Maharashtra Day 2024 : महाराष्ट्र दिनानिमित्त द्या मराठमोळ्या शुभेच्छा! वाचा एकापेक्षा एक सुंदर मेसेज

आज संपूर्ण राज्यात महाराष्ट्र दिन साजरा केला जात आहे. 1 मे हा दिवस महाराष्ट्र दिन आणि कामगार दिवस म्हणूनही साजरा केला जातो. 1960 साली महाराष्ट्र स्वतंत्र राज्य म्हणून स्थापन झाल्याचा हा दिवस आहे. मराठी भाषा आणि संस्कृतीचे वैभव लक्षात ठेवण्याची आणि राज्याचा समृद्ध वारसा समजून घेण्याची संधी हा दिवस देतो. हा दिवस महाराष्ट्राच्या स्थापना दिनानिमित्त साजरा केला जातो. विशेष म्हणजे आज गुजरात दिवसही आहे.

स्वातंत्र्यापूर्वी आणि स्वातंत्र्याच्यानंतर काही काळ गुजरात आणि महाराष्ट्र हे दोन्ही राज्य मुंबई प्रांताचे भाग होते. त्यावेळी या मुंबई प्रांतात मराठी आणि गुजराती भाषकांची संख्या अधिक होती. दोन्ही भाषिकांकडून स्वतंत्र राज्याची मागणी केली जात होती. त्यामुळे भाषावार प्रांतरचनेमुळे गुजरात आणि महाराष्ट्र या दोन वेगळ्या राज्याची घोषणा करण्यात आली. 1 मे 1960 रोजी मुंबईसह संयुक्त महाराष्ट्र निर्माण झाला. त्यामुळे 1 मे रोजी महाराष्ट्र दिन साजरा केला जातो. तसेच 1 मे हा दिवस आंतरराष्ट्रीय कामगार दिन म्हणूनही ओळखला जातो.

महाराष्ट्र दिनानिमित्त नागरिक एकमेकांना महाराष्ट्र दिनाच्या शुभेच्छा देतात. तुम्ही देखील मेसेजस, कोट्स शेअर करू आपल्या मित्र-परिवारास महाराष्ट्र दिनाच्या खास शुभेच्छा देऊ शकता.