Nashik| जिल्ह्यात 488 कोरोना रुग्ण; नाशिक महापालिका क्षेत्रात 198 जणांवर उपचार सुरू

Nashik| जिल्ह्यात 488 कोरोना रुग्ण; नाशिक महापालिका क्षेत्रात 198 जणांवर उपचार सुरू
प्रातिनिधीक छायाचित्र

नाशिक जिल्ह्यात कोरोनाचे रुग्ण अजून वाढत असून, आता 488 जणांवर उपचार सुरू आहे, अशी माहिती सोमवारी जिल्हा नोडल अधिकारी डॉ. अनंत पवार यांनी दिली.

टीव्ही 9 मराठी डिजीटल टीम

| Edited By: मनोज कुलकर्णी

Nov 22, 2021 | 11:37 AM

नाशिकः नाशिक जिल्ह्यात कोरोनाचे रुग्ण अजून वाढत असून, आता 488 जणांवर उपचार सुरू आहे, अशी माहिती सोमवारी जिल्हा नोडल अधिकारी डॉ. अनंत पवार यांनी दिली. जिल्हा सामान्य रुग्णालयामार्फत आज प्राप्त अहवालानुसार जिल्ह्यातील 4 लाख 2 हजार 753 कोरोना बाधितांना डिस्चार्ज देण्यात आला आहे. तसेच आत्तापर्यंत 8 हजार 704 रुग्णांचा मृत्यू झाला आहे, अशी माहितीही देण्यात आली.

आजचे पॉझिटिव्ह रुग्ण

पॉझिटिव्ह रुग्णांमध्ये नाशिक ग्रामीणमध्ये नाशिक 32, बागलाण 5, चांदवड 23, देवळा 3, दिंडोरी 7, इगतपुरी 9, मालेगाव 4, नांदगाव 1, निफाड 74, सिन्नर 87, सुरगाणा 2, त्र्यंबकेश्वर 3, येवला 11 अशा एकूण 261 पॉझिटीव्ह रुग्णांवर ग्रामीण भागात उपचार सुरू आहेत. तसेच नाशिक महानगरपालिका क्षेत्रात 198, मालेगाव महानगरपालिका क्षेत्रात 10 तर जिल्ह्याबाहेरील 19 रुग्ण असून, असे एकूण 488 रुग्णांवर उपचार सुरू आहेत. तसेच आजपर्यंत जिल्ह्यात 4 लाख 11 हजार 946 रुग्ण आढळून आले आहेत.

कालचे पॉझिटिव्ह रुग्ण

नाशिक ग्रामीणमध्ये काल आढळून आलेल्या बाधित रुग्णांमध्ये नाशिक ग्रामीणमध्ये नाशिक 1, चांदवड 3, इगतपुरी 2, निफाड 9, सिन्नर 2, येवला 1 असे एकूण 18 पॉझिटीव्ह रुग्ण ग्रामीण भागात आढळून आले आहेत. जिल्हयात रुग्ण बरे होण्याची टक्केवारी नाशिक ग्रामीणमध्ये 97.16 टक्के, नाशिक शहरात 98.18 टक्के, मालेगावमध्ये 97.10 टक्के तर जिल्हा बाह्य रुग्णांचे बरे होण्याचे प्रमाण 97.58 टक्के आहे. तसेच जिल्ह्यात बरे होण्याचे प्रमाण 97.77 टक्के इतके आहे. नाशिक ग्रामीण 4 हजार 217 रुग्णांचा मृत्यू झाला आहे. नाशिक महानगरपालिका क्षेत्रातून 4 हजार 3, मालेगाव महानगरपालिका क्षेत्रातून 358 व जिल्हा बाहेरील 126 अशा एकूण 8 हजार 704 रुग्णांचा मृत्यू झाला आहे.

आता भीती याची?

कोरोना लसीकरण वेगाने वाढत आहे. नाशिक जिल्हा आणि विभागही राज्यात अग्रक्रमावर आहे. मात्र, कोरोना रुग्णांत वाढ होताना दिसत आहे. विशेषतः पाश्चिमात्य देशात अनेक ठिकाणी पुन्हा एकदा लॉकडाऊन लावण्यात येत आहे. आता सर्व शाळा सुरू झाल्या आहेत. त्यात नाशिकमध्ये डिसेंबर महिन्यात साहित्य संमेलन आहे. त्यासाठी राज्यभरातील रसिक येणार. हे पाहता पुन्हा एकदा कोरोनाने डोके वर काढू नये म्हणजे झाले. त्यामुळे नागरिकांनी कोरोनाचे नियम पाळावेत. प्रत्येकाने मास्क जरूर वापरावा, असे आवाहन प्रशासनातर्फे करण्यात आले आहे.

इतर बातम्याः

जरंडेश्वरप्रमाणेच खोतकरांचा घोटाळा, सोमय्यांचा आरोप; नांगरे-पाटलांची पत्नी, सासऱ्यांचेही घेतले नाव, चौकशीच्या मागणीसाठी उद्या दिल्लीला जाणार

ST Strike| आंदोलन दडपणे सुरू, 40 कर्मचाऱ्यांना डांबले, हिंसक वळण लागेल; भाजप नेते दरेकरांचा सरकारला इशारा

बाब्बो, एकट्या जळगावात 3518 कोटींच्या वीजबिल थकबाकीचा डोंगर; महावितरणचे कंबरडे मोडले!

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें