Pune Murder : वडिलांनी दुसरे लग्न केल्याचा राग, मुलाने सावत्र आईचा केला किस्सा खल्लास; वाचा काय घडले भोरमध्ये ?

शिवमच्या आईचे निधन झाल्यानंतर त्याच्या वडिलांनी दुसरे लग्न केले. मात्र शिवमला वडिलांचे दुसरे लग्न मान्य नव्हते. त्यामुळे त्याच्या मनात सावत्र आईबद्दल राग होता. शिवम कामानिमित्त कात्रज येथे राहत होता. मात्र गुन्हा घडला तेव्हा तो भोर येथे वडिलांच्या घरी आला होता.

Pune Murder : वडिलांनी दुसरे लग्न केल्याचा राग, मुलाने सावत्र आईचा केला किस्सा खल्लास; वाचा काय घडले भोरमध्ये ?
विनय जगताप

| Edited By: वैजंता गोगावले, टीव्ही 9 मराठी डिजीटल टीम

Jun 29, 2022 | 11:59 PM

पुणे : वडिलांनी दुसरे लग्न केल्याचा राग मनात धरुन मुलाने सावत्र आई (Step Mother)ची डोक्यात दगड घालून हत्या (Murder) केल्याची घटना पुण्यातील भोरमध्ये घडली आहे. हत्या केल्यानंतर आरोपीमुलगा फरार (Absconding) झाला आहे. वडिल रात्रपाळीसाठी गेले होते. यावेळी एक घरी सावत्र आई आणि मुलगा दोघेच होते. याच संधीचा फायदा घेत मुलाने सावत्र आईचा काटा काढला. शिवम (22) असे हत्या करणाऱ्या आरोपी मुलाचे नाव आहे. याप्रकरणी भोर पोलीस ठाण्यात हत्येचा गुन्हा दाखल करण्यात आला आहे. आरोपीच्या शोधासाठी पोलिसांचे एक पथक रवाना झाले आहे.

आधी सावत्र आईचा गळा चिरला मग डोक्यात पाटा घातला

शिवमच्या आईचे निधन झाल्यानंतर त्याच्या वडिलांनी दुसरे लग्न केले. मात्र शिवमला वडिलांचे दुसरे लग्न मान्य नव्हते. त्यामुळे त्याच्या मनात सावत्र आईबद्दल राग होता. शिवम कामानिमित्त कात्रज येथे राहत होता. मात्र गुन्हा घडला तेव्हा तो भोर येथे वडिलांच्या घरी आला होता. वडिल रात्रपाळीला कामावर गेल्यानंतर घरी शिवम, मयत महिला आणि तिच्या दोन मुली होत्या. पहाटे सर्व जण गाढ झोपेत असताना शिवमने सावत्र आईचा गळा चिरला. त्यानंतर तिच्या डोक्यात दगडी पाटा घालून तिची निर्घृण हत्या केली. यावेळी महिलेच्या दोन्ही मुलींनी आरडाओरडा केल्याने आरोपी तेथून पळून गेला. याप्रकरणी भोर पोलिसात गुन्हा दाखल करण्यात आला असून पोलीस आरोपीचा शोध घेत आहेत. (A youth killed his stepmother out of anger over his fathers remarriage in Pune)

हे सुद्धा वाचा


Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें