तुम्हाला ॲडव्हेंचर आवडत असेल तर हिवाळ्याचा हंगाम तुमच्यासाठी उत्तम असतो.

धनोल्टी मधील प्रेक्षणीय स्थळे

सुरकंडा देवी मंदिर : सुरकंडा देवी मंदिर हे भाविक आणि ट्रेकर्स या दोघांमध्ये खूप प्रसिद्ध आहे. बहुतेक पर्यटकांसाठी धनोल्टीमधील हे एक प्रमुख प्रेक्षणीय ठिकाण आहे. सती देवीला समर्पित हे पवित्र मंदिर शक्तीपीठांपैकी एक आहे.

धनोल्टी ॲडव्हेंचर पार्क : ॲपल ऑर्चर्ड रिसॉर्टमधील धनोल्टी ॲडव्हेंचर पार्क हे साहसप्रेमींसाठी उत्तम ठिकाण आहे. रॅपलिंग, माउंटन बाइकिंग, रॉक क्लायम्बिंग, स्काय वॉकिंग, झिप स्विंग आणि व्हॅली क्रॉसिंग सारखे ॲडव्हेंचर तुम्ही येथे करू शकतात.

जाबरखेत नेचर रिझर्व्ह : जर तुम्हीनिसर्गप्रेमी असाल तर हे ठिकाण तुमच्यासाठी चांगला पर्याय आहे. या ठिकाणी रानफुलांच्या ३०० प्रजाती, पक्ष्यांच्या १०० प्रजाती आणि मशरूमच्या सुमारे ६० जाती आहेत. ज्या तुम्हाला एक्सप्लोर करता येतील.

धनोल्टी ला कसे पोहोचावे?

तुम्ही तुमच्या स्वतःच्या गाडीने प्रवास करता उत्तराखंड मधील धनोल्टी या हिल्सवर बाय रोड देखील जाऊ शकता. अशा तऱ्हेने जर तुम्ही धनोल्टीच्या रोड ट्रिपचा प्लॅन करत असाल तर त्यासाठी डेहराडून-मसूरी मार्ग किंवा ऋषिकेश-चंबा मार्गाचा अवलंब करू शकता. पण जर तुम्ही रेल्वेने प्रवास करण्याचा विचार करत असाल तर सर्वात जवळचे रेल्वे स्टेशन डेहराडून मध्ये आहे, जे धनोल्टीपासून 60 किमी दूर आहे. याशिवाय ऋषिकेश रेल्वे स्थानक धनोल्टीपासून ८३ किमी अंतरावर आहे. जर तुम्ही विमानाने प्रवास करत असाल तर डेहराडूनचा जॉली ग्रांट विमानतळ सर्वात जवळ आहे. इथून धनोल्टीला टॅक्सी घेऊन जाऊ शकता.